تويوتا 82 ولا لادا 95 افضل وبنفس السعر

[فارس الواحة]

أمامى تويوتا 82 بحالة جيدة و لادا 2105 موديل 95 بحالة جيدة بنفس السعر 19 ألف ؟
أيهما يكون أفضل ؟
كمان سؤال : انا مش لاقى ميكانيكى خالص فاضى يجى معايا و انا بشترى لأنها من مركز بعيد عنى
ينفع اروح و اخد العربية لأى ميكانيكى هناك يقيمها ويبصلى عليها ولا لازم اخده معايا من عندى ؟

[ahmed2y]

أظن الادا لتوافر قطع الغيار وسهولة الصيانة لان التويوتا بالموديل البعيد دة حاجتها قليلة

[Abo_Mazen]

أظن الادا لتوافر قطع الغيار وسهولة الصيانة لان التويوتا بالموديل البعيد دة حاجتها قليلة

+++++1111111

[فارس الواحة]

طيب كيف افحص اللادا 2105 ؟

[أبو يحيى]

طيب كيف افحص اللادا 2105 ؟

السلام عليكم
لو الظروف أجبرتك على أن تفحص السيارة بنفسك تفحص الأتى
1- أول حاجة تبص على الصاج عموما وتقف خلف العربية من الجنب اليمين والجنب الشمال وتلاحظ لو فيه
أى اعوجاج فى أحد جوانب السيارة وتفتح الأبواب وتقفلها وتشوف الأبواب بتقفل مستريح ولا لأ وتشوف الفروقات بين نهايات الأبواب وجسم السيارة وتبص على العربية من تحت علشان لو فيه أى بارومة
وتخبط بأيدك على الدواسات من تحت وبالمرة تبص على عامود الكردان علشان لو فيه أى اعوجاج أو لحامات
وتفتح الكبوت وتبص على دهان الحوض هل هو فبريكا ولا رشة حوض ولو رشة حوض أنصحك متشتريهاش
وتبص على القوايم والشنطة بتاعة العربية من جوة
وعموما حاول تشترى سيارة تكون فبريكا دواخل على الأقل (يعنى مرشتش لا حوض ولا شنطة ولا قوائم )
معلش للاطالة بس دى أهم أجزاء فى السيارة وممكن الأخوة الأفاضل أعضاء المنتدى يضيفوا اى حاجة أكون نسيتها
2- تقف على بعد من السيارة من الأمام والخلف وتشوف اتزان السيارة ( لو فيها اى ميل على احد الجوانب بلاش منها )
3- تدور الموتور وتسيبه مقدار دقيقة أو دقيقتين داير عالسلانسيه وتلاحظ انتظام الدوران وبعد كده حد يدوس بنزين وانت واقف ورا السيارة وتلاحظ لو فيه دخان طالع من الشكمان ولا لأ وبعد كده تفصل خرطوم فايظ
زيت الموتور وتلاحظ كمية الدخان اللى طالعة منه ( لو دخان كتير يبقى الموتور خفيف وطبعا على حسب كمية الدخان اللى طالعة من خرطوم الفايظ بتكون حالة الموتور )
4- تكشف عالأنور والعدادات
5- تمشى بالعربية وتجرب كل السرعات بما فيهم المارشدير
6- أهم حاجة وفى غاية الأهمية تكشف على رقمى الشاسيه والموتور وتشوفهم هما اللى فى الرخصة ولا لأ
دا على قدر معلوماتى البسيطة أرجو أن أكون افادت حضرتك وفقكم الله لما فيه الخير وان شاء الله تكون سيارة ممتازة خالية من العيوب واعطاك الله خيرها ومنع عنك شرها ان شاء الله
شكرا واسف للاطالة

[فارس الواحة]

السلام عليكم
لو الظروف أجبرتك على أن تفحص السيارة بنفسك تفحص الأتى ........
شكرا واسف للاطالة

مشكور وبارك الله فيك .