إعـــــــلان

Collapse

.

,
See more
See less

سؤال عن لادا زيرو من غير توبيخ

Collapse
X
 
  • Filter
  • الوقت
  • Show
Clear All
new posts

  • سؤال عن لادا زيرو من غير توبيخ

    مين بيبيع لادا زيرو دلوقتي في مدينة نصر؟
    الأمل ليه فرع في مدينة نصر بيبيعها؟
    وأنا نفسي اشتريها لو طلع فيها القطط الفطسانه

  • #2
    أنا عيني دمعت من كتر الضحك و صدقني مش سخرية بس استغراب عن الحب العجيب للادا :)

    Comment


    • #3
      السلام عليكم
      أولا كل عام وانتم بخير
      ثانيا العربية اللادا وخصوصا الموديلات صندوقية التصميم بتستهوى ناس كتير قوى هى أزواقهم كده
      وأنا واحد منهم
      عندى لادا 2017 وبالرغم انها تعبانى فى صيانتها شوية بس بحس وأنا راكب اللادا انى راكب عربية بجد
      طبعا من حيث القوة والمتانة والثبات على الطريق وخصوصا فى السرعات العالية
      لأنى والله ركبت موديلات حديثة كتيرة طبعا على سبيل الصدفة زى مثلا أخويا كان تعب شوية ووصلته مرة للمستشفى بعربيته وهى من الأنواع الحديثة وكنت مرة معزوم فى فرح وفى عربية محتاجين حد يسوقها
      فى الزفة وخلافة فالمهم اللادا تكسب من حيث القوة المتانة والثبات على الطريق طبعا لو انت مهتم بيها
      فالخلاصة أنا بحب اللادا جدا ومش عايز أركب عربية تانية غيرها

      Comment


      • #4
        اللادا يا عزال اللادا :)
        [SIGPIC][/SIGPIC]
        [COLOR="Magenta"][/COLOR]

        Comment


        • #5
          هي العربية جميلة طبعا..
          بغض النظر عن شكلها الصندوق شوية.
          وبغض النظر عن صوتها العالي.
          وأيضا بغض النظر عن أنها ثقيلة في النقل والدريكسيون والعافشة.
          فهي قوية كصاج. وموتور. واقتصادية في البنزين وقطع الغيار.

          Comment


          • #6
            المشاركة الأصلية كتبت بواسطة eng_amg مشاهدة المشاركة
            هي العربية جميلة طبعا..
            بغض النظر عن شكلها الصندوق شوية.
            وبغض النظر عن صوتها العالي.
            وأيضا بغض النظر عن أنها ثقيلة في النقل والدريكسيون والعافشة.
            فهي قوية كصاج. وموتور. واقتصادية في البنزين وقطع الغيار.
            يا راجل كل ده غض نظر في العربية ..أومال إيه اللي باقي بعد كده في العربية ...؟؟!!!!

            عموما أنا رايي اللادا تتجاب مستعملة نضيفه أحسن من الجديده اللي هتجيبها وهتقعد تصلح فيها ..هاتها من واحد راكبها وإيده فيها أحسن
            [SIGPIC][/SIGPIC]--------

            m_m_sh_a سابقا

            Comment


            • #7
              المشاركة الأصلية كتبت بواسطة j a g u a r مشاهدة المشاركة
              اللادا يا عزال اللادا :)
              أهه من حب الناس فيها بيغنولها اللادا يا عزال اللادا
              طب حد سمع قبل كده أغنية بتقول المرسيدس يا عزال المرسيدس ( طبعا ما سمعناش ) يبقى مين يكسب

              Comment


              • #8
                رايي الشخصى
                باعتبارى معايا لادا 2107 موديل 2007 مصري

                هاتها مستعملة كسر زيرو علشان فرق السعر
                وهاتها روسي مش مصري
                هاتها روسي كربراتر مش انجكشن لان الكربراتير هى المنتشره
                هاتها من حد بيصرف عليها مش كارهها وسايبها بدون صيانه

                لان المصري صاج خفيف مختلفة فى المارش والدينامو

                عربية بتصاحب الصنيايعية
                لكن بفلوس رخيصة
                واجمالى اللى هتدفعه خلال سنة ممكن يندفع فى صيانة واحدة لعربية حديثة

                طبعا لا رفاهية فى الجلوس او التكييف او الدركسيون

                مقابل انها تناسب موظف غلبان ودخلة محدود
                وبتوفر له الكرامة من عناء المواصلات


                لو توافرت لى الفلوس لغيرتها بسيارة احدث
                و اعتقد جميع مالكى اللادا عندهم نفس الرغبة

                لكن بالوضع الحالى فالحمد لله عليها نعمة
                تقبل تحياتى
                ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

                Comment


                • #9
                  اللادا يا عزال اللادا بحبك حب عباده
                  بيقولو ايه اسم الله عليه عسل ابيض وحلاوته زياده
                  اللادا يا عزال اللادا
                  http://www.nilemotors.net/Nile/455933-a.html
                  http://www.nilemotors.net/Nile/455752-2.html
                  http://www.nilemotors.net/Nile/454825-a.html

                  Comment


                  • #10
                    فعلاً الفكر الروسى بوجه عام ليه ناس تقدره, و مش أى حد يفهمه.
                    الكلاشينكوف ak_47 مازال ليه شعبية كبيرة جداً فى أى نظام تسليح رغم إن فيه مليون سلاح متطور ظهر بعده !!!!
                    اللادا رغم كل عيوبها إلا إنك فى الآخر تلاقى واحد نايم قايم بيحب فيها.

                    واحد جارنا طول عمرة لاداوى بشكل بشع, كل ما ربنا يكرم بقرشين يغير لموديل أحدث فى اللادا
                    لحد ما طلع معاش و أخد مكافأة نهاية الخدمة, جاب لادا برضو !!!

                    و واحد زميلنا هنا جاب اللادا و بعدين باعها و ركب متسوبيشى لانسر و رجع باعها و حلف بعمر اللادا, و قعد يقول و لا دا و لا دا مفيش غير اللادا !!!

                    أنا شايفلها مميزات مش موجوده فى أى عربية تانية, مش عاوز أقولها علشان هلاقى هجوم شرس من أصحاب السيارات الأخرى.... بس هأقول برضوا :)

                    - إحنا هنا فى مصر و المدن الكبرى تحديداً مبقاش فى مجال للجرى و الشد و الكلام ده و بالتالى لو حتى هتجيب بوجاتى هتمشى على الثالث آخرك, و الغيار الرابع و الخامس يمكن مش هتيجى جنبه غير فى السفر أو للحظات على الطرق السريعة !!!
                    - الأغلب فى الطريق و أسلوب القيادة قاعدة مشهورة علمهالنا عفاريت الأسفلت:البوز بيز ... اللى بيدخل ببوزة الأول بيعدى الأول (أنا عارف إنها بلطجة) بس ده الواقع للأسف. و دى ميزة اللادا اللى مش موجوده غير فى سيارات السبعينات و أوائل الثمانينات و فى اللادا حتى اليوم .
                    - اللادا مش عاوز اللى يركبها يشتغل بيه, يعنى هتشيلك و مش هتخزلك فى أى موقف و هتوفرلك كتير فى أسعار قطع الغيار و المصنعيات مقارنة بالعربيات الأخرى, بس محتاجه منك "تتجوزها" يعنى تشوف طلباتها بشكل دورى , ميعجبهاش الطناش و تكبير الدماغ. (و أى عربية كده بس بنسب طبعاً)

                    ============================
                    دى شوية مواقف حصلت لأصحابها قرأتها قبل كده على النت (مش من عندى و لا أعرفهم و الحجة عليهم):
                    - واحد أخد بلاعة مفتوحة و مشى, بعدها بشهر راح ينقل حاجات عالعربية, فلاقاها بتحك فى المطبات, وصل حمولته و راح للعفشجى...... الراجل شخـ....ط فيه و قاله المساعد مكسور و العربية ماشية على سوست الياى بس بقالها شهر و كمان بتحمل عليها !!!!

                    - واحد تانى راح العين السخنه و فرقع منه خرطوم الريداتير و العربية جابت جوان سلندر و هو لسه على أول طريق العودة (بيقول بعد مدفع الكارته) و مع ذلك فضل يزود مياه و يسايسها لحد موصلته البيت بسلامة الله و الـ 5 اللى كانوا معاه غير الشنط. , شوف أى عربية تانية كان نقلها بكام على ونش.

                    - ده غير الحوادث الخفيفة اللى بتحصل بين اللادا و أى عربية تانية جوة المدينه.... لا تعليق.
                    و للعلم علشان هيدخل واحد دلوقتى يقول مفيش أمان فى اللادا: هأرد أقولك :
                    شوف سعر العربية و هات حاجه بنفس سعرها و قولى الأمان بتاعها إيه (إلا إذا كانت صينى مش مشهور و إنت و نصيبك الوسائد الهوائية هتشتغل و لا لأ و الـabs هيمسك و لا هيعطل , صينى بقى و أنت و حظك) إنما أقرب حاجه ليها الماروتى و برضو أمانها صفر.

                    =========================
                    الكلام اللى فوق ده كله بنقوله للأجانب, إنما زملاء الكفاح اللى شايلين معايا قرفها عارفين إن الكلام ده كله أونطه بس علشان منحسش إن فى حد أحسن من حد.

                    Comment


                    • #11
                      على فكرة
                      لو خيرونى بين ال لادا وبين الماروتى
                      فاختار ال لادا وانصح بيها

                      ولو خيرونى بين ال128 و ال127 اختار ال لادا

                      دى حالات اختار فيها ال لادا وارجحها بجدارة
                      ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

                      Comment


                      • #12
                        المشاركة الأصلية كتبت بواسطة zing0 مشاهدة المشاركة
                        فعلاً الفكر الروسى بوجه عام ليه ناس تقدره, و مش أى حد يفهمه.
                        الكلاشينكوف ak_47 مازال ليه شعبية كبيرة جداً فى أى نظام تسليح رغم إن فيه مليون سلاح متطور ظهر بعده !!!!
                        اللادا رغم كل عيوبها إلا إنك فى الآخر تلاقى واحد نايم قايم بيحب فيها.

                        واحد جارنا طول عمرة لاداوى بشكل بشع, كل ما ربنا يكرم بقرشين يغير لموديل أحدث فى اللادا
                        لحد ما طلع معاش و أخد مكافأة نهاية الخدمة, جاب لادا برضو !!!

                        و واحد زميلنا هنا جاب اللادا و بعدين باعها و ركب متسوبيشى لانسر و رجع باعها و حلف بعمر اللادا, و قعد يقول و لا دا و لا دا مفيش غير اللادا !!!

                        أنا شايفلها مميزات مش موجوده فى أى عربية تانية, مش عاوز أقولها علشان هلاقى هجوم شرس من أصحاب السيارات الأخرى.... بس هأقول برضوا :)

                        - إحنا هنا فى مصر و المدن الكبرى تحديداً مبقاش فى مجال للجرى و الشد و الكلام ده و بالتالى لو حتى هتجيب بوجاتى هتمشى على الثالث آخرك, و الغيار الرابع و الخامس يمكن مش هتيجى جنبه غير فى السفر أو للحظات على الطرق السريعة !!!
                        - الأغلب فى الطريق و أسلوب القيادة قاعدة مشهورة علمهالنا عفاريت الأسفلت:البوز بيز ... اللى بيدخل ببوزة الأول بيعدى الأول (أنا عارف إنها بلطجة) بس ده الواقع للأسف. و دى ميزة اللادا اللى مش موجوده غير فى سيارات السبعينات و أوائل الثمانينات و فى اللادا حتى اليوم .
                        - اللادا مش عاوز اللى يركبها يشتغل بيه, يعنى هتشيلك و مش هتخزلك فى أى موقف و هتوفرلك كتير فى أسعار قطع الغيار و المصنعيات مقارنة بالعربيات الأخرى, بس محتاجه منك "تتجوزها" يعنى تشوف طلباتها بشكل دورى , ميعجبهاش الطناش و تكبير الدماغ. (و أى عربية كده بس بنسب طبعاً)

                        ============================
                        دى شوية مواقف حصلت لأصحابها قرأتها قبل كده على النت (مش من عندى و لا أعرفهم و الحجة عليهم):
                        - واحد أخد بلاعة مفتوحة و مشى, بعدها بشهر راح ينقل حاجات عالعربية, فلاقاها بتحك فى المطبات, وصل حمولته و راح للعفشجى...... الراجل شخـ....ط فيه و قاله المساعد مكسور و العربية ماشية على سوست الياى بس بقالها شهر و كمان بتحمل عليها !!!!

                        - واحد تانى راح العين السخنه و فرقع منه خرطوم الريداتير و العربية جابت جوان سلندر و هو لسه على أول طريق العودة (بيقول بعد مدفع الكارته) و مع ذلك فضل يزود مياه و يسايسها لحد موصلته البيت بسلامة الله و الـ 5 اللى كانوا معاه غير الشنط. , شوف أى عربية تانية كان نقلها بكام على ونش.

                        - ده غير الحوادث الخفيفة اللى بتحصل بين اللادا و أى عربية تانية جوة المدينه.... لا تعليق.
                        و للعلم علشان هيدخل واحد دلوقتى يقول مفيش أمان فى اللادا: هأرد أقولك :
                        شوف سعر العربية و هات حاجه بنفس سعرها و قولى الأمان بتاعها إيه (إلا إذا كانت صينى مش مشهور و إنت و نصيبك الوسائد الهوائية هتشتغل و لا لأ و الـabs هيمسك و لا هيعطل , صينى بقى و أنت و حظك) إنما أقرب حاجه ليها الماروتى و برضو أمانها صفر.

                        =========================
                        الكلام اللى فوق ده كله بنقوله للأجانب, إنما زملاء الكفاح اللى شايلين معايا قرفها عارفين إن الكلام ده كله أونطه بس علشان منحسش إن فى حد أحسن من حد.

                        بمناسبة مواقف اللادا ..كنت ماشي بالعربية ال 128 في حته مليانه مياه ومكسره ومليانه عربيات نقل وناس نازله عماله تسلك السكه بقى ودهيصه ..وأنا بقى ماشي في المياه زي غيري عمال أحسس على الأرض عشان ما البسش في حفره أو بلاعه او أي حاجه ..الحته دي موجوده عندنا في إسكندرية في ظهر منطقة العجمي ..إسمها طريق أم زغيو وكل الإسكندرانيه عارفين هي عامله إزاي ..المهم كان في تاكسي لادا ورايا لاقيته جه جنبي ..وفجأة لقيت حاجه قامت عامله ديب ..هبده عفيه وطرطشة مياه للسما ..أتاري العربية اللادا وقعت في بلاعة بالعجلة الشمال قدام ..أنا قلت بس ..دي فيها مصيبه لبتاع اللادا ..وصعب عليا قوي ..قلت ديه هيسحبها إزاي من وسط المياه والكعبلة دي ..المهم إن سواق اللادا منزلش أصلا من العربية ..كل اللي حصل كان في عربيه محملة رجالة صعايده ..وطبعا على ذكر الصعايده ..أجدع ناس وأجدع سلام للصعايده ..المهم قاموا نازلين وقام هو مدي مارشيدير وقاموا هما من قدام وهووووووووووب زق ياريس لقيت العربيه طلعت ..صاحبنا بتاع التاكسي قام كاسر بعيد عن البلاعه وفضل ماشي معانا واحده واحده برضه لغاية ما طلعنا من الحته اللي فيها كعبلة دي ..وهوب قام طاير بعييييييييييييييد ..مشي خلاص ..والعربية ولا كأن فيها حاجه ..وهو ولا نزل أصلا بص في إيه
                        موقف تاني شفته هنا في المنتدى ..واحد بيقول كان بعربية لادا نيفا ..وكان داخل بيشارك في مشاركه عن جوان وش السلندر ..المهم إنه بيحلف وبيقول إنه هو ما يعرفش جوان وش السلندر ده شكله إيه ولا مكانه فين ..وبيستغرب إزاي العربيه لما تسخن تجيب جوان وش سلندر ..وبيقول إن غطا الريداتير عنده كان منفس ..وكانت المياه بتنقص وهو عارف وكان مطنش ..لغاية ما كان مره ماشي لقي في بخاااااار طالع من الكبوت ..طبعا الناس قعدت تنده عليه ..وقف ياعم ..العربيه بتولع ..وقف يابا ..المهم الراجل وقف بيقول لقيت المياه كلها إتبخرت والعربية كانت سخنه نار ..هو بيقول إن مؤشر الحرارة عنده في الطابلوه كان عطلان أصلا فهو مكانش حاسس بإن العربية سخنت من عنده في التابلوه..المهم بيقول زودتها مياه وهي دايره عادي ..لإنه مكانش يعرف إن تزويد المياه للعربية وهي سخنه يتلف جوان الوش اللي هو أصلا ما يعرفوش ..المهم بيقول وكنت أمشي الاقيها دخنت تاني ..أقوم واقف ومزود مياه وهي دايره برضه ولا في دماغه جوان الوش ده أساسا ..وقعد كده لغاية ما روح وراح جاب غطى ريداتير ..وبيقول لغاية النهارده ..لا طحينه ولا زيت ولا سمنه حتى ..والعربية ماشيه معاه زي الفل ولا الهوا ..عادي يعني ..هي اللادا كدا ..
                        [SIGPIC][/SIGPIC]--------

                        m_m_sh_a سابقا

                        Comment


                        • #13
                          السلام عليكم
                          بمناسبة مواقف اثبات صلابة اللادا وشدتها
                          والله العظيم والله العظيم الموقف ده حصل معايا انا شخصيا
                          فى فصل الشتاء والمطرة كانت شديدة جدا عملت شبه سيول عندنا فى مدينة15 مايو
                          وطبعا تكونت برك مياه مؤقتة نتيجة تراكم مياه المطر فى كثير من الشوارع بعمق متر أو متر الا ربع واضطريت اعدى فى بركة مية من دول بالعربية
                          المهم لاقيت العربية عطلت وانا فى منتصف البركة وطبعا أنا لافادر أنزل من العربية ولا هى عايزة تدور
                          المهم اللى جه فى بالى ساعتها رحت مديها الغيار الأولانى وفضلت أدور مرش تمشى شوية وأبطل
                          أدور مارش وابطل
                          فضلت على كده لغاية ماخرجت من البركة ( طبعا انا عارف ان كده غلط ) لكن مكانش قدامى غير كده
                          يا دوب انتظرت حوالى دقيقة أو مايقرب وبدور العربية ( مع انى اعتقدت ان كده العربية خربت ) لاقيتها
                          دارت زى الفل بسم الله ما شاء الله ولا كأن فيه أى حاجة
                          فعلا اللادا حمالة قسية بس عايزة متابعة واهتمام
                          بارك الللهم لنا فيما رزقتنا

                          Comment


                          • #14
                            المشاركة الأصلية كتبت بواسطة أبو يحيى مشاهدة المشاركة
                            السلام عليكم
                            بمناسبة مواقف اثبات صلابة اللادا وشدتها
                            والله العظيم والله العظيم الموقف ده حصل معايا انا شخصيا
                            فى فصل الشتاء والمطرة كانت شديدة جدا عملت شبه سيول عندنا فى مدينة15 مايو
                            وطبعا تكونت برك مياه مؤقتة نتيجة تراكم مياه المطر فى كثير من الشوارع بعمق متر أو متر الا ربع واضطريت اعدى فى بركة مية من دول بالعربية
                            المهم لاقيت العربية عطلت وانا فى منتصف البركة وطبعا أنا لافادر أنزل من العربية ولا هى عايزة تدور
                            المهم اللى جه فى بالى ساعتها رحت مديها الغيار الأولانى وفضلت أدور مرش تمشى شوية وأبطل
                            أدور مارش وابطل
                            فضلت على كده لغاية ماخرجت من البركة ( طبعا انا عارف ان كده غلط ) لكن مكانش قدامى غير كده
                            يا دوب انتظرت حوالى دقيقة أو مايقرب وبدور العربية ( مع انى اعتقدت ان كده العربية خربت ) لاقيتها
                            دارت زى الفل بسم الله ما شاء الله ولا كأن فيه أى حاجة
                            فعلا اللادا حمالة قسية بس عايزة متابعة واهتمام
                            بارك الللهم لنا فيما رزقتنا
                            يا ه ه ه ..وبتمشي في المياه كمان ...بسم الله ما شاء الله ..دي غواصه على كده
                            [SIGPIC][/SIGPIC]--------

                            m_m_sh_a سابقا

                            Comment


                            • #15
                              ههههههههه

                              الاهم ان العربية لييها صيت عالى

                              و تلاقي الناس بتخاف منها وتعملها حساب كانها جرار زراعى
                              ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

                              Comment

                              Working...
                              X