الدريكسيون تاعبنى جدا تقيل وانا لسه مش متعود ع اللادا

[M o H a M e D]

الدريكسيون تاعبنى جدا تقيل وانا لسه مش متعود ع اللادا
اجيب طارة سبور ولا اسكترا 131

[mossallem]

بص هو احنا معظمنا اتعود وبقينا نركن بايد واحده كمان نصيحه مني بلاش الطاره الاسبور
وربنا يعينك

[Mecha]

انشف عليه

[mirra]

خلى العفشجى يكشفلك على البيض و لو محتاج تغيير غيره....كمان اكشف على المناول و ركب مناول على رولمان بلي...ما تنساش كمان تبص على علبه زيت الدركسيون و لو محتج تزويد زوده...لو كل الحاجات دى عندك تمام يبقى انت بس محتاج تتعود.

[أبو يحيى]

الدريكسيون تاعبنى جدا تقيل وانا لسه مش متعود ع اللادا
اجيب طارة سبور ولا اسكترا 131

سيدى الفاضل لا طالما اقتنيت اللادا فأنت لازم هتحتاج شئ ولازم تجيبه وهتستغنى عن شئ أخر
أما الشئ اللى لازم تجيبه فهو دامبلز ( الحديد بتاع الرياضيين ) وتحاول تتمرن به لتقوية عضلات اليد والذراعين لكى تتغلب على تقل دريكسيون اللادا
أما الشئ اللى هتستغنى عنه فهو الكاسيت والسماعات لأن اللادا لها الموسيقى الخاصة بها اللى هتسمعهالك فى كل مشوار من موسيقى الموتور لموسيقى العافشة لأصوات طقطقة متعرفش جاية منين
عموما هى اللادا كده متقلقش وكلنا اتعودنا على كده
بس بصراحة مناسبة للطرق المصرية ربنا يبارك لك فيها