اخيرا وصلت قطع غيار الكالينا

[khaledazizeg]

اخيرا وصلت قطع غيار الكالينا وبعد معاناة سنتين
بدايتا انا حصل عندى كسر فى الزجاج الباب اليمين امامى لاقيت الزجاج عند الثلاثى الى فى الحرفيين وليس الى فى جمال وكمان الاصلى مكتوب علية لادا كالينا وكمان عندة جميع الزجاج للعربية والاسعار
زجاج الابواب 140جنية
زجاج امامى عاملة 600جنية
الخلفى بصراحة ما سئلتوش
بس اهم شئ انى لاقيتة لان التوكيل قالى 300 جنية لزجاج الابواب
وكمان غيرت ترمبة المياة مع العلم ان العربية عاملة 18000كم لاقيتها عند حمدى لادا الى فى اول شارع دمشق ب120جنية مع العلم ان الامل قالى 475 جنية
ولكنى ركبتها عند واحد فى شارع دمشق عند التقاطع الى عندة نافع يعنى عند اول تقاطع يقابلك بعد حمدى لادا وكمان جبت التيل من عند حمدى لادا ب50 جنية
معلش اتكلمت كتير ولكن هذا للعلم علشان لو اى حد دايخ على قطع الغيار يروح هناك

[shankosi]

لو سمحت ادينا فكره عن العربية دي (مواصفتها، أدائها، سعر الزيرو ...)

شكراً

[alkarm1]

العربية لادا كالينا هاف اوبشن يعني باور+ تكيف+زجاج كهرباء اماي فقط طبعا 1600 سي سي مسلحة بقضبان فولاذ علي الابواب ومدعمه بقضيب صلب للشاسية . معالجة ضد الصدأ ..الشكل الخارجي يقترب كثيرا من الاوبل استرا
سعر الزيرو 69 الف جنية . د. اسامةالكرم

[mero55]

من فضلك أخي الكريم هل يوجد عند حمدي لادا كل قطع غيار الكالينا انا من الأسكندرية ومش لاقي قطع غيار

[khaledazizeg]

من فضلك أخي الكريم هل يوجد عند حمدي لادا كل قطع غيار الكالينا انا من الأسكندرية ومش لاقي قطع غيار

كل قطع الغيار عند حمدى لادا ولو سمحت تحددلنا انتا عايز اية علشان اقولك عندهم والا لا

[mero55]

مرايات الأجناب-الفوانيس الخلفية-العلامات الخاصة بالماركه علامة الشنطة وعلامة الشبكة الأمامية
ونسيت طبعا أشكرك في البدايه علي سرعة تجاوبك وألف شكر وجزاك الله كل الخير

[mero55]

وياريت الأسعار ان امكن ياباشا

[mohamed2002]

طيب ما تنزل تبص في صلاح الدين يمكن تلاقي

[mero55]

دورت كتير ياباشا والله مالقيت اي حاجه من الأشياء التي ذكرتها

[khaledazizeg]

بص ان شاء الله بكرة هسئلك على القطع دياعند حمدى لادا وعند الامل

[mero55]

والله ياأخي انا مش عارف اشكر حضرتك ازاي على حسن التجاوب وسرعة التفاعل وياريت تقولي انت بتصلح فين لآن عندي شوية مشاكل والتوكيل زي ماانت عارف تضيع وقتك وفلوسك وياريت بفائدة

[khaledazizeg]

بص انا فى واحد اتعاملت معاه مرة فى تغيير طرمبة المياة وعجبنى فى شغلة يعنى مثلا السيور التوكيل نفسة قعد اكتر من ساعتين علشان يركبهم هوا فك السيور وغير الطرمبة وغير التيل الامامى فى ساعة وربع بالظط فأحترمتة من بعديها هوا عنوانة فى شارع دمشق فى اول تقاطع كبير بعد حمدى لادا وانتا جاى من ميدان الجامع ورايح دمشق هتلاقى محل حمدى لادا على يمينك هوا الى عندة قطع الغيار بعد كدة اول تقاطع يقابلك هتلاقى عربيات كتير بتتصلح فى الشارع هوا ما عندوش محل بس راجل شغلة نظيف اوى وسريع وسعرة مش غالى

[mero55]

الراجل ده مافيش غيره في الشارع ده -اسمه ايه -اي قمارة يعني ده انا ناوي آجى من اسكندريه مخصوص وبالمناسبه انت اكتشفت ازاي ان طلمبة المياه بايظه لأني شاكك في الطلمبه بتاعتي:K_crying[1]:

[khaledazizeg]

اكتشفت ان الطرمبة بايظة عن طريق نقص ملحوظ فى المياة وكمان العربية بتنقط الصبح
كمان بص الراجل هوا ما عندوش محل بس هتلاقى عربيات كتيرة بتتصلح فى الشارع عند التقاطع داه وهوا اول تقاطع بعد حمدى لادا الى فى شارع دمشق مصر الجديدة وامشى مع اتجاة العربيات

[alkarm1]

انا كمان بعد 22 الف لقيت المية بتنقص والعربية بتسخن بسرعة . رحت لميكانيكي وغيرت طلمبة الميه وبقت الحمد لله كويسة . جبت الطلمبة من واح في ش فيصل اسمه جمال لادا ب 90 جنية وهي نفس طلمبة ال 2110.. ونسيت اقول ان عربيتي لادا كالينا .وبالطبع غيرت السيور .وللعلم الطلمبة اصلية روسي من بلادها . وسمعت ان سعرها اعلي من كدة بكتيييييير في التوكيل لدي شركة الامل .
د. اسامة الكرم