نتشه فى 2107 موديل 2007

[osama abdalla]

السلام عليكم سؤالى الى اهل الخبرة فى سيارة لادا 2107 موديل 2007 اننا لسا شريه قريب وبصراحة معنديش خبرة فى العربيات اوى المهم العربكانشاريها مكانش فيها حاجه الحمد لله روحت من نغسى عملت صيانة للكربراتير ومن بعدها الدنيا باظت معايا العربية بقت بتقطع منى روحت للميكانيكى غيرلى طقم الكهربا ومشيت بيها مكملتش اسبوع ورجعت النتشه تانى روحت تانى غيرى ابلتين وكوندنسر وعشان بحط بنزين 92 قالى عايزة ضبط كهربا المهم ظبطها وبعدين مشت كويس وخدتها وسافرت المهم تانى يوم حصل نفس الموضوع العربية بقت بتنتش لما بطلع وبقرص على الغيار بس مش على طول وبعد كده تمشى كويس وكل اما اركنها واطلع يحصل نفس الحاجة انا تعبت بصراحة وكل شويه اغير ابلتبن وكوندنسر الرجاء الافاده من اهل الخبرة

[dbabis8]

متابع

[osama abdalla]

العربية بقت بتقطع على طول ومبتجبش اكتر من 60 على فترات لانى لو زودت بتقطع وتنتش جامد ببص على البوجيهات لقيتها مهببه رغم انهم لسة جداد يبقى كده المشكله فى الكربراتير وكده معنى التقطيع ده ان العربية بتشرق لما بزود بنزين الرجاء الافاده لانى مش عارف ابدء منين اغير بوجيهات وابلتين وكوندنسر تانى ولا اعمل صياتة للكربراتير تانى ولا اعمل ايه الرجاء الافاده

[أبو يحيى]

العربية بقت بتقطع على طول ومبتجبش اكتر من 60 على فترات لانى لو زودت بتقطع وتنتش جامد ببص على البوجيهات لقيتها مهببه رغم انهم لسة جداد يبقى كده المشكله فى الكربراتير وكده معنى التقطيع ده ان العربية بتشرق لما بزود بنزين الرجاء الافاده لانى مش عارف ابدء منين اغير بوجيهات وابلتين وكوندنسر تانى ولا اعمل صياتة للكربراتير تانى ولا اعمل ايه الرجاء الافاده

السلام عليكم
أخى الفاضل كان عندى نفس المشاكل اللى عندك دى وأنا معا نفس موديل عربيتك وكنت بحط بنزين 92 وأغير باستمرار طقم الكهربا ومع ذلك الاقى دخنة سوداء فى الشكمان وأكشف على البوجيهات ألاقيها مهببة
المهم بالصدفة و للظروف الاقتصادية اللى احنا فيها غيرت نوع البنزين وبقيت أحط بنزين 80 والله بقت العربية زى الفل معايا وكله تمام بس ابقى قلل الكهربا حاجة بسيطة واسأل ميكانيكى فى الموضوع ده

[abokoko]

عندك مشكله في الكربراتير

[osama abdalla]

شكرا ياجماعة على الاهتمام وانا حاخد برايكم واغير نوع البنزين واعمل صيانه للكربراتير وﻻبنا يوفق

[osama abdalla]

متشكر يا جماعة انا حاخد برأيكم وربنا يوفق

[ahmscu]

ماتقلقش ان شاء الله خير مشكلتك سهله ان شاء الله،الموضوع كله انه لما عملت صيانة الكربراتير غالبا الصنايعى غيرلك البكات وغالبا حط مكانهم بكات مقاساتها مش مناسبة او حتى نوعهم مش كويس،نوع البنزين مالوش دعوه خالص بالعكس لما تحط 92 الموتور هيفوق اكتر والسحب هيبقى احسن كتير،الحكاية ان عندك مشكلة فى نسبة خلط البنزين بالهوا ودى وظيفة الكربراتيرعشان كده البوجيهات بتهبب،مشاكل الكهربا غالبا مابتعملش هباب على البوجيهات،وللعلم مقاسات بكات كربراتير الفبريكا :بكات السرعه 112 و150 أو 110 و130 وبك السلانسيه 45 او 50 وبكات الهوا 150 ولو قلت المقاسات دى للصنيعى هيقولك ياباشا كده العربيه هتاكل بنزين معاك ساعتها قوله ملكش دعوه انا عايزها كده ،الادا مابتتظبش عمرها الا بمقاسات المصنع ومستنيين نشوف عملت ايه

[osama abdalla]

انارايح اشوف الكربراتير يوم الاربع ان شاء الله وربنا ييسر الامور وانا شاكر لاهتمامكم جدا وان شاء الله حتابع معاكم

[mohamed2002]

محتاج ظبط كربراتير ولو حاسس بتسقيف (صوت علي السرعات العالية) يبقي محتاج ظبط كهرباء

[osama abdalla]

الحمد لله روحت لواحد اسمه الشيخ احمد فى محرم بك شاف الكربراتير وقالى محتاج اكس وباب عملهم وركب وظبط العربية والحمد لله العربية بقت ما شاء الله تمااااام واستهلاك البنزين بقى تمام الحمد لله شكرا ليكو يا جماعة