مشكلة دينامو حسب ما اعرف

[abokoko]

فى موضوع سابق
http://www.nilemotors.net/Nile/464548-a.html
تم تغيير السير
ولم اعد اسمع الصفارة

لكن عندى مشكلة نادرا ما تظهر
يعنى ممكن اسوق العربيه يوم بحالة ولا تظهر
وممكن تظهر مرة واحدة او اكثر خلال اليوم الواحد
وده مشكله علشان لما اروح للكهربائي مفروض العطل يبان له
وبالفعل فى المرة السابقة العطل لم يظهر طوال تواجدى عند الكهربائي رغم التشغيل و الغلق والاستمرار فى التشغيل وهكذ


المشكلة حاليا
فجأه الضوء بيزيد و مؤشر شحن الدينامو بيتحرك للاحمر
كده غالبا عندى مشكلة كتاوت


غالبا البطاريه هتتغير مستقبلا ب65 امبير بدلا من 50 امبير الحاليه

اصلح الدينامو - و الله اعلم هتكون التكلفة كام

ولا اشترى دينامو استيراد و يكون بالمرة اكبر 70 امبير مثلا

[SS]

لو موضوع الكتاوت بس و التكلفة مش عالية ممكن تغيره
انا للاسف مش عارف هل الكتاوت عندك داخلى و لا خارجى
لو الدينامو فيه حاجات اكتر هتتصلح يبقى اشترى واحد استيراد اريح
غالباً هيبقى فى حدود 200 او اقل
شوف التكلفة فى الحالتين و شوف ايه الانسب لك

[abokoko]

الديناموعندى روسي كتاوت داخلى

[mossallem]

بص يا باشا المشكله دي كانت عندي
ولما روحت للكهربائي قالي
انها ممكن تكون عيب كتاوت داخلي
او عيب في علبه الفيوز وده تقريبا تمنها 450 ج
دا غير انه قالي انه ممكن يغير الكتاوت والمؤشر ميتصلحش وانه لازم يغير علبه الفيوز
المهم انا غامرت وغيرت الكتاوت استيراد واشتغلت الحمد لله
بس هو قالي ان ده عادي وده بسبب انه بيكون في حاجه لمست عندك فبل كده في العربيه والمقاومات لسعت
دا غير انه قالي اني ممكن مصلحهاش
بس انا مش بحب حاجه ترويشني في العربييه

[abokoko]

انا زيك ما بحبش حاجه تروشني
وكمان خايف انه ممكن يؤثر علي البطاريه
او يقطع فجاه وانا في سفر او مشوار طويل
و بعتبر ان اي اشاره لخلل فيجب معالجتها


واعلم في في ناس معايا في العمل بتقول نسيب الحاجه تجيب اخرها

[abokoko]

الديناموالاستيراد ماركه بوش 70 امبير متوسط سعره كام

[mossallem]

انا زيك ما بحبش حاجه تروشني
وكمان خايف انه ممكن يؤثر علي البطاريه
او يقطع فجاه وانا في سفر او مشوار طويل
و بعتبر ان اي اشاره لخلل فيجب معالجتها


واعلم في في ناس معايا في العمل بتقول نسيب الحاجه تجيب اخرها

هوالكهربائي لما قاس لك شحن الدينامو قالك كام
هو الطبيعي من 13.5 الي 15

[abokoko]

قال. طبيعي
نعرفش كام بالضبط بس هو اعتبر انه مفيش مشكله
ولما غير السير كان موجو ولفي الدينمو بايده وقال مفيش خشونه
وبالتالي مفيش اي سبب انه يفمه وبالذات لان زياده النور لم تظهر في وجوده

[mossallem]

باشا كده العيب يا اما في سلوك عايزه تتغير في الضفيره
يا اما كتاوت لان علي كلامك واللي انا فهمته ان العربيه لامواخذه
بقت عامله زي الفيسبا تزود بنزين النور يزيد
وبرضو روح لكهربائي تاني وخليه يقيسلك الشحن ويقولك كام لو من 13.5 الي 15 دا الطبيعي اقل يبقي الدينامو فيه مشاكل وممكن تركب دينامول ادا او شاهين استيراد ولو الشحن مظبوط يبقي كتاوت او ضفيره
وانشاء الله خير

[abokoko]

عندى امتحانات اولادى حاليا
الاسبوع القادم اشوف الكهربائي


عايز اعرف سعر دينامو بوش 70 امبير استيراد متوسط سعره كام
؟؟

[abokoko]

الحمد لله
تم تغيير الكتاوت الداخلى بنوع اخر اخر وبرضة داخلى
سعر الكتاوت على العلبة 55 جنيه والراجل معرفه باعه لى ب45 جنيه
المصنعيه واكرامية الصبي 35 جنيه

الانطباع الى الان
كويس