سعر لادا 2105 موديل 95 كام ؟

[فارس الواحة]

السلام عليكم :
هلص ان شاء الله فى لادا 2105 موديل 95 العربية شكلها حلو بس موتورها بيقول عاوز طقم شمبر ، و هيا فبريكة ماعدا الرفرف الخلفى الشمال مرشوش .
المهم : بعد ما كنت هخلص على 19000 اترددت لما لقيت عربيات زيها و مشدودة كويس وبسعر اقل من 19000
زى العربية دى مثلا :
سياره لادا حمراء بحاله جيده 464018 - سيارات مستعملة للبيع

انا طبعا معايا ميكانينكى هيبص عليها ، لكن بخصوص السعر هل ده عدلها فى السوق الأن و لا غالية ؟
لأن فيها برضو عربيات نفس الموديل و سنة الصنع بتوصل 24 الف لكن فيه برضو رخيص من 16 الف ؟؟؟؟

[أبو يحيى]

السلام عليكم
أنا شايف ان السيارة المعلن عنها فى موقع هتلاقى كويسة جدا وسعرها كويس جدا بالنسبة
لمواصفاتها
فى العموم كويسة جدا بس لازم ميكانيكى وسمكرى يبصولك عليها عشان مايكونش فيها عيب داخلى فى أساسياتها ولا حاجة
وفقكم الله لما فيه الخير

[فارس الواحة]

بس انا مش هخلص فى اللى فى الاعلان ، انا هخلص فى واحده تانية صاحبها طالب 19000 ، و اللى فى الاعلان عاملة 16000 و قابله للتفاوض يفنى ممكن توصل 15000 رغم انها فبريكة دواخل ازاى ؟

[عمرو كاشف]

بالنسبة لسعر العربية اللي هتخلص فيها معقول بالنسبة لسؤالك عن العربيات اللي بتوصل ل 25 ونفس الموديل العربيات دي بتكون مشدودة فى الامكانيات يعنى فرش جلد ازاز كهرباء مركب كاسيت وسماعات جديدة عاملها نص عمرة او عمرة موتور كاملة بتكون لسه طالعة من عمرة يعنى وصاحبها عايز الفلوس اللي دفعها فى العمرة واهو يبقى رحمك من وقت وقرف الصنايعية

بالنسبة للعربية اللي فى الاعلان مبدئيا دي موديل 1990 وباين انها متبهدلة ومركونة بقالها فترة وشكلها محتاجة شغل الكلام دا طبعا على الصور ما اعرفش فى الحقيقة اية نظامها

[فارس الواحة]

مشكور لردك ، انا لولا انه مينفعش احط رابط العربية اللى هشتريها كنت حطيتها تشوفوها لكن مينفعش لأنى اخاف حد يتصل على المالك او يسىء التصرف ، المهم انا ترددت بس بسبب فرق السعر الكبير ده ، لكن هل 19 ألف معقول ولا غالى ، تانى هقول العربية عايزه طقم شمبر و الرفرف اللى ورا مرشوش لكن الحالة العامة لشكل العربية حلوة ؟

[فارس الواحة]

ايه يا رجاله حد هيرد ؟

[عمرو كاشف]

السعر معقول بالنسبة لطقم شمبر بس لازم يكون معاك ميكانيكي وسمكري عشان تطمن على الباقي ويقولك اذا كان فيها شغل ولا لا

[Abo_Mazen]

خلي بالك ...طقم الشنبر ممكن يوصل معاك لعمره كامله ..تدخل بقى في تلات تلاف وأربع تلاف كمان ..مفيش حاجه إسمها طقم شنبر بس .,.المكنة بطيخه مقفولة محدش يعرف اللي فيها غير لما تتفتح

[فارس الواحة]

السعر معقول بالنسبة لطقم شمبر بس لازم يكون معاك ميكانيكي وسمكري عشان تطمن على الباقي ويقولك اذا كان فيها شغل ولا لا

الميكانيكى معايا ، بس السمكرى ليه العربية شكلها جديد خالص مش فيها ريحة صدأ ، بس مش عارف لو ده صاج العربية الأصلى ولا راكب ليها صاج جديد وهل ده يفرق ؟

خلي بالك ...طقم الشنبر ممكن يوصل معاك لعمره كامله ..تدخل بقى في تلات تلاف وأربع تلاف كمان ..مفيش حاجه إسمها طقم شنبر بس .,.المكنة بطيخه مقفولة محدش يعرف اللي فيها غير لما تتفتح

مهى دى مشكلة لأنى مش عارف احدد اخصم كام ، بس ظاهريا اظن الراجل امين لانه قالى من نفسه ان الموتور عاوز طقم شمبر ، لكن افرض مرضيش ينزل فى السعر عن 19000 او نزل ألف واحده يبقى اعمل ايه ؟

[فارس الواحة]

ممكن اعرف فى العموم متوسط سعر اللادا 2105 موديل 94 كام الف ؟ يعنى بدأ من كام لحد كام ؟ وايه اكتر حاجه تعتبر ميزة تفرق فى السعر ؟