أيهما أفضل طلمبة البنزين الكهرباء أم العادية ( للادا )

[أبو يحيى]

السلام عليكم
عربيتى بتفصل دوران فجأة وانا ماشى رحت للميكانيكى قاللى طلمبة البزين عايزة تتغير
علما بأن صاحبهااللى أنا اشتريتها منه كان لاغى طلمبة البنزين العادية الأصلية بتاعتها ومركب طلمبة بنزين كهرباء ( لغاية هنا والكلام جميل )
لكن سؤالى عن ايهما أفضل الطلمبة العادية ( الرداخ ) أم الكهرباء للاسباب الأتية
1- اننى وجدت ضمن قطع الغيار القديمة اللى أعطاها لى صاحب السيارة مع السيارة ( وجدت طلمبة بنزين كهرباء قديمة ) اذا اللى راكبة على العربية المفروض تكون جديدة
2- الكلام ده كان من حوالى 8 شهور والمفروض ده عمر الطلمبة الجديدة اللى راكبة على العربية ( فهل ده العمر الافتراضى بتاعها )
3- ناس أعرفهم وجيران نصحونى بأن الطلمبية العادية اللى جايا مع العربية أفضل لأن الموتور مصمم على كده
4- العربية ماشية ببنزين 80 وسمعت انه مش مناسب للطلمبات البنزين الكهربا فهل الكلام ده صح
اسف للاطالة وجزاكم الله خيرا

[lada2010]

ركب الطرمبة العادية وانسى موضوع الطرمبة لابد

[أبو يحيى]

ركب الطرمبة العادية وانسى موضوع الطرمبة لابد

شكرا لحضرتك للاهتمام والرد
لكن لى سؤال
ايه أحسن نوع طلمبة عادية تنفع للادا 2107 والسعر و أجبها منين
جزاكم الله خيرا

[MOTOR HEAD]

ميكانيكى بالصدفه بتكلم معاه قال ان الكهربا احسن

[Mecha]

الكهربا احسن بتدي بنزين اكتر وتدفق ثابت ,ولا رقها ينقطع وتخلط بنزيم ع الزيت. القديمه اللي عندك حل خرطوم الطرد ودور ,كمية التدفق هتحدد حالة الطرمبه

[ahmedelaraby]

طلمبة البنزين الكهرباء بتيوظ مع اقل شورت كت في الكهرباء وعن تجربة 4 طلمبات كهرباء

مرة من المرات كانت البطارية نايمة بدلت البطارية مع اخويا واول مادورت برجع البطارية بتاعتي والعربية دايرة عشان تشحن وهب الطلمبة طارت من غير اي سبب

[mossallem]

الطلمبه العاديه تمنها 85