عايزين ننشط المنتدى لادا

[lada2010]

انا ملاحظ مفيش حد بيهم بالمنتدى الكل الغرض مشكلتة تتحل وبس فى خظوات لا بد نتخذها وهى
1- عندك قطع غيار مش عايزها اعلن عليها هنا زميل لك يستفيد منها
2- تعملت مع صنايعى عندوا ضمير ضع عنوانة ورقم تليفونة هنا
3- روحت اشتريت قطعة غيار ضع سعرها هنا
4- عندك كاوتش هتغيروا اعلن هنا يمكن حد يحتاج القديم مع ان كاوتش بيطلع بيشكتى
5- عندك بطارية هتغيرها قبل ما تغيرها اعلن هنا يمكن واحد زى كدا او غيرى عايز بطارية ويعطى لك اللى عندوا تبدلها

لازم يحدث تفاعل بين الاعضاء ودا اللى كنا بنحاول هنا نفهمة لاعضاء

[dbabis8]

عندى مشكلة فى لادا 1200 المياه بتتسرب من خلف المروحة و العربية دايرة بس - تنقيط بقالها اسبوع و كانت اول يوم عملت كده بتسرب دايره او واقفه بس دلواتى دايره بس و كل ما اروح مشوار ازودها ميه و قبل كده مكانتش بتتزود غير كل اسبوع ربع لتر مثلا السحب كويس و العربيه تمام و مقلق اروح لميكانيكى يعمل فيلم و يحل و يربط و يحور عشان ياخد مصنعية اكبر و كلهم كده

[lada2010]

عندى مشكلة فى لادا 1200 المياه بتتسرب من خلف المروحة و العربية دايرة بس - تنقيط بقالها اسبوع و كانت اول يوم عملت كده بتسرب دايره او واقفه بس دلواتى دايره بس و كل ما اروح مشوار ازودها ميه و قبل كده مكانتش بتتزود غير كل اسبوع ربع لتر مثلا السحب كويس و العربيه تمام و مقلق اروح لميكانيكى يعمل فيلم و يحل و يربط و يحور عشان ياخد مصنعية اكبر و كلهم كده

لو مروحة على الطمبورة يباق من طرمبة المياة ولو مروحة كهرباء يباق من الردياتير

[yoyo2015]

احتمال بردوا الخراطيم بتاعة التكييف اللى هى فى صدر العربية ناحية اليمين كدة حصلت معايا قبل كدة المواسير صدت

[dbabis8]

لو مروحة على الطمبورة يباق من طرمبة المياة ولو مروحة كهرباء يباق من الردياتير

المروحة على طنبورة مش كهربا و مفيش تكييف - الطرمبة دى تتصلح و لا بتتغير و بتاخد وقت فى الحل و التركيب عشان افضيلها يوم من اوله و لا حوار صغير

[lada2010]

المروحة على طنبورة مش كهربا و مفيش تكييف - الطرمبة دى تتصلح و لا بتتغير و بتاخد وقت فى الحل و التركيب عشان افضيلها يوم من اوله و لا حوار صغير

عايز تعملها تعالى لى صقرقريش وانا افكها لك واعملها واخد مصنعية ههههههههههه

[dbabis8]

انا غيرت طرمبة المياه بواحده روسى (بيقول كده) اسمها فينوكس القديمه كانت متاكله و مفرومة جبتها ب 85جنيه و مصنعيه 30جنيه انا صورت القديمه و الجديده بس كالعاده مفيش رفع صور دايما خطا