لادا مستعملة فى 5 سنوات

[abokoko]

اشتريت العربية فى مارس 2010
لادا مصري موديل 2007
والان مر 5 سنوات
تعودت خلالها ان اكتب قطع الغيار التى اشتريتها + مصنعية التركيب
فى ملف اكسيل عادى
يعنى اسم الصنف وسعره وتاريخ الشراء و قراءة الكيلو متر ومصنعية التركيب
وفى صفحة اخرى غيار الزيت بالنوع والقراءة والمصنعية لكن لم اكن منتظم فى تسجيل الزيت

عموما
خلال 5 سنوات ( مع ملاحظة ان العربية اشتريتها مستعملة ثانى يد )

قطع غيار
7600 جنيه
مصنعية ميكانيكى او عفشجى او كهربائي
2045 جنية

[ahmdmagdy]

انا برضه عامل اجنده و سايبها في التابلوه بكتب كل جنيه صرفته علي العربيه من يوم ما اشتريتها و كمان بكتب استهلاك البنزين بس محسبتش انا صرفت كام عليها عاوز اعرف هجمعها و ابقي اكتبها

[abokoko]

ويا ترى تقييم حضرتك للانفاق االلى ذكرته خلال ال5 سنوات ( 9 الاف جنيه تقريبا ) ده غير الزيت والبنزين وغسيل العربيه مش حاسبهم لانهم اهلاك عادى مقابل الاستخدام

عالى و لا عادى
؟

[Zing0]

أنا صارف فى حدود ال10 الآف و لسه مكملتش 4 أعوام, برضو من غير زيوت و فلاتر و بنزين... الإستهلاكات العادية لأى عربية يعنى.
برضو شغال زى الخواجة كوهين و مقضيها كل قرش و سحتوت بيتصرف بسجله فى "الكراسة الصفراء" بتاعة اللمبى.
بس لازم أعترف إن مقارنة اأسعار لمصنعيات زمان (من 4 سنين) إختلفت تماماً عن دلوقتى, كل حاجة تضاعفت جداً.
ده غير إن فيه حاجات كتير بيضحك فيها عليا - سواء قطع غيار أو مصنعيات (قلة ضمير)

[Abo_Mazen]

ومن خلال المشاركه نفسها والردود اللي عليها أقدر أقول إن ده تفسير المثل الأمريكي اللي بيقول ..(i'm not rich to paid in used car)

[abokoko]

ما احنا لو معانا اننا نشتري الجديد
كنا بدون ادنى تفكير اشترينا الجديد حتى لو صيني

[Zing0]

ومن خلال المشاركه نفسها والردود اللي عليها أقدر أقول إن ده تفسير المثل الأمريكي اللي بيقول ..(i'm not rich to paid in used car)

الموضوع كله موضوع حالة إقتصادية ماشية بستر ربنا و حاجات بتغلى بسرعة البرق
و الصعب إنك توازن بين ده و ده, و المستعمل ليه مصاريفة و الجديد برضه ليه أقساطة و صيانات التوكيل و أسعار قطع غيار و مصنعية أغلى من اللادا بكتيييييييييييييييييييييييييييييييير

يعنى بحسبتى و حسبة الأستاذ abokoko نقدر نقول مصاريف اللادا شهرياً من 250 - 350
حسب الحالة و بإضافة ثمن البنزين و الزيت .... أكيد مفيش عربية زيرو تمشى بالمبلغ ده شهرياً (بالقسط و الصيانات اللى لازم تكون فى التوكيل)
و على قد لحافك مدّ رجليك

ربنا يعيننا و يصبرنا و يعوضنا خير و يرزقنا جميعاً من فضله