بخصوص الغاز ؟

[ibnelfared]

السلام عليكم
ياريت حد يفيدنا فى خصوص الغاز فى العربيات اللالادا 1600 ؟
هل ليها بوجيهات معينى وبتتغير مل قد أيه ؟ الأستعلاك لل 14م3 بيعمل قد أيه لو سمحتم حد يعرفنا خاصة الزيت بردة بيتغيير على نفس المسافة ولا لأ ؟ وهل فى نووع معين

[ahmscu]

بالنسبة للغاز ،ماتركبوش الا لو موتور عربيتك كويس ،غير كده مش هتتبسط بيه،الزيت بيتغير على نفس المسافة زى البنزين،بالنسة للبوجيهات :هو المفروض فى نوع معين للغاز اسمه بريسك تشيكى بس مش موجود الا فى التوفيقيه بس ممكن الدينسو والان جى كيه يمشوا بس اتاكد ان حرقهم عالى لان الغاز تقيل شويه فى الحرق والسحب،الاستهلاك زى النزين بالضبط يعنى لو لتر البنزين يمشيك 15 كيلو متر الغاز برضه هيبقى زيه بس المهم عربيتك تكون مضبوطه،يعنى ممكن ال 14 متر يعملوا معاك 200 كيلو متوسط

[ibnelfared]

بالنسبة للغاز ،ماتركبوش الا لو موتور عربيتك كويس ،غير كده مش هتتبسط بيه،الزيت بيتغير على نفس المسافة زى البنزين،بالنسة للبوجيهات :هو المفروض فى نوع معين للغاز اسمه بريسك تشيكى بس مش موجود الا فى التوفيقيه بس ممكن الدينسو والان جى كيه يمشوا بس اتاكد ان حرقهم عالى لان الغاز تقيل شويه فى الحرق والسحب،الاستهلاك زى النزين بالضبط يعنى لو لتر البنزين يمشيك 15 كيلو متر الغاز برضه هيبقى زيه بس المهم عربيتك تكون مضبوطه،يعنى ممكن ال 14 متر يعملوا معاك 200 كيلو متوسط

أشكر حضرتك جزيل الشكر بعد أذنك ليا سؤالبن .
البوجيهات دى بكام وشكلها أيه ؟
الحاجة التانية أنا بملى الأسطوانة 14 متر بتعمل بالكتير قوى 155 كيلوا بس دة أخرها ودة ألى قالوا بتاع الغاز وبعض سائقى التاكسى عدا 3 هما ألى قالولى الحكاية دى أنها ممكن تعمل 200 كيلوا ؟
فالحل هنا أيه لأنها ما بتزيدش عن 155 كيلوا .

[ahmscu]

أشكر حضرتك جزيل الشكر بعد أذنك ليا سؤالبن .
البوجيهات دى بكام وشكلها أيه ؟
الحاجة التانية أنا بملى الأسطوانة 14 متر بتعمل بالكتير قوى 155 كيلوا بس دة أخرها ودة ألى قالوا بتاع الغاز وبعض سائقى التاكسى عدا 3 هما ألى قالولى الحكاية دى أنها ممكن تعمل 200 كيلوا ؟
فالحل هنا أيه لأنها ما بتزيدش عن 155 كيلوا .

البوجيهات اسمها بريسك تشيكى نوعها سيلفر بس مفيش منها الا مقاس 16 وموجودة فى التوفيقيه فى شركة واخده توكيل سيور دونجل الكورى ادام سنترال رمسيس بس مش فاكر اسمها وبتقفل 5 العصر.لو انت المقاس عندك 21 هات دينسو من عند نعيم صليب برضه فى التوفيقيه وقوله انها غاز
بالنسبة للاستهلاك ،غالبا هتلاقى الكاربراتير محتاج يتظبط وخصوصا لو الاستهلاك كتير غاز وبنزين