ميل العربية

[عمرو كاشف]

امبارح وانا نازل اركب العربية ببص عليها من قدام حسيت ان في جنب اعلى من جنب ؟
مع العلم اني كنت عند العفسجي من يومين وكشف لعى العربية كلها والمساعدين وشكرلي فى العفشة جدا
يا ترى دي تبقى مشكلة اية ؟ ومين يحلها ؟ ولو سافرت بيها كدا هل في مشكلة ولا اعالج المشكلة دي الاول ؟

[dbabis8]

يا باشا انا ركبت لادا 1200 سنتين و الجنب ورا يمين اوطى من العربية و العفشجى يقولى كويسه و هتحل و تغير شداد الدفرنس ع الفاضى هى كويسة مفيهاش حاجة و فعلا لحد ما بعتها و هى كده و اللى خدها مشى بيها على كده

[عمرو كاشف]

يا باشا انا ركبت لادا 1200 سنتين و الجنب ورا يمين اوطى من العربية و العفشجى يقولى كويسه و هتحل و تغير شداد الدفرنس ع الفاضى هى كويسة مفيهاش حاجة و فعلا لحد ما بعتها و هى كده و اللى خدها مشى بيها على كده

اية شداد الدفرنس دا يا باشا ياريت معلومات عنه ووظيفته معلش هتقل عليك
ولو سافرت بيها على الوضع دا فيها مشكلة ؟

[dbabis8]

ده دراع حديد طوله حولى 80 سم بيت العجل و ماسك فى جسم العربية من النص و دايما بيربطوا عليه سلك الهاند بريك و لما بيتعوج بسبب المطبات بيوطى العربية

[عمرو كاشف]

اتصلت بالعفشجي بالتليفون وحكيتله على الموضوع دا قالي دي كاوتشة المساعد هتلاقيها مقطوعة ودي حاجة بسيطة
اعملها قبل ما اسافر ولا استنى لما اجي ولا اعمل اية بالظبط ؟ ولو عملتها المفروض هتتكلف كام ؟ مصنعية وخامة
وهل محتاج اظبط زوايا بعديها ولا تمام ؟

[Abo_Mazen]

اتصلت بالعفشجي بالتليفون وحكيتله على الموضوع دا قالي دي كاوتشة المساعد هتلاقيها مقطوعة ودي حاجة بسيطة
اعملها قبل ما اسافر ولا استنى لما اجي ولا اعمل اية بالظبط ؟ ولو عملتها المفروض هتتكلف كام ؟ مصنعية وخامة
وهل محتاج اظبط زوايا بعديها ولا تمام ؟

لو كاوتشة المساعد اللي قدام يبقى لازم تضبط زوايا بعد ما تعملها ..هي المشكلة لو سبتها إن هي ممكن تعمل معاك حدفه أو تعويمه في العربيه على السرعات العالية ..