الفرق بين الادا المصري والروسي لاني عاوز اشتري

[mohamed2002]

الفرق بين الادا المصري والروسي لاني عاوز اشتري
عاوزين نسمع تجارب الاعضاء خصوصا المصري

[eng-mohamed]

متابع

[أبو يحيى]

الفرق بين الادا المصري والروسي لاني عاوز اشتري
عاوزين نسمع تجارب الاعضاء خصوصا المصري

السلام عليكم
بص يا سيدى على حسب خبرتى من الموقع الموقر ان اللادا الروسى موتور 1500 cc انجشكن و سير الكاينة جلد أما المصرى 1600 cc كاربراتير عادى سير الكاتينة جنزير حديد وباقى الاختلافات بيبقى فى الكماليات زى الاكصدامات وبعض الحليات طبعا الكلام ده كله على اللادا 2107 مش حضرتك تقصد الموديل ده برضه
عموما سواء كانت مصرى أو روسى فاللادا دائما عايزة متابعة واهتمام وخصوصا العفشة تبقى معاك زى الفل
أنا معايا لادا 2107 مصرى وبسم الله ماشاء الله جميلة جدا بس زى ما قلت لحضرتك ( المتابعة )
وفقكم الله لما فية الخير

[mohamed2002]

شكرا لردك ابويحي

[mohsal]

سيدى الفاضل اللى اعرفه كويس جدا من خلال ان العربيه معايا وبتعامل مع الميكانيكيه والصنايعيه كله بيقول ان المصرى مش حلوه اشترى الروسى افضل بمراحل وصاجها معالج ضد الصدا وانجكشن بنزين ٨٠ عادى جدا وتوكل على الله-

[mohamed2002]

شكرا لردك انت معاك مصري ولا روسي

[ahmscu]

مجمل القول من غير ماندخل فى تفاصيل،المصرى موتور افضل شويه لانه 1600 وكاتينه ككاوتش لكن شاسيه ضعيف والبارومه بتجرى فيه مجرى الدم فى العروق اما الروسى فيه منها نوعين 1500 وكاتينه جنزير وكاربراتير وامنها نفس موتور المصرى 1600 بس انجكشن والشاسيه الروسى قوى جدا والبارومه مابتمشيش فيه وثبات وامان على الطريق والسرعات العاليه غير بقى العفشه الروسى رهيبه فى الاداء واعطال الروسى اقل بكتير عن المصرى يعنى من الاخر الفرق بين الروسى والمصرى فى الشاسيه وشوية كماليات زى التكيف والباور لكن المواتير كلها روسى سواء فى المصرى او الروسى على اختلاف انواعها

[mohamed2002]

شكرا لردك ومتفق معاك في كلامك بس لا اعتقد ان في روسي 1600 الروسي كله 1500 اما المصري 1600
الروسي في منه انجيكشن وكاربراتير اما المصري كاربراتير فقط

[mohamed2002]

كمان علي فكرة انت عندك حق اوي في موضوع البارومة دة في المصري

[Abo_Mazen]

أنا اللي أعرفه إن مفيش روسي إبتداء من 2003 أو 2006 وإن اللي بنقول عليها روسي دي تركي ..يعني في لادا مصري ولادا تركي وإحنا بنقول عليها روسي ..الكلام ده إبتداء من 2003 أو 2006 ..مش متذكر بصراحه

[abokoko]

الموتور واحد الشاسيه واحدتقريبا
الصاج المصري اضعف
الموتور زي ما اتكلموا عليه باعلي
ملحقات الموتور مختلفه يعني في اختلاف في الاتوماتك المارش وفي اختلاف في الدينامو
اجهزه التعليق واحد شكلا
لكن
هتلاقي المكون مصري وبالتالي مش ختستريح معاهم وممكن تغيرهم. زي السوست وجلب المقصات او حتي المقصات نفسها والبيض. غالبا بعد مرور اكتر من عامين من صتعهم يعني لو موديل 2007 هتغير اجزا العفشه علي 2009 او2010
اخيرا
القعده في الروسي حتي لو موديل ااقدم اجمل من القعده في المصري و اكثر راحه

اعتقد الثبات واحد لانهم نفس التصميم بالكامل

[mohamed2002]

الموتور واحد الشاسيه واحدتقريبا
الصاج المصري اضعف
الموتور زي ما اتكلموا عليه باعلي
ملحقات الموتور مختلفه يعني في اختلاف في الاتوماتك المارش وفي اختلاف في الدينامو
اجهزه التعليق واحد شكلا
لكن
هتلاقي المكون مصري وبالتالي مش ختستريح معاهم وممكن تغيرهم. زي السوست وجلب المقصات او حتي المقصات نفسها والبيض. غالبا بعد مرور اكتر من عامين من صتعهم يعني لو موديل 2007 هتغير اجزا العفشه علي 2009 او2010
اخيرا
القعده في الروسي حتي لو موديل ااقدم اجمل من القعده في المصري و اكثر راحه

اعتقد الثبات واحد لانهم نفس التصميم بالكامل

شكرا لردك المميز

[mohamed2002]

طيب القول الفصل
حد ركب مصري وركب روسي وعايش العربيتين

[abokoko]

انا معايا المصري
وكنت ركبت الروسي بس مش بجوار السائق يعنى مش انا اللى كنت سائق
لو الاتنين بنفس الحالة يبقي الروسي افضل
لكن الروسي قليل وقديم

على فكرة اللى كان بينزل مؤخرا كان اوكرانى مش روسي
بس عادى برضه روسي

[mohamed2002]

انا معايا المصري
وكنت ركبت الروسي بس مش بجوار السائق يعنى مش انا اللى كنت سائق
لو الاتنين بنفس الحالة يبقي الروسي افضل
لكن الروسي قليل وقديم

على فكرة اللى كان بينزل مؤخرا كان اوكرانى مش روسي
بس عادى برضه روسي

شكرا لردك واهتمامك
انا اكتر حاجة مش عجباني في المصري البارومة بحس بتاكل فيها عكس الروسي
الماتور شايف انه واحد
فعلا تقريبا من 2005 اللي بينزل اوكراني مش روسي