لمبة التابلوة

[عمرو كاشف]

رجاء من اهل الخبرة افادتي فى اللمبة دي بتاعت اية لانها منورة علطول من ساعة ما جبت العربية واطفيها منين او اعالجها ازاي ؟

الصورة فى المرفقات الرجاء الافادة

[عمرو كاشف]

متشكرين يا جماعة اللمبة طلعت بتاعت سخان البربيز الخلفي وبتتقفل من الزرار اللي فوق على اليمين :)

[mossallem]

تمام بس انت مش ملاحظ ان مؤشر الدينامو ضايع
دا غير ان اللمبه منوره
ابقي اكشف عليه زياده تاكيد
وكويس انك طفيت السخان لانه ممكن يسرطن الازاز

[عمرو كاشف]

اكشف على اية بالظبط السخان ولا الدينامو ؟!
لان بصراحة من ساعة ما جبت العربية والسخان دا كان شغال وما كنتش واخد بالي
تاني حاجة الصورة دي متاخدة وانا مش مدور العربية اساسا :d

[mossallem]

روح لكهربائي وخليه يكشف ع البطاريه ويشوفلك شحن الدينامو

[ahmscu]

خللى بالك لان البطارية كده بتودع وممكن تعملها معاك فى اى وقت،اكشف على البطارية والشحن

[عمرو كاشف]

خللى بالك لان البطارية كده بتودع وممكن تعملها معاك فى اى وقت،اكشف على البطارية والشحن

ياريس البطارية لسه جديدة والصورة متاخدة والعربية مش دايرة اصلا دا انا بس موصل الكونتاكت والسخان دا كان شغال يعنى مفيش شحن دينامو اساسا السخان كان بيسحب من البطارية