فيات 128 موديل 2006 ولا : لادا 2105 موديل 95

[فارس الواحة]

يا جماعة انا لقيت فيات 128 موديل 2006 وبنفس سعر لادا 2105 موديل 95 ، لو فرض حالة العربيتين مقبولة
اختار ايه وليه ؟
حسب :
كثرة الاعطال - اسعار قطع الغيار - التحمل و المتانة

[عمرو كاشف]

الفيات 128 فيها مشاكل جوهرية فى العفشة وكمان على كبالن
اتكل على الله فى اللادا قطع غيارها متوافرة ورخيصة ومش هتحتاج مصروف عالي

[Abo_Mazen]

هتسمع آراء بتقول كده وآراء بتقول كده ..يمكن تتساوى الأصوات لصالح العربيتين ..يمكن عربية منهم تتغلب في الأصوات بصوت أو إثنين ..كلام لا خلاف فيه ..اللادا عربيه ناشفه ..عربية أحمال ..وفيه ناس بتسميها مع تقديري وإحترامي الشخصي لكل ملاك اللادا ..عربيه غبيه وغشيمه والمفروض كانت تبقى عربية نقل مش ملاكي ..ال 128 عربيه أنعم من اللادا ..وصوت موتورها أهدى ..مشاكلها في العفشه ..أو أغلب عيوبها في العفشه وفي الشاسيه ..الإثنين قطع غيارهم زي بعض في السعر وفي الوفره ..القرار ليك ..حتى موضوع الشكل ده نسبي من شخص لآخر ..

[mirra]

اللادا اعتماديه و امتن بكتيير...انا سقت ال 128 و اللادا 2105 مدد طويله و المقارنه لصالح الادا...اتومبيل بحق.

[أبو يحيى]

السلام عليكم
اللادا أمتن وأقوى وتتحمل شوارعنا الجميلة ( عن تجربة فى سواقة ال 128 و اللادا 2107 )