استفسارات عن لادا 2105

[gomaaa]

هو غلط لما امشي على اول نقله لما اكون ماشي بطئ اوي في زحمه مثلا .. هل ده غلط ع الماتور ... يعني لازم اول ما العربيه تمشي اجيب التاني ؟
تاني حاجه ... حد جرب يزود عزل اللادا .. عزل الصوت يعني ؟
تالت حاجه ... المروحه بتاعه الصالون بتتظبط ازاي من التحكم بتاعها ؟؟ ... ال 3 عصايات بتتحكم في ايه في المروحه ....و هل المروحه سرعتين ولا سرعه واحده ؟؟؟
رابع حاجه .... هل ينفع اشغل الشفاط على طول ولا ليه ضرر ؟؟ و هل ينفع استخدمه كمثبت سرعه في السفر ؟؟
اخر حاجه ... الازاز بتاع الابواب كله فيه خطوط طويله من الفتح و القفل ... هل في طريقه لتنضيفه ؟؟ و سعره كام جديد .... و اعمل ايه عشان ميحكش و يعمل الخطوط دي تاني ؟؟؟
اعذروني اصلي لسه متعلم جديد ^_^

[dbabis8]

اللادا معايا فى الزحمة ع الاول بتكركر و تنعر و تحس ان الدنيا مكركبة فيه فبنقل ع التانى اول ما تمشى
عملت عزل لعربيتى عشان الصوت بعد حادث و الوضع اتحسن حاجة بسيطة بس مش اللى نفسك فيه
الشفاط عندى و لسه معرفش بيعمل ايه و مسالتش (دراع تحت الطارة بشوية)
ممكن تغير الازاز هو مش غالى استيراد او جديد و ظبط الكاوتش اللى بيطلع منه الازاز عشان ميجرحهوش

[mossallem]

تقريبا مش غلط ما دام مش بتحرق جامد عليه بالعكس انت كده بتريح العربيه
تقريبا المروحه دي بتاعت تكييف واللي هو غير موجود بالادا
العزل تقريبا بيتكلف الف جنيهه
تقريبا الخطوط دي عند كل الناس ومعرفش ايه حلها

[Abo_Mazen]

الشفاط بتستخدمه لتسخين العربيه بس ..ما تستخدموش والعربيه سخنه أصلا عشان ما تكلش منك بنزين وما تعملش كربون على البوجيهات ..أصلا الشفاط ده لما بتشده إنت كده بتكون فاتح هوا زياده للعربيه عشان تسخن معاك ..وظيفته تنتهي بعد تسخين المحرك ..بالنسبه بقى لمشيك على الأول في الزحمه كتير ..فإنت ما دمت داخل حدود السرعة المسموح بيها للغيار الأول ..اللي هي 20 كيلو كحد أقصى ..يبقى ما تقلقش ..بس هو برضه تحميل على المكنه لإنك هنا بتستخدم عزم المحرك في أوله بدون أي قوى دفع ...بالنسبه بقى للإزاز ..حاول تشوف المجاري اللي بيدخل فيها الإزاز إيه ظروفها ..وجرب روح لبتاع إزاز وخد رأيه لو إتصنفر هيلمع معاك ولا لأ ..خد رأيه شوف هيقلك إيه ..المروحه اللي عندك دي كان عندي أختها في ال 128 ..وهي فعلا مروحه وبس ..يعني زي المروحه اللي الناس بتحطها على التابلوه ..بس دي فبريكه بتاعة العربيه ..الدراعات اللي عندك دي بتتحكم في قفل بوابة العلبه اللي هتلاقيها في حوض الموتور ودي اللي بيدخل منها الهواء للمروحه عشان يوصلك جوه الكابينه بتاعة العربيه

[gomaaa]

تقريبا مش غلط ما دام مش بتحرق جامد عليه بالعكس انت كده بتريح العربيه
تقريبا المروحه دي بتاعت تكييف واللي هو غير موجود بالادا
العزل تقريبا بيتكلف الف جنيهه
تقريبا الخطوط دي عند كل الناس ومعرفش ايه حلها

العزل عباره عن ايه و بيتركب فين ... و هل ليه تأثير كبير ؟؟

[gomaaa]

الشفاط بتستخدمه لتسخين العربيه بس ..ما تستخدموش والعربيه سخنه أصلا عشان ما تكلش منك بنزين وما تعملش كربون على البوجيهات ..أصلا الشفاط ده لما بتشده إنت كده بتكون فاتح هوا زياده للعربيه عشان تسخن معاك ..وظيفته تنتهي بعد تسخين المحرك ..بالنسبه بقى لمشيك على الأول في الزحمه كتير ..فإنت ما دمت داخل حدود السرعة المسموح بيها للغيار الأول ..اللي هي 20 كيلو كحد أقصى ..يبقى ما تقلقش ..بس هو برضه تحميل على المكنه لإنك هنا بتستخدم عزم المحرك في أوله بدون أي قوى دفع ...بالنسبه بقى للإزاز ..حاول تشوف المجاري اللي بيدخل فيها الإزاز إيه ظروفها ..وجرب روح لبتاع إزاز وخد رأيه لو إتصنفر هيلمع معاك ولا لأ ..خد رأيه شوف هيقلك إيه ..المروحه اللي عندك دي كان عندي أختها في ال 128 ..وهي فعلا مروحه وبس ..يعني زي المروحه اللي الناس بتحطها على التابلوه ..بس دي فبريكه بتاعة العربيه ..الدراعات اللي عندك دي بتتحكم في قفل بوابة العلبه اللي هتلاقيها في حوض الموتور ودي اللي بيدخل منها الهواء للمروحه عشان يوصلك جوه الكابينه بتاعة العربيه

طب هو سعرر الازاز كام ؟
انا عندي لما اشغل المروحه الهوا بيطلع من عند الازاز ... اخليه ازاي يطلع من اافتحات التانيه ؟؟

[Abo_Mazen]

طب هو سعرر الازاز كام ؟
انا عندي لما اشغل المروحه الهوا بيطلع من عند الازاز ... اخليه ازاي يطلع من اافتحات التانيه ؟؟

ما هو من الدراعات اللي حضرتك بتقول عليها دي بقى ..بتتحكم في إتجاه الهوا ..خليك بقى حرك الدراعات دي وشوف إتجاه الهوا إزاي ..وهو عموما في رسمه في أول وآخر كل دراع يعرفك إتجاه الهوا إزاي ..وبالتجربه برضه هتضبط معاك