محتار بين الشكل والامكانيات وقوة التحمل

[عبدالرحمن رشدى]

محتار بين لادا زيرو وشيفروليه لانوس مع العلم ان فرق السعر 4الاف جنيه فقط لادا 74000 شيفروليه78000

[esmailzaki]

دى لادا ايه اللى بالسعر ده

[dodo2000]

مفيش مقارنة خالص
خليك فى اللانوس

[kbarema]

كان معايا لانوس زمان
دلوقتى معايا بومه 2009 ولادا 2017 باور 2003 دي بروح بيها الشغل
بنصحك لله لو وضعك المادى معقول تقدر تصرف علي الدايو اوعى اوعي تجيب لادا
ليه بقي هي حاجنها رخيصه جدا جدا بس كل شويه تبوظ
وهتصاحب الميكانيكى والكهربائي وبتاع العفشه وبالذات العفشه العربيه دى بتاكل عفشه
اللانوس مش وحش الوحوش ومش قويه اوي بس هي معقوله واسعار قطع غيارها معقوله وبتعيش وكمان بقي تكييف وباور وثبات عن اللادا
يارب اكون افدتك

[عبدالرحمن رشدى]

هو الصراحة انا عايز اجيب شيفروليه ﻻنوس زيرو بس خايف من انها وطيه عن الارض و ﻻدا تكيف وبور زيرو بس عشان اتوقفت بقت 74 وسمعت كمان 78 ومفيش فضية

[kokololososo]

ممكن يكون قصدك علي جرانتا أو نيفا الجديدة؟
لو 2107 بحاجه وسبعين أبأه هندي لو اشترتها
لا قوة تحمل ولا حاجة ال 2107 المصري سيئة جدا
كفاية إن البيض بيملص وكفاية الخشونة وعدم تعامل السائق بكفاءة مع السيارة في القيادة وغير القيادة ده غير صوت الموتور اللي بيخضك وبيحسسك كل شوية ان الموتور عايز عناية خاصة جدا
معلش متزعلش من كلامي
أنا كنت زيك موهوم بالادا لكنها سيارة غبية هي والبلونيز
مش بخالفك في الرأي هات بحاجه وسبعين التو أو سيلاريو زيرو
ولو اللادا لسه بواحد وستيين وانت حببها هاتها
لكن حاجه وسبعين في تكنولوجيا تمانينات حرام هتزعل بعد كده
وربنا يوفقك

[abokoko]

فضول
لادا ب74 الف
ممكن تحدد لنا الموديل اللى بتتكلم عليه
اسمه ايه ؟؟؟؟؟؟؟؟؟

[عبدالرحمن رشدى]

2107 موديل 2015 بس عشان اتوقفت والراجل دا هو الى سحبها من السوق بيبعها بمزاجة

[mif]

2107 موديل 2015 بس عشان اتوقفت والراجل دا هو الى سحبها من السوق بيبعها بمزاجة

انا صراحة من محبي الادا
بس لو قدامي لادا 2017 موديل 2015 مش حدفع فيها اكتر من 45
يا رب تكون مطلية بالدهب
هي فعلا تكنولوجيا قديمة جدا
فعلا قطع غيارها رخيصة و صيانة سهلة جدا ممكن تقوم بيها بنفسك و تخلو من التعقيدات الحديث
و لكن تفتقر للراحة و الامان و الثبات و استهلاك عالى للوقود

اى انسان بيفكر فى الادا بيفكر يدفع اقل القليل فمينفعش حد يقولك لادا ب 74 و تدفع

و لازم تحط في اعتبارك ان الاادا رغم انها مطلوبة و لكن اللى بيشتريها زيرو لما بيجي يبيع بيخسر جامد جدا
لان اللى بيدور على لادا موديل حديث مستعمل بيدور على ارخص الاحدث
فلو جبتها و لقيت نفسك مش متكيف معها و جيت تبعها لو فيه واحد مجنون ممكن ياخدها ب 40 بالكتير لو لقيته .

لو عجباك اللادا دور على واحدة مستعملة حالة نضيفة و شوف حتعمل معاك ايه .

لو عايز زيرو و مش عجباك اللانوس ممكن تشوف حاجة تانية و حتى لو تدفع مقدم و تقسط .

لو نفسك فعلا في لادا استنى معايا الحاجات دي (بس ياريت تكون بعيدا عن شركة الامل )http://www.nilemotors.net/Nile/465383-a.html