تسرب زيت الدبرياج

[عمرو كاشف]

السلام عليكم .... ارجو انكم تكونوا بتمام الصحة والعافية وعندكم سعة صدر ليا لاني لسه جديد فى كار السيارات عموما واللادا خصوصا

يوم الخميس وانا ماشي بالعربية ( لادا 2105 موديل 95 ) لاقيت ان الغيار الاول بيجي بصعوبة بالغة على عكس بقية الغيارات اتصلت بواحد صاحبي ونصحني اني ابص على علبة زيت الدبرياج واذا كان فيها زيت ولا لا ؟؟!!

بصيت فعلا ما لقتش الا كام نقطة زيت كدا قولت اجيب زيت وازودها ... زودتها وقولت اخد بيها لفة اشوف موضوع الغيار الاول دا لاقيته تمام ... تمام .. تمام
رجعت من اللفة لاقيت العلبة فضيت قولت كدا الموضوع يستدعى ميكانيكي وفعلا روحتله وقالي ان بذبوذ الماستر مقطوم جوا الخرطوم والبذبوذ دا عايز يتغير قالي ان عنده واحد استعمال وركبهولي وكدا المفروض الدنيا تمام ... وقولت اخد لفة برضه واجرب روحت تحت البيت وبصيت على العلبة بعد ما لفيت لاقيت الزيت زي ما هو وكله تمام


تاني يوم الصبح لاقيت في زيت تحت العربية قولت ابص على العلبة تاني لاقيت في ربعها بس والخرطوم عليه زيت قوم واخد العربية وروحت للميكانيكي قولتله انها بتجيب زيت تاني قام حاطط ايده تحت الدواسة بتاعت الدبرياج كتير شوية وقالي ماستر الدبرياج العلوي كدا عايز يتغير ..... بس انا مش حاسس ان في حاجة غلط فى الدواسة بصراحة واعتقد ان الزيت جاي من العلبة ذات نفسها ونازل على الخرطوم

المفروض اني اسمع كلام الميكانيكي دلوقتي واجيبله ماستر دبرياج علوي واخليه يركبه ... ولا اجيب علبة تانية بالخرطوم واركبهم واشوف المشكلة اتحلت ولا لا ؟!!!
ياريت الرد ضروري وباستفاضة وياريت بسرعة .... اسف على الاطالة واسف على الاستعجال مرة تانية

[Abo_Mazen]

هو حط إيده ..وبتقول فتره من الوقت ..يبقى أكيد حس بنزول زيت من الحته دي أو حس إن الحته دي مجلمطة أكتر من اللازم عشان كده قالك إن الماستر العلوي فيه مشكلة ..ما دام واثق في الميكانيكي إمشي وراه ..بس قوله لو المشكلة ما تحلتش ..يبقى نعمل إيه وقتها ؟؟؟؟

[عمرو كاشف]

انا قصدي كتير شوية مسافة مش وقت
ان اول مرة اتعامل مع ميكانيكي وما عنديش الثقة الكافية فيه انا روحتله بس عشان فى نفس الشارع بتاعي وانا اعرفه
ثالثا ودا الاهم اني لما حطيت ايدي تحت العلبة علطول لاقيت ان في زيت ونازل على الخرطوم لحد الماستر .... اعتقادي ان الزيت اللي جوا تحت الدواسة دا نتيجة لتسريب الزيت بتاع العلبة ... اعتقد ان لو في مشكلة فى الماستر كنت هحس بيه فى الدواسة مش عارف استنتاجي صح ولا غلط ؟!

[shake]

روح عند ميكانيكى تانى وشوف هيقولك ايه

[عمرو كاشف]

روح عند ميكانيكى تانى وشوف هيقولك ايه

انا فعلا روحت لميكانيكي تاني معرفة بس المشكلة ان شغال فى السيارات الحديثة بس دلوقتي
وشاف المشكلة عشان معرفة بس .... وقالي هات علبة اصلي بالخرطوم بتاعها والمفروض اروحله النهاردة

[abokoko]

فى خطوات قبل تغيير الماستر
ابدا بعلبة جديدة مش استعمال
وانفخ فيها وتاكد من عدم وجود تسريب
وخلال بالك وهى بتتركب لان بوزها خفيف التثبيت و ممكن يتكسر او يتشرخ +غير وصلة الخرطون ما بين العلبة والماستر بوصلة جديده ((( نصيحة شوف خرطوم نوع كويس معزول وطرى واشترى مترين ثلاثة وابقي خليهم فى العربية هتحتاجهم )))
اشترى قفيز استانلس او نوع قوى واشترى اكثر من واحد وابقي خلى القفزان معاك احتياطى

بعد ما تركب وتملا زيت
اغسل بمياه كويس حولين كل الاجزاء
لان زيت الباكم بيشيل اللون
وكمان علشان تشوف لو فى زيت جديد هيرشح ولا

ابقي اشترى نوع زيت ثابت
اما دوت او دوت 4
ورغم ان دوت 4 هو الاحسن
لكن خليك فى دوت 3 لانه هو المنتشر
لا تضع زيت دوت اعلى من 4
ولو حاطط زيت دوت 4 مينفعش تزود بدوت
لو العكس ينفع
اشترى زيت الباكم من البنزينات
ويفضل انتاج حديث

ابقي تابع الزيت
وان شاء الله خير

[عمرو كاشف]

فى خطوات قبل تغيير الماستر
ابدا بعلبة جديدة مش استعمال
وانفخ فيها وتاكد من عدم وجود تسريب
وخلال بالك وهى بتتركب لان بوزها خفيف التثبيت و ممكن يتكسر او يتشرخ +غير وصلة الخرطون ما بين العلبة والماستر بوصلة جديده ((( نصيحة شوف خرطوم نوع كويس معزول وطرى واشترى مترين ثلاثة وابقي خليهم فى العربية هتحتاجهم )))
اشترى قفيز استانلس او نوع قوى واشترى اكثر من واحد وابقي خلى القفزان معاك احتياطى

بعد ما تركب وتملا زيت
اغسل بمياه كويس حولين كل الاجزاء
لان زيت الباكم بيشيل اللون
وكمان علشان تشوف لو فى زيت جديد هيرشح ولا

ابقي اشترى نوع زيت ثابت
اما دوت او دوت 4
ورغم ان دوت 4 هو الاحسن
لكن خليك فى دوت 3 لانه هو المنتشر
لا تضع زيت دوت اعلى من 4
ولو حاطط زيت دوت 4 مينفعش تزود بدوت
لو العكس ينفع
اشترى زيت الباكم من البنزينات
ويفضل انتاج حديث

ابقي تابع الزيت
وان شاء الله خير

نصائح اكتر من رائعة بصراحة ودخلت دماغي جدا ... مشكور على اهتمامك وسرعة ردك يا باشا ان شاء الله هروح النهاردة واوافيكم بالاخبار :)

[mossallem]

المشكله دي كانت عندي وغيرت ماستر عمومي تقريبا هو عامل 85 ج او 115
والمشكله اختفت

[mirra]

انت حتغير ماستر الفرامل العلوى و حتياطى غير كمان كبايه الزيت بس خلى بالك هات الكبايه دى من النوع النضيف اللى بحوالى 15 جنيه و بلاش الصينى خالص. تلف الماستر العلوى مش بيحسسك ان فيه مشكله فى الغيارات اما الماستر السفلى هو اللى بيعمل مشكله فى النقلات.

[Mecha]

هات بلادوس وانزل الدواسه ,هتلشوف جلد مسطر الدبرياش بيجيب زيت .يبا هوا .شيلو وحط جديد بييجي بخزنة زيته

[عمرو كاشف]

المشكله دي كانت عندي وغيرت ماستر عمومي تقريبا هو عامل 85 ج او 115
والمشكله اختفت

عمومي ولا علوي ؟ اصل العلوي هو اللي بيجيب زيت مش العمومي ؟!

[عمرو كاشف]

فى خطوات قبل تغيير الماستر
ابدا بعلبة جديدة مش استعمال
وانفخ فيها وتاكد من عدم وجود تسريب
وخلال بالك وهى بتتركب لان بوزها خفيف التثبيت و ممكن يتكسر او يتشرخ +غير وصلة الخرطون ما بين العلبة والماستر بوصلة جديده ((( نصيحة شوف خرطوم نوع كويس معزول وطرى واشترى مترين ثلاثة وابقي خليهم فى العربية هتحتاجهم )))
اشترى قفيز استانلس او نوع قوى واشترى اكثر من واحد وابقي خلى القفزان معاك احتياطى

بعد ما تركب وتملا زيت
اغسل بمياه كويس حولين كل الاجزاء
لان زيت الباكم بيشيل اللون
وكمان علشان تشوف لو فى زيت جديد هيرشح ولا

ابقي اشترى نوع زيت ثابت
اما دوت او دوت 4
ورغم ان دوت 4 هو الاحسن
لكن خليك فى دوت 3 لانه هو المنتشر
لا تضع زيت دوت اعلى من 4
ولو حاطط زيت دوت 4 مينفعش تزود بدوت
لو العكس ينفع
اشترى زيت الباكم من البنزينات
ويفضل انتاج حديث

ابقي تابع الزيت
وان شاء الله خير

انا اتبعت خطوات حضرتك بالظبط ولسه برضه في زيت واضح فعلا ان الميكانيكي كان عنده حق وان شاء الله اجيبله الماستر العلوي النهاردة