الدريكسيون عجيب ؟؟؟

[gomaaa]

اولا كده الدريسكيون بيكون مايل و انت واقف ... يعنر لما يكون العجل في وضح مستوي مش محود يعني بتكون الطاره مايله ..... و بيكون كده اشبه بفراغ في الدريكسيون .... بتكون ربع لفه في الطاره و انت واقف . بتحس الطاره خفيفه اوي في الربع لفه دي ... و انت ماشي اللفه الخفيفه بتحدف العربيه ... يعني و انا سايق بلاقي العربيه بتحدف مني لو انا سرحت عن الدريكسيون بسبب الربع لفه الخفيفه دي ... مع ان معروف ان اللادا تقيله ..... مش عارف ده طبيعي ولا لأ عشان انا لسه جديد في السواق

[Abo_Mazen]

علبة الدريكسيون عندك محتاجه شغل ..ممكن يكون طقم إصلاح أو غيره ..عوجة الطاره دي بتاع الزوايا يعملها ..بس متهيألي بتاع الزوايا مش هيرضى يشتغل غير لما البوش ده يتلم

[عمرو كاشف]

موضوع الربع لفة دا اسمه بوش ودا شىء اساسي في اي عربية لادا عشان الدريكسون على علبة وبيتعمل عشان النقر والمطبات والحفر اللي في شوارعنا الجميلة
بمعنى اصح لو البوش دا مش موجود فى اللادا كنت هتغير علبة دريكسون تقريبا كل شهرين تلاتة
بالنسبة لموضوع الطارة مش مظبوطة زي ما قالك الاستاذ كدا بتاع ضبط الزوايا يظبطهالك بس اسأل على واحد يكون كويس وحد جربه وبيشكر فيه لان اغلبهم ما عندهمش ضمير

[gomaaa]

علبة الدريكسيون عندك محتاجه شغل ..ممكن يكون طقم إصلاح أو غيره ..عوجة الطاره دي بتاع الزوايا يعملها ..بس متهيألي بتاع الزوايا مش هيرضى يشتغل غير لما البوش ده يتلم

طب هو لما البوش ده يتلم عند مين .... و هل لما يتلم الطاره هتمسك نفسها شويه ؟؟

[gomaaa]

موضوع الربع لفة دا اسمه بوش ودا شىء اساسي في اي عربية لادا عشان الدريكسون على علبة وبيتعمل عشان النقر والمطبات والحفر اللي في شوارعنا الجميلة
بمعنى اصح لو البوش دا مش موجود فى اللادا كنت هتغير علبة دريكسون تقريبا كل شهرين تلاتة
بالنسبة لموضوع الطارة مش مظبوطة زي ما قالك الاستاذ كدا بتاع ضبط الزوايا يظبطهالك بس اسأل على واحد يكون كويس وحد جربه وبيشكر فيه لان اغلبهم ما عندهمش ضمير

طب دلوقتي لما اكون ماشي ايدي بتريح غصب عني و الاقي العربيه بتحدف مني ... و انا مش حاسس اني حركت الدريكسيون عشان خفيف اوي .... هل ده عادي في اللادا ؟؟

[Abo_Mazen]

طب هو لما البوش ده يتلم عند مين .... و هل لما يتلم الطاره هتمسك نفسها شويه ؟؟

حداد العفشة هو اللي بيلم البوش اللي في الطاره

[pepo2011]

لازم تروح لبتاع زوايا الاول --- وبعدين هاتعمل علبة الدركسيون البوش دا ليه نسبة اساسية ولازم تتعود عليها

[mossallem]

طب دلوقتي لما اكون ماشي ايدي بتريح غصب عني و الاقي العربيه بتحدف مني ... و انا مش حاسس اني حركت الدريكسيون عشان خفيف اوي .... هل ده عادي في اللادا ؟؟

يا باشا اي عفشجي يلملك الوش مع ظبط زوايا

[Zing0]

يا أخى لم البوش بنفسك
عاوز مفتاح 8, مفك عادة و مفتاح17 على ما أعتقد (مش فاكر رقمة بالضبط) بس
و تفتح كبوت العربية. شايف علبة زيت الفرامل و الدبرياج, تمام, تحتهم فى سيرفو الفرامل (البتاع اللى عامل زى البطيخة و طالع منه ماسورة عليها خرطومين رفيعين) وصلتلها ... كويس أوى.
إضرب بعينك تحتهم هتلاقى حديدة مربعة و فيها صامولة كبيرة فى النص و واحدة صغيرة على الطرف.
هيا دى علبة الدركسيون.
أولاً: بسم الله و تفك الصامولة المربعة بمفتاح 8, دى عبارة عن طبه, المفروض تلاقى وراها زيت, لو مفيش تزود زيت ثقيل 140 أو تكبسها شحم و تقفلها تانى.
بعد كده تعدل دركسيونك (العجل يعنى) و تفك الصامولة الكبيرة (تهويها بس مش تفكها خالص)
هتلاقى جواها (الجزء اللى بتربط فيه) مسمار ليه شق, بالمفك العادة تربط سنه صغيرة (ربع لفه) و ترجع تربط الصامولة عليه تانى.
و بسم الله, تجرب و تدعيلى.

لو لاقيت المسمار جايب آخرة يبقى تجهز نفسك و تطلع على محمد طلبه يعملك طقم إصلاح . و بلاش تكسل و تروح لحد تانى لأن أى طقم إصلاح مضروب = فاشل و بيبوظ بسرعة, ده الصنايعى المحترم الوحيد اللى أعرفه اللى بيجيب أنضف حاجه فى السوق و هيركبلك الحاجة الأصلية.

ده شكل العلبة


أعانك الله