لملاك اللاداااااا 2107 ساعدونى ؟؟؟

[Ahmed Tarek 00]

الى ملاك اللادا 2107 عندى سؤال لأنى مقبل على شراء العربية ان شاء الله
هل العربية في سواقتها تشبه الـ 128 ؟؟!!!
يعنى لازم توازن بين البنزين والدبرياج عشان العربية تتحرك ؟؟؟؟
وللا ممكن العربية تتحرك على الأول بالدبرياج فقط وبعد كده تزود بنزين سنه سنه

[Zing0]

حضرتك عاوز عربية تتحرك بمجرد مترفع رجلك من على الدبرياج بدون الضغط على دواسة البنزين (فى الأول يعنى)
اللادا تنفع و أى عربية تنفع
حضرتك هتعلى الـ rpm بتاع السلانسية من مسمار البنزين فى الكربراتير و شكراً

[abokoko]

فعلا ده ممكن يحصل
بس العربية هتستهلك بنزين زيادة
وكمان ممكن تسخن

والله اعلم

عموما كل العربيات المانوال بتتساق بالموازنة بين الدبرياش و البنزين
وبتكون صعبة في البداية لكن بعد كده بتم من غير ما تفكر فيها
عقلك الباطن بيظبط الحكاية دى

زى سواقة الدراجة - العجلة - او العوم

[kokololososo]

فعلا ده ممكن يحصل
بس العربية هتستهلك بنزين زيادة
وكمان ممكن تسخن

والله اعلم

عموما كل العربيات المانوال بتتساق بالموازنة بين الدبرياش و البنزين
وبتكون صعبة في البداية لكن بعد كده بتم من غير ما تفكر فيها
عقلك الباطن بيظبط الحكاية دى

زى سواقة الدراجة - العجلة - او العوم

كلام سليم ميه في الميه متفكرش في طلعة العربية خليها بالتعود و انك اوتوماتيك من غير تفكير تطلع معاك وتسوقها بطريقتك

[Abo_Mazen]

بالسينس يا باشا ..بالسينننننس

[amrodardiry]

العربية تقيلة فى السحبة الاولى ولازم تدى سنة بنزين ويعنى الاولانى اخره كام ... ولا حاجه يدوبك يحرك العجل .
المهم تقوى عضلات رجلك الشمال (تخليها طرشة) شوية علشان دربرياشها رزل