مشكله في السحب

[mossallem]

السلام عليكم
يا جماعه عندي عربيه 2105 بتاعت والدي الله يرحمو مركونه بقالها 3 سنين وانا كنت قررت اشدها وكده
المهم العربيه مكانتش بتسحب خالص عملت طقم شنبر وظبت الدنيا كلها في الماتور
وظبت العفشه
ومن كام يوم غيرت طقم دبرياج كامل وظبت عمود الكردان وكرسي النص والكلام دا كله

المهم حاليا سحب العربيه قبل اصلاح الفتيس وتغير طقم الدبرياج العربيه مكانتش بتجيب 90
اما بعديه العربيه بتجيب 95/100 ومش بتزيد
طبعا السحب زي الزفت مثلا لما اكون ع الغيار التاني واجي ازود بنزين علشان اجيب التالت
الاقي العربيه صوتها بيعلي جدا والسرعه بتزيد ببطئ شديد ولما روحت للميكانيكي وقلت له قالي انه عملي كل حاجه وان العربيه مفيهاش غلطه في الماتور وانه مفير طقم الكهربا


وقالي ان ده عيب كربراتير
وانا الصراحه اعرف الميكانيكي ده من زمان واثق فيه

بس فعلا كلامه صح ولا فتي


وشكرا






























































و

[احمد شهاب]

وعليكم السلام ورحمة اللة وبركاتة
المفروض بعد تركيب اسطوانة الدبرياج وديسك ان العربية تسحب كويس ...عموما بص على الكربراتير لان الفابريكة بينزل ب بكات 107أو112 للباب بتاع السرعة حتى 80 كيلومتر /ساعة وبعد كة بيفتح الباب التانى بتاع السرعة من بعد 80 كيلو متر /ساعة ودة البك بتاعة فابريكة مقاسة 160 وبعض الميكانيكية الجهابزة بيشلو البك ال 160 ويحطو بك 115 او 120 فطبعا البنزيت اللى بيوصل الى الموتور لا يلبى السرعة اللى انت عاوزها
اظبط التاكيهات والعربية باردة لو التاكيهات مقفولة هاتتعبك فى السحب
الحل الاخير بس مكلف :كرونة سرعة عدد تروسها صغير ف بتلف اسرع

[mossallem]

وعليكم السلام ورحمة الله وبركاتة
المفروض بعد تركيب اسطوانة الدبرياج وديسك ان العربية تسحب كويس ...عموما بص على الكربراتير لان الفابريكة بينزل ب بكات 107أو112 للباب بتاع السرعة حتى 80 كيلومتر /ساعة وبعد كة بيفتح الباب التانى بتاع السرعة من بعد 80 كيلو متر /ساعة ودة البك بتاعة فابريكة مقاسة 160 وبعض الميكانيكية الجهابزة بيشلو البك ال 160 ويحطو بك 115 او 120 فطبعا البنزيت اللى بيوصل الى الموتور لا يلبى السرعة اللى انت عاوزها
اظبط التاكيهات والعربية باردة لو التاكيهات مقفولة هاتتعبك فى السحب
الحل الاخير بس مكلف :كرونة سرعة عدد تروسها صغير ف بتلف اسرع

اشكر حضرتك ع الرد
بس انا لما عملت طقم شنبر من شهر غيرت الكامه بتعت التكيهات وغيرت الشواكيش والدنيا دي كلها تمام
هو انا ان شاء الله يوم الاتنين هروح لواحد بتاع كربراتيرات
بس انا كنت عايز اسال حضرتك هي الكرونه دي بكام
لان انا فعلن عندي صوت ونه مع السرعه
ممكن تكون منها
وشكرا

[Abo_Mazen]

بص على الكاربراتير..وأهو يبقى بالمره عشان الشغل كله يكمل على بعضه

[احمد شهاب]

اشكر حضرتك ع الرد
بس انا لما عملت طقم شنبر من شهر غيرت الكامه بتعت التكيهات وغيرت الشواكيش والدنيا دي كلها تمام
هو انا ان شاء الله يوم الاتنين هروح لواحد بتاع كربراتيرات
بس انا كنت عايز اسال حضرتك هي الكرونه دي بكام
لان انا فعلن عندي صوت ونه مع السرعه
ممكن تكون منها
وشكرا

بخصوص التاكيهات : عادة بيتم ظبطهم مرتين فى السنة كل 6 شهور
بخصوص الكربراتير :خلى بالك من الآتى .. مسمار الهوا بيحس ولا لاء ..يعنى لما تيجى تظبط الموتور لو قفلت المسمار والموتور ابتدى يبرجل ويرعش لحد ما يبطل يبقى كدة الكربراتير مش محتاج اكس وباب ومسمار الهوا شغال انما لو الموتر ما ينظبطش الا لما تقفل مسمار الهوا تماما كدة يبقى فية اكس وباب لازم يتعملوا بس مش عند اى حد لازم عند صنايعى فاهم
ملحوظة :الكربراتير بتاع اللادا فية بابين واحد للسرعة من 10 كيلو/ساعة حتى 80 كيلو متر /ساعة والباب التانى بيفتح بعد سرعة 80 الباب التانى دة البك بتاعة رقمة 160 والميكانيكية بيشلوة ويحطوا بك 115 او 120 بالتالى الموتور لايعطيك الاداء المطلوب
اما الكرونة :وقانا اللة شر متاعبها فسعرها هنا فى اسكندرية كالتالى 800 /900 / 1000
ونصيحة لو حبيت تغير الى كرونة سرعة هات الدفرنسيل كامل من حد بتاع استيراد مشهود لة بالثقة وتفضى زيتها وتحط زيت جديد
زيت الكرونة والجيربوكس يتم تغييرهما بعد 10,000 كيلو متر زيت الكرونة حط زيت التعاون درجة لزوجة 140 اما الجيربوكس حط زيت موبيل درجة لزوجة90
زيادة معدل التسارع: يأتى من منظومة متكاملة يعنى رداخ لو تعبان مش ها يدى بنزين صح للكرابرتير وكربراتير لو مخنوق ببكات ضيقة ومحتاج اكس وباب مش ها يعطيك المطلوب وكذلك منظومة الاشعال يعنى اسبراتر و لا بوبينة محتاجين تغيير
طيب لو وصلت للسرعة اللى انت عاوزها اخبار الفرامل اية اللى ها تلجم السرعة دى.. ودعوة للجميع بقيادة آمنة غير متهورة

[mossallem]

بص على الكاربراتير..وأهو يبقى بالمره عشان الشغل كله يكمل على بعضه

ان شاء الله بكره هروح لواحد بتاع كرباتير
يشوف لي ايه الدنيا

[mossallem]

بخصوص التاكيهات : عادة بيتم ظبطهم مرتين فى السنة كل 6 شهور
بخصوص الكربراتير :خلى بالك من الآتى .. مسمار الهوا بيحس ولا لاء ..يعنى لما تيجى تظبط الموتور لو قفلت المسمار والموتور ابتدى يبرجل ويرعش لحد ما يبطل يبقى كدة الكربراتير مش محتاج اكس وباب ومسمار الهوا شغال انما لو الموتر ما ينظبطش الا لما تقفل مسمار الهوا تماما كدة يبقى فية اكس وباب لازم يتعملوا بس مش عند اى حد لازم عند صنايعى فاهم
ملحوظة :الكربراتير بتاع اللادا فية بابين واحد للسرعة من 10 كيلو/ساعة حتى 80 كيلو متر /ساعة والباب التانى بيفتح بعد سرعة 80 الباب التانى دة البك بتاعة رقمة 160 والميكانيكية بيشلوة ويحطوا بك 115 او 120 بالتالى الموتور لايعطيك الاداء المطلوب
اما الكرونة :وقانا الله شر متاعبها فسعرها هنا فى اسكندرية كالتالى 800 /900 / 1000
ونصيحة لو حبيت تغير الى كرونة سرعة هات الدفرنسيل كامل من حد بتاع استيراد مشهود لة بالثقة وتفضى زيتها وتحط زيت جديد
زيت الكرونة والجيربوكس يتم تغييرهما بعد 10,000 كيلو متر زيت الكرونة حط زيت التعاون درجة لزوجة 140 اما الجيربوكس حط زيت موبيل درجة لزوجة90
زيادة معدل التسارع: يأتى من منظومة متكاملة يعنى رداخ لو تعبان مش ها يدى بنزين صح للكرابرتير وكربراتير لو مخنوق ببكات ضيقة ومحتاج اكس وباب مش ها يعطيك المطلوب وكذلك منظومة الاشعال يعنى اسبراتر و لا بوبينة محتاجين تغيير
طيب لو وصلت للسرعة اللى انت عاوزها اخبار الفرامل اية اللى ها تلجم السرعة دى.. ودعوة للجميع بقيادة آمنة غير متهورة

بص حضرتك انا عندي مشكله وهو ان انا لما بدوس بنزين جامد مره واحده العربيه بتطفي واحيانا ببقي ماشي 50/60 والعربيه لما اجي ادوس بنزين بتطفي
انا بحل الحوار ده اني بدوس بنزينواحده واحد مش مره واحده

انا بس كنت عايز اعرف اانه الكربراتير عندي محتاج اكس وباب قبل ما اروح للراجل
لان تقريبا اي حد بتاع كربراتيرات اول ما تدخل عليه ب اي عربيه يقولك اكس وباب

انا من رائي اشوف موضوع الكربراتير ده قبل الكارونه ولا ايه رايك

وانا كنت مغير قاعده الكربراتير من 8 شهور
بالنسبه للسرعه انا تقريبا بسافر المنيا اسبوعيا مرتين والطريق يبقي ممل وانا كده كده مش بعدي
120 كم/س علي الطريق الصحراوي وتقريبا حفظته والحمدلله عارف الردار فين والكمين فين والدنيا كلها

[احمد شهاب]

بص حضرتك انا عندي مشكله وهو ان انا لما بدوس بنزين جامد مره واحده العربيه بتطفي واحيانا ببقي ماشي 50/60 والعربيه لما اجي ادوس بنزين بتطفي
انا بحل الحوار ده اني بدوس بنزينواحده واحد مش مره واحده

انا بس كنت عايز اعرف اانه الكربراتير عندي محتاج اكس وباب قبل ما اروح للراجل
لان تقريبا اي حد بتاع كربراتيرات اول ما تدخل عليه ب اي عربيه يقولك اكس وباب

انا من رائي اشوف موضوع الكربراتير ده قبل الكارونه ولا ايه رايك

وانا كنت مغير قاعده الكربراتير من 8 شهور
بالنسبه للسرعه انا تقريبا بسافر المنيا اسبوعيا مرتين والطريق يبقي ممل وانا كده كده مش بعدي
120 كم/س علي الطريق الصحراوي وتقريبا حفظته والحمدلله عارف الردار فين والكمين فين والدنيا كلها

واضح ان العربية عندك بتشرق بنزين وعلاج دة بيتم بالكشف على عوامة الكربراتير لو مخرومة تتغير او تتلحم قصدير والكشف على الابرة بتاعة العوامة ودى بتتغير
بعدة كدة الصنايعى بيظبط مسافة العوامة
اما ازاى تتأكد من الاكس والباب . ..لو الكربراتير محلول بيبقى سهل معرفة ذلك لانك بتحرك الاكس بايدك فلو اتحرك معاك يبقى مبوش اما الباب تكشف علية بانك تقفل مسمار تعلية المكنزة وترفع الكرابراتير امام مصدر ضوء وبص من العنتين بتوع الكربراتير اللى بيبقى فةقهم عمة فلتر الهوا
بص منهم لو لقيت تسريب للضوء يبقى الباب يتغير لانة مفروض ما يسربش الضوء
اما لو الكربرتير مش محلول هات مفك عادة صغير وروح لمسمار ضبط الهوا ها تلاقية تحت الكربراتير باتجاة البطارية ولفة لليمين لو العربية برجلت او بطلت كدة يبقى مفيش اكس وباب

[mossallem]

واضح ان العربية عندك بتشرق بنزين وعلاج دة بيتم بالكشف على عوامة الكربراتير لو مخرومة تتغير او تتلحم قصدير والكشف على الابرة بتاعة العوامة ودى بتتغير
بعدة كدة الصنايعى بيظبط مسافة العوامة
اما ازاى تتأكد من الاكس والباب . ..لو الكربراتير محلول بيبقى سهل معرفة ذلك لانك بتحرك الاكس بايدك فلو اتحرك معاك يبقى مبوش اما الباب تكشف علية بانك تقفل مسمار تعلية المكنزة وترفع الكرابراتير امام مصدر ضوء وبص من العنتين بتوع الكربراتير اللى بيبقى فةقهم عمة فلتر الهوا
بص منهم لو لقيت تسريب للضوء يبقى الباب يتغير لانة مفروض ما يسربش الضوء
اما لو الكربرتير مش محلول هات مفك عادة صغير وروح لمسمار ضبط الهوا ها تلاقية تحت الكربراتير باتجاة البطارية ولفة لليمين لو العربية برجلت او بطلت كدة يبقى مفيش اكس وباب

اشكرك علي الرد والاهتمام
وان شاء الله بكره هروح لواحد اعرفه بتاع كربراتير و ان شاء الله اقولك عملت ايه

[احمد شهاب]

اشكرك علي الرد والاهتمام
وان شاء الله بكره هروح لواحد اعرفه بتاع كربراتير و ان شاء الله اقولك عملت ايه

العفو اخى .. بالتوفيق ان شاء اللة

[mossallem]

السلام عليكم انا انهارده روحت لبتاع كربراتير
وفكه وقالي ان الباب التاني بتاع السرعه مكنش بيفتح وظبطهولي والدنيا تمام
وجربت العربيه وكله تمام والعربيه برضه لسه زي الزفت مفيش تسارع
يعني مثلا التاني اخره 30كم/س
ولو مجبتش الغيار التالت ممكن وداني تتخرم من صوت الماتور اللي مش عايز يسرع عن كده
والتالت اخره 50كم/س بعد حرق شديد جدا ع الماتور
انا الصراحه زهقت من الخرده دي
دا غير ان الراجل بتاع الكربراتير قالي انا ماليش دعوه انا كربراتيرك سليم
روح اظبط كهربا
وانا مغير طقم الكهربا من 3 اسابيع
وروحت لواحد تاني قالي نفس الكلام
وبص ع البوجيهات لاقاها مش معرقه زيت وانها نضيفه
يا ريت لو حد يعرف يفيدني يقولي اعمل ايه
انا اخر ما زهقت قولتله عربيتي مش بتامرك حتي

[Abo_Mazen]

كلامك كله بيصب في إتجاه الديسك والإسطوانه برضه ..مش عارف أقولك إيه ؟؟...ياما ناس ركبت ديسك وإسطوانه وكانوا نوعيه وحشه وغيروهم تاني ..روح لميكانيكي تاني غير اللي غيرلك الديسك والإسطوانه وخليه يقولك رأيه ..عشان أكيد اللي مغير الديسك والإسطوانه مش هيقولك أصل الديسك والإسطوانه اللي أنا ركبتهم وحشين ..عشان كده روح لحد تاني إكشف عنده

[mossallem]

كلامك كله بيصب في إتجاه الديسك والإسطوانه برضه ..مش عارف أقولك إيه ؟؟...ياما ناس ركبت ديسك وإسطوانه وكانوا نوعيه وحشه وغيروهم تاني ..روح لميكانيكي تاني غير اللي غيرلك الديسك والإسطوانه وخليه يقولك رأيه ..عشان أكيد اللي مغير الديسك والإسطوانه مش هيقولك أصل الديسك والإسطوانه اللي أنا ركبتهم وحشين ..عشان كده روح لحد تاني إكشف عنده

والله حضرتك انا بفكر اعمل كده وقولت اني اروح لواحد بتاع لادا بس ولاقيت الناس بتشكر في واحد اسمه محمد طلبه هنا حمبي في امبابه
قولت هعدي عليه واخليه يجربها ويقولي ايه الحوار
وشكرا ع اهتمام حضرتك

[Abo_Mazen]

والله حضرتك انا بفكر اعمل كده وقولت اني اروح لواحد بتاع لادا بس ولاقيت الناس بتشكر في واحد اسمه محمد طلبه هنا حمبي في امبابه
قولت هعدي عليه واخليه يجربها ويقولي ايه الحوار
وشكرا ع اهتمام حضرتك

بس إبقى طمنا ...وقلنا قالك إيه

[Zing0]

والله حضرتك انا بفكر اعمل كده وقولت اني اروح لواحد بتاع لادا بس ولاقيت الناس بتشكر في واحد اسمه محمد طلبه هنا حمبي في امبابه
قولت هعدي عليه واخليه يجربها ويقولي ايه الحوار
وشكرا ع اهتمام حضرتك

ياااااااااااااااراجل
بقى جنبك محمد طلبه و واجع دماغك كل ده
توكل على الله و أطلع عليه و هيجيبلك من الآخر و من غير فتى.
ده بسم الله ماشاء الله الناس بتجيله من الأسكندرية و من بنى سويف و المنيا و أسيوط .... محافظات تانية يعنى.
النت بيعمل سمعة لأى صنايعى سواء ليه أو عليه

و أبقى طمنا عملت إيه