مفيش اخبار عن جرانتا

[DR bisho]

نازلة الشهر دة
والحجز شغاااااااااااااااااااااااال

الحجز فين وبكام؟ والتسليم بعد اد ايه؟

[abbaset]

الحجز فين وبكام؟ والتسليم بعد اد ايه؟

أنا سألت في شركة الأمل
المانيوال ب 75000
الأوتوماتيك 90000

بس معرفش التسليم بعد اد ايه

[ehabomar1987]

طيب وديه تيجى ازاى فيه حجز للعربية من غير اى دعاية ولا اعلان ولا حتى نعرف عنها اى مواصفات توكيل الامل ده غريب جدا طيب الناس تعرف ازاى مواصفات العربية والكماليات وباقى التفاصيل !!!!!!!!!

[mif]

اللى مش عايز يشتغل ما يعوى بس ما يفتريش على الناس

أنا سألت في شركة الأمل
المانيوال ب 75000
الأوتوماتيك 90000

بس معرفش التسليم بعد اد ايه

يا جماعة دى ارخص سيارة سيدان فى روسيا و ثمنها اعلى من ال 2107 بنسبة 10% تقريبا

و الامل نزلتها فعلا بالسعر دا يبقى خليها تصدي عندهم احسن

لو ب 70 حرام حرام حرام

دي لادا يعنى الاقل سعرا فى العالم

هى الامل عايشة الوهم
ال 90 تجيب عربيتين جرانتا فى روسيا ايه المسخرة دى

ما ذنب المواطن المصري انه يتحمل مبالغة السعر بسبب الاستيراد و هامش ربح جهنمي
افتح خط انتاج و نزلها ب 55 الف كاملة و حتكسب اكيد و حتلاقى حجوزات لعشر سنين قدام

هى الناس دي مش عايزة تشتغل و تنتج و تصنع و عايزة تكسب و خلاص و كله على قفا الغلابة المطحونين
هما اللى بيشتروا لادا دول الغلابة اللى بيقعدوا يحوشوا ثمنها جنيه جنيه .

و عايزين تنزلوا الفاضية اللى من غير اى حاجة خالص كانها 2107 شكلها معدل ب 70 الف ليييييييههههههه؟!!

هو مفيش اى تحمل للمسؤلية .... اذا كانت الامل غير مهتمة بسيارة الشعب (سيارة الفقراء و المكافحين ) يبقى تسيب التوكيل لاى حد محترم و لو حتى لشركة النصر و هى تبقى بداية جيدة.

خليكم فى ال بي واي دي و الكينج لونج و سيبوا الادا خالص و اتقوا الله

لو دخلت مشروع التاكسي بالسعر دا يبقى الحرام بعينه..... دى لادا

[mr_who247]

التسليم المفروض كان اول امبارح يوم 15 وحتي الان مفيش اى اخبار وبتصل عليهم مبيردوش مفيش اى حد فى المنتدى بيته قريب من المعارض يسألنا ويقولنا ايه الاخبار؟

[Abo_Mazen]

يا جماعة دى ارخص سيارة سيدان فى روسيا و ثمنها اعلى من ال 2107 بنسبة 10% تقريبا

و الامل نزلتها فعلا بالسعر دا يبقى خليها تصدي عندهم احسن

لو ب 70 حرام حرام حرام

دي لادا يعنى الاقل سعرا فى العالم

هى الامل عايشة الوهم
ال 90 تجيب عربيتين جرانتا فى روسيا ايه المسخرة دى

ما ذنب المواطن المصري انه يتحمل مبالغة السعر بسبب الاستيراد و هامش ربح جهنمي
افتح خط انتاج و نزلها ب 55 الف كاملة و حتكسب اكيد و حتلاقى حجوزات لعشر سنين قدام

هى الناس دي مش عايزة تشتغل و تنتج و تصنع و عايزة تكسب و خلاص و كله على قفا الغلابة المطحونين
هما اللى بيشتروا لادا دول الغلابة اللى بيقعدوا يحوشوا ثمنها جنيه جنيه .

و عايزين تنزلوا الفاضية اللى من غير اى حاجة خالص كانها 2107 شكلها معدل ب 70 الف ليييييييههههههه؟!!

هو مفيش اى تحمل للمسؤلية .... اذا كانت الامل غير مهتمة بسيارة الشعب (سيارة الفقراء و المكافحين ) يبقى تسيب التوكيل لاى حد محترم و لو حتى لشركة النصر و هى تبقى بداية جيدة.

خليكم فى ال بي واي دي و الكينج لونج و سيبوا الادا خالص و اتقوا الله

لو دخلت مشروع التاكسي بالسعر دا يبقى الحرام بعينه..... دى لادا

ياباشا بيقولك البنك المركزي واقف الإستيراد ..أو مش هو البنك المركزي واقف الإستيراد ..هو موضوع الحد الأقصى للإيداعات بالقيمة الدولارية هو السبب..ضيف بقى الضرائب..ضيف بقى الجمارك ..ضيف بقى إن المستورد عايز يعوض خسارته في الفترة اللي فاتت دي بسبب موضوع الحد الأقصى للقيمة الدولارية واللي مخليه العربيات واقفه في المينا وفي المنطقة الحره لغاية ما هتخلل لإن المستوردين مش عارفين يدخلوها البلد ...يبقى مين اللي هيدفع الفاتوره في الآخر .................................................. ...إحنا طبعا ..إحنا لسه هنفكر

[mif]

ياباشا بيقولك البنك المركزي واقف الإستيراد ..أو مش هو البنك المركزي واقف الإستيراد ..

هو موضوع الحد الأقصى للإيداعات بالقيمة الدولارية هو السبب..ضيف بقى الضرائب..ضيف بقى الجمارك ..ضيف بقى إن المستورد عايز يعوض خسارته في الفترة اللي فاتت دي بسبب موضوع الحد الأقصى للقيمة الدولارية واللي مخليه العربيات واقفه في المينا وفي المنطقة الحره لغاية ما هتخلل لإن المستوردين مش عارفين يدخلوها البلد ...يبقى مين اللي هيدفع الفاتوره في الآخر .................................................. ...إحنا طبعا ..إحنا لسه هنفكر

مفيش وقف للاستيراد و لكن قائمة اولويات بمعنى الدواء و الغذاء اولا و بعدها كذا .... وكدا يعني
لكن كلمة وقف مش مظبوطة خالص .... لانك على ارض الواقع و حناخد شركة الامل كمثال .... استوردت و باعت الاف من الBYD F3 و BYD l3 و king long 2015 استيراد كقطع غيار و جمعوها ....
هل ضخموا اسعار المنتجات دي ولا زى ما هية..... و هما جايين يستغلوا عدم معرفة الناس بالقيمة السعرية ل لادا جرانتا

احنا هنا بنتكلم عن توكيل مش مستورد (التوكيل بيكون ليه اسعار تختلف عن اى تاجر مهما كان ... هي دي معنى توكيل ... مؤسسة قادرة على الحصول على كميات كبيرة بافضل اسعار ممكنة .... سواء كان بيستوردها كقطع غيار او كاملة )

انت عارف اللى عنده لا دا 2107 زيرو موديل 2015 بيطلب كام ؟!
75 الف جنيه تخيل .... كم الجشع في عربية الغلابة زى ما قلت

اذا كانوا حيستوردوها بالسعر دا يبقى بلاش منها خالص
لازم تتجمع و تتباع بسعر عادل .... العربية مش ممتازة و لا حاجة (كل عربية و ليها عيوبها و الروس جربوها سنين ليهم ملاحظات كتير .... بس مش مشكلتنا )و لكن الناس بتشتريها علشان اقتصادية هى رخيصة و قطع غيارها رخيصة و صيانتها ارخص

لكن لو نزلت فى رانج 70 و 80 و 90 يبقى انت لغيت الفكرة القائم عليها حجم مبيعاتها
طبعا صيانتها مش حتبقى رخيصة .... التوكيل لما يجي يصين حيقولك دا زبون شاري ب90 ارزعه ارقام فى السما ..... حتطلع لمكانيكي يقولك دا جايب عربية بكذا ..... و كذلك تاجر قطع الغيار
زى ما حصل مع 2110 و غيرها من موديلات لادا اللى ادفنت بسبب غباء التوكيل

كلها حلقة متصلة و التوكيل اللى بيتحكم فيها
السعر العادل >>>> سعر قطع غيار متماشي مع سعرها >>>> تكلفة صيانة معتدلة

لو التوكيل اللى اسمه توكيل لادا مش عارف يجمع لادا في مصر يسيبه خالص و يقر بعجزه عن تقديم الخدمة المتوقعة و المفروضة للمواطن

سيارات لادا تعتبر سلعة استراتيجية جدا لانها في شريحة سعرية هي الاقل دائما
بمعنى اللى معاه 130 الف حيكون قدامه عدة سيارات يختار منها
لكن اللى معاه 55 من حقه يكون عنده لادا جرانتا زيرو و ما يكونش مضطر يشتري لا ماروتى ولا التو ولا مستعمل ( دا حق )

دا مثال لواحد من المواطنيين اللى اتخدع فى عربية لادا جرانتا2014 من التوكيل و جايبها ب 85 و طالب 75...
لادا جرانتا 2014 روسي الصنع - سيارات للبيع - سيارات ومركبات - مصر - (18018339) | opensooq - السوق المفتوح
العربية فى روسيا ثمنها 45 و هو دفع 85 يعنى دفع زيادة 89% من سعرها الاصلي .... يعنى لو فيه شركة بتستوردها كل حوراتها من جمارك و رسوم و غيره مش حتعدي 66%

دا لينك لاسعار لادا في روسيا
http://www.nilemotors.net/Nile/465383-a.html

[mr_who247]

اتصلت على الشركة امبارح بعد ما قالو انت انها هتتعرض يوم 15/6/2015 دلوقتي بيقولو يوم 25/6/2015 ياترى ايه الحكاية ؟!

[mif]

اتصلت على الشركة امبارح بعد ما قالو انت انها هتتعرض يوم 15/6/2015 دلوقتي بيقولو يوم 25/6/2015 ياترى ايه الحكاية ؟!

الموضوع ببساطة شديدة
التوكيل كان المفروض ينزل بيها فى منتصف 2014 .... بس شاكله شاف له سبوبة تانية (الصيني)

اتعرف على جرانتا الاعلى مبيعا فى روسيا
يتم تصنيع لادا جرانتا بالتعاون مع شركة رينو

و تعتبر لادا جرانتا هى داتسون اون دو اليابانية مع اختلاف فى شكل الخارجى الامامي و الخلفي للسيارة

تم بداية الانتاج فى 1 ديسمبر 2011

و في سبتمبر 2013 تم وقف تصنيع لادا 2105 و استبدالها بلادا جرانتا فى مصنع اشفيزك



الفئة : سيارة مضغوطة
جسم السيارة : سيدان و هاتش باك و ستيشن
وضعية المحرك : امامي
دفع : امامي
المحرك : 1.6 hp87-120hp

ناقل الحركة : 5 سرعات مانوال mt او 5 سرعات مانوال مبرمج amt
ابعاد السيارة : 2.47م قاعدة العجلات - 4.26 م الطول الكلي - 1.7 م العرض - 1.5 م الارتفاع
الوزن :1080كجم
هي السيارة الاكثر اقتصادية و الاكثر مبيعا فى روسيا منذ عام 2013

بتنزل بثلاث فئات فى روسيا
الفئة الاولى ستاندرد: تقريبا فاضية
التانية نورمال :بور - زجاج كهربائي امامي -سنتر لوك - كمبيوتر رحلات
الثالثة لوكس :عزل افضل للصوت - نظام صوتي كامل - محرك .1.6 16 صمام 109 حصان - امكانية تغيير ارتفاع الكراسي الامامية - نظام مالتي ميديا و تحكم فى الجو -فوج -جنط 15 -زجاج كهربا خلفي - مرايا جانبية كهربا و تدفئة لها - اشارات فى المرايات - نظام اتزان و نظام مساعدة للركن -حساس مطر و حساس ضوء - سيكون منها بفتيس اتوماتيك .
يوجد بعض الموديلات الرياضية


بكل بساطة اللى يبقى عنده توكيل لادا يبقى عنده كنز... ليه ؟
لان ببساطة الروس مش بيصرفوا زى اوروبا الغربية على تطوير تكنولوجيا السيارات .... دا بيوضح سبب استمرار ال 2105 و 2107 لحد 2015 و انتهوا .
شركة افتوفاز (لادا) دخلت فى شراكة مع شركة رينو نيسان .... ليه ؟
علشان ياخدوا خبرات الصانع الفرنسي و الصانع الياباني
ومن هنا بدأت تظهر موديلات حديثة متطورة و جيدة و اعتمادية من لادا

يعنى بالبلدي .... فى الاول دخلوا كشريك لرينو نيسان و بعدين باعوا نفسهم ليهم .... في مقابل ايه ؟
فى مقابل التكنولوجيا

و هنا لادا اتطورت اصبخت تنتج سيارت حديثة .... قليلة التكلفة جدا ... لانهم ما دفعوش حاجة فى التطوير .... و من المعروف ان نسبة كبيرة جدا تصل الى 60% من ثمن السيارات بيكون ثمن تطوير و تحديث التكنولوجيا
(حاجة كمان بتكون سبب قلة التكلفة و هي شعور المواطن الروسي ان شراء سيارات لادا واجب وطني لدعم الاقتصاد و بكدا الشركة مش بتصرف على الاعلانات اللى برضه بتكون سبب من اسباب ارتفاع قيمة السلع )
لادا عندها المصانع بالخامات بالعاملة و لكنها كانت تفتقر الى التكنولوجيا و حصلت عليها من رينو نيسان
(فاكتملت المنظومة )
و النتيجة ... ارخص سيارات حديثة فى العالم (اهمهم لادا فيستا تعتبر في فئة السيراتو و الكورولا و بسعر يبدأ من 70 تقريبا
http://www.nilemotors.net/Nile/465383-a.html


نرجع للتوكيل
من الاخر كدا لادا جرانتا هي هي رينو لوجان الشكل القديم تقريبا
و اقصى سعر لاعلى فئة في روسيا ما يعادل 53000 جنيه مصري و اقل فئة 46500 جنيه (سعر ربحي يشمل ربح المصنع فى روسيا + ربح الموزع فى روسيا ) ( بمعنى ان تكلفة صناعتها قليلة جدا و دا بيرجع لحجم الانتاج و دعم الدولة و انخفاض الاجور و عوامل اخرى )
و السعر العادل ليها في مصر المفروض يكون اقل من 60 ( وما حدش يقولي جمارك و نقل و غيره ... ليه ؟ ... دا توكيل و له معاملة و سعر خاص مع الشركة الام و بياخد دعم من الدولة لانه بيعتبر مصنع و العربية بتدخل قطع غيار بجمارك بسيطة )

فين المشكلة ؟
المشكلة لها عدة ابعاد
1- قدرة التوكيل نفسه على تجميع السيارات محدودة جدا ... الامل جمعت فى 9 سنين حوالي 36000 عربية لادا فقط
و دي قدرة ضعيفة جدا .... على عربية زى الجرانتا
مع جرانتا انت محتاج توكيل على الاقل يقدر يجمع من 50-80 الف وحدة فى العام ... ليه ؟
ما ينفعش تقول للشركة الام انا حجمع 3-4 الف وحدة فى السنة ... لان قلة الانتاج حتنعكس بالسلب على سعر المنتج النهائي .... علشان هامش الربح يكون عادل لازم تنتج كمية كبيرة جدا .
2- سعر الجرانتا العادل مع قدرة التوكيل الضعيفة على التجميع .... سبب يخليه يرفع سعرها( علشان يقلل الطلب لانها بالسعر العادل ممكن يلاقى 10000حجز في اليوم الواحد و دول حيحتاج ينفذهم في سنتين على الاقل )
3- لو نزلت بالسعر العادل فى عربيات حتتركن في المصانع و تصدي بمعنى الكلمة او على الاقل حنلاقى عربيات كتير سعرها بدأ ينزل فعلا
و سوق الصيني و الهندي حيضرب بالجزمة
ايه يخلي الناس تروح تجيب ماروتى ولا التو و اسبيرانزا ولا غيرهم من عربيات المقالب
و حتضرب عربيات ثمنها فوق ال 100 الف كمان زى النيو لوجان لو نزل منها اوتو (في روسيا amt ثمنها 56 )
4- لو نزلت عربية سيدان زيرو باقل من 60 الف .... شريحة كبيرة جدا من سوق المستعمل حتضرب بالف جزمة و خاصة العربيات اللى بتمسك سعر كثاقفة شعب زى اغلب الكوري
لادا = الاقل سعرا = الارخص في الصيانة = ارخص قطع غيار
(اى حاجة غير المعادلة دي نصب )

[abbaset]

الله ينور تحليل رائع

[Abo_Mazen]

مفيش وقف للاستيراد و لكن قائمة اولويات بمعنى الدواء و الغذاء اولا و بعدها كذا .... وكدا يعني
لكن كلمة وقف مش مظبوطة خالص .... لانك على ارض الواقع و حناخد شركة الامل كمثال .... استوردت و باعت الاف من الbyd f3 و byd l3 و king long 2015 استيراد كقطع غيار و جمعوها ....
هل ضخموا اسعار المنتجات دي ولا زى ما هية..... و هما جايين يستغلوا عدم معرفة الناس بالقيمة السعرية ل لادا جرانتا

احنا هنا بنتكلم عن توكيل مش مستورد (التوكيل بيكون ليه اسعار تختلف عن اى تاجر مهما كان ... هي دي معنى توكيل ... مؤسسة قادرة على الحصول على كميات كبيرة بافضل اسعار ممكنة .... سواء كان بيستوردها كقطع غيار او كاملة )

انت عارف اللى عنده لا دا 2107 زيرو موديل 2015 بيطلب كام ؟!
75 الف جنيه تخيل .... كم الجشع في عربية الغلابة زى ما قلت

اذا كانوا حيستوردوها بالسعر دا يبقى بلاش منها خالص
لازم تتجمع و تتباع بسعر عادل .... العربية مش ممتازة و لا حاجة (كل عربية و ليها عيوبها و الروس جربوها سنين ليهم ملاحظات كتير .... بس مش مشكلتنا )و لكن الناس بتشتريها علشان اقتصادية هى رخيصة و قطع غيارها رخيصة و صيانتها ارخص

لكن لو نزلت فى رانج 70 و 80 و 90 يبقى انت لغيت الفكرة القائم عليها حجم مبيعاتها
طبعا صيانتها مش حتبقى رخيصة .... التوكيل لما يجي يصين حيقولك دا زبون شاري ب90 ارزعه ارقام فى السما ..... حتطلع لمكانيكي يقولك دا جايب عربية بكذا ..... و كذلك تاجر قطع الغيار
زى ما حصل مع 2110 و غيرها من موديلات لادا اللى ادفنت بسبب غباء التوكيل

كلها حلقة متصلة و التوكيل اللى بيتحكم فيها
السعر العادل >>>> سعر قطع غيار متماشي مع سعرها >>>> تكلفة صيانة معتدلة

لو التوكيل اللى اسمه توكيل لادا مش عارف يجمع لادا في مصر يسيبه خالص و يقر بعجزه عن تقديم الخدمة المتوقعة و المفروضة للمواطن

سيارات لادا تعتبر سلعة استراتيجية جدا لانها في شريحة سعرية هي الاقل دائما
بمعنى اللى معاه 130 الف حيكون قدامه عدة سيارات يختار منها
لكن اللى معاه 55 من حقه يكون عنده لادا جرانتا زيرو و ما يكونش مضطر يشتري لا ماروتى ولا التو ولا مستعمل ( دا حق )

دا مثال لواحد من المواطنيين اللى اتخدع فى عربية لادا جرانتا2014 من التوكيل و جايبها ب 85 و طالب 75...
لادا جرانتا 2014 روسي الصنع - سيارات للبيع - سيارات ومركبات - مصر - (18018339) | opensooq - السوق المفتوح
العربية فى روسيا ثمنها 45 و هو دفع 85 يعنى دفع زيادة 89% من سعرها الاصلي .... يعنى لو فيه شركة بتستوردها كل حوراتها من جمارك و رسوم و غيره مش حتعدي 66%

دا لينك لاسعار لادا في روسيا
http://www.nilemotors.net/nile/465383-a.html

أنا قلت وضع حد أقصى للإيداع بالقيمة الدولارية هو اللي عامل مشكلة لككككككككل المستوردين ..مش السيارات بس ..عربيات كتير بتدخل من المينا ..وتروح المنطقة الحره تترمى هناك ..لغاية ما الوكيل يبدأ يبيع منها وبعدين يسحب من اللي متخزن ..وبرضه بيبقى عاوز يعوض الخساره اللي حصلت ليه ..فبيحصل بقى اللي حضرتك قلت عليه من تورم في السعر لا يتناسب أبدا مع سعر السيارة في بلد المنشأ

[mr_who247]

دا رقم موبايل واحد فى شركة الامل اسمه الاستاذ جمال 01225254548
بصراحة انا هريته اتصالات من السعودية والراجل طفش منى ياريت يا جماعه لو حد يكلمه يفهم منه ايه الموضوع ويردلنا خبر انا نازل شهر واحد اجازة وعاوز اخللص فى العربية دى قبل ما ارجع

[mr_who247]

اخر كلام المركب فى الميناء والسيارة فى المغرض يوم 6/7/2015 اما نشوف اخرها ايه؟!

[mif]

اخر كلام المركب فى الميناء والسيارة فى المغرض يوم 6/7/2015 اما نشوف اخرها ايه؟!

كذابين جدا .... مهما قالوا

ليه ؟
جرانتا بتشترك مع لوجان في قطع الغيار و الاثنين نس الامكانيات و المكنة و الكماليات و لكن بسعر اقل كثيرا ...... لانها لادا

و التوكيل بيحور علشان ينزلها بسعر مقارب للوجان

بدل ثمنها الحقيقي

[mr_who247]

العربية وصلت واحنا استلمنا والحمد لله صبرنا ونولنا