يا شباب ارجوكم الحقونى العربيه بترعش جامد و بيطلع منها دحان أسود

[rockfire84]

يا شباب ارجوكم الحقونى العربيه بترعش جامد و بيطلع منها دحان أسود من الشكمان و بتبطل لما اشيل رجلي من على البنزين انا جربت لسحنها النهاردة عملت كدة ممكن دة يكون من أية وهل لو مشيت بيها كدة لحد ميكانيكى ممكن دة يعمل مشكلة فى الموتور

[abokoko]

سايسها لحد ما توصل للميكانيكى
و ان شاء الله هتكون حاجة بسيطة
غالبا محتاجة ضبطة كربراتير
ولو اكتر من ضبطة الكرباتير
هيكون كوندنسر وابلاتين
وكلها حاجات بسيطة

نصيحة
بلطافة ابقي شوفه بيغعمل ايه
وابقي اعرف منه مكان بك السلانسيه وبك الهواء
ولو حرك الاسبراتير شمال او يمين سنة بسيطة ابقي راقب

ولما تراقب فى الاول وتتجرأ بعد كده
ابقي خلى معاك
مفك صغير لتضبط بيه البكات
مفتاح ربط مقاس 13 للاسبراتير ( انا جايب واحد 13 من الناحيتين بس ناحية بلدى و ناحية مشرشر )

معظم مسامير ال لادا بتحتاج مفتاح 10و 13 ونادر جدا مفتاح 17 و 8

ابقي طمنا عليك

[ahmscu]

زى ماقالك الكبير بالضبط،بك سلانسيه او بك هوا او ابلاتين وكوندنسر او الشفاط فيه مشكلة،بسيطه ماتقلقش

[rockfire84]

الف شكر ليكم يا شباب بس مش ممكن تكون مشكلة كهرباء معلش انا اول مرة ومش عارف حاجة