الفرامل بها زنة مع زيادة في الrpm

[peter fawzy]

مساء الفل ... النهاردة و انا بسوق العربية و من غير ما يحصل حاجة و العربية امبارح كانت زي الفل .... لاقيت لما بدوس علي الفرامل بتعمل زنة كدة و الاقي عداد الrpm علي و صوت الموتور علي طبعا شوية ... لكن لما اطفي الموتور مايحصلش حاجة من الكلام دة ... حد صادفته المشكلة دي؟؟

[peter fawzy]

مودتش العرلية للميكانيكي علشان كنت مشغول ... لاقيت الفرامل ضعفت خالص و فيها نفس الصوت طالع من ناحية الدواسة لما بدوس و الrpm بيعلي ... ضعيفة لدرجة انها بتهدي العربية بس ... مبتفرملهاش .... انا اتاكدت من زيت الفرامل طلع تمام ... حد عنده اي تشخيص قبل ما اوديها للميكانيكي؟

[Mecha]

ممكن سيرفو او مسطر عمومي

[mohamed2002]

اتوقع سيرفو

[Zing0]

أكشف على خرطوم السيرفو الأول
الخرطوم الكبير اللى معدى فوق المكنة من الفرامل للمنافول
لازم ميكونش بيسرب هوا و الأفايز بتاعتة راكبة صح و مفيهوش قطع أو تشققات

[peter fawzy]

اولا بشكر كل اللي رد علي ... و فعلا روحت لميكانيكي فرامل و فعلا كلامكم صح ... هو حل السيرفو و بيقول عمله حشو ... و رجعت كويسة زي ماكانت ... و قااي الحشو ب45 جنية و المصنعية ب 35 يعني التوتال 80 جنية ... انا حاسس انه حراق شويتين ... سؤالي بقي:
1- اية الحشو دة
2- هل الحشو دة سعره الطبيغي كده هو و المصنعية و لا هو حراق؟

[peter fawzy]

النهاردة لاقيت النور العالي مش شغال ... شكيت في وصلات الكاسيت علشان لسة مركبه ... روحت لكهربائي سيارات ... قعد يجرب التكيهات و الفيوزات و الزراير لغاية مالقي السبب .... السبب كان قطع الاسلاك اللي تحت الدركسيون نتيجة للتقفيل الغلط بتاع الفرامل ... قفل العلبة البلاستيك اللي تحت الدريكسيون غلط فزنق الاسلاك و مع الحودات كنت بحس بحكة في الديكسيون ... قعد وصل الاسلاك من تاني ... المصنعية 20 جنية .
بعض اسعار قطع الغيار من حمدي لادا:
مساعدين روسي طوال 250 جنية
سوست روسي 280 جنية
بيكات 5 جنية الواحد
الخية اللي بيشبط فيها قفل الشنطة 25 جنية
جركن مياة خضراء للردياتير بس مش من حمدي لادا ب20 جنية