ما فائدة المقاومة اللى مع موبينة الكهرباء

[أبو يحيى]

السلام عليكم
أولا كل عام وحضراتكم بخير بمناسبة قرب عيد الفطر المبارك أعاده الله علينا جميعا باليمن والبركات
وحفظ مصرنا الغالية من كل سوء وشر
ثانيا أنا كنت بشتكى ان العربية كانت بتبقى ماشية زى الفل وفجأة تفصل وأنا فى وسط المشوار
المهم رحت للميكانيكى قاللى العيب من الأبلاتين والكوندنسر فغيرتهم بصراحة مشيت العربية كويس حوالى أسبوعين وبعد كدة رجعت ريما فالمهم دخلت على كذا موقع فى النت عشان أعرف العيب ده منين
بالظبط فأخدت انطباع ان العيب ده غالبا عيب موبينة الكهرباء . فقلت فى نفسى مش هخسر حاجة أما أغيرها يمكن يكون العيب صحيح منها
وقد كان فعلا بحمد الله العربية دلوقتى بقت بسم الله ماشاء الله تمام التمام
بس فيه حاجة عايز أقول لكم عليها ان لما جيت أشترى الموبينة الكهربا قام صاحب محل قطع الغيار
عارض عليا موبينة أصغر شوية فى الحجم و لونها أسود وقاللى دى موبيتة جافة ( وقاللى ان كل الناس دلوقتى بتغير الموبينة الزيت بالجافة ) وفيه ملحوظة ثانية هى ان لقيت فيها جزء زيادة قاللى دى مقاومة
لأن غالبية الموبينات اللى فى السوق بتبقى بالمقاومة دى
عموما لما ركبتها بصراحة ظابطة العربية كويس والموتور بقى بسم الله ماشاء الله زى الساعة
فالسؤال هنا
هل الموبينة الجافة دى فعلا أفضل من الموبينة الزيت على المدى الطويل
وايه فائدة المقاومة اللى راكبة عليها دى
وهى نوعها كورى واسمها انجل كورى هل النوع ده كويس
اسف للاطالة
لكم جزيل الشكر

[Mecha]

المقاومة اللي مع الموبينه اسمها BALLAST RESISTOR ودي في الاشعال القديم زي موبينه اسطواني . شغلتها تقلل الفولت اللي رايح الموبينه وقت دوران المتور لكن اثناء المرش الموبينه بتاخد فولت كامل للمساعده في التدوير. المهم لما تغير بتجيب زي الموبينه الاصليه .الموبينه الاسطوانيه اللي بزيت بتدي فولت شراره حتي 30 KV , الموبينه الجافه اللي شائعه في الاشعال الالكتروني تتعدي 40 KV ,متفتكرش دي احسن من دي ,كل واحد لو اشعاله والاتنين مستخدمين حتي يومنا فرجع كل شئ لاصله.

[Mecha]

[Abo_Mazen]

طيب دلوقتي أنا عندي الموبينه الجافه دي ..ولما بتكون متوصله العربيه بتتأخر في الدواره ..ولما بلغيها ..العربيه بتدور من أول تكه ..فقمت لاغيها ..في حل ممكن أعمله عشان أتلافى المشكله دي ..

قبل ما أنسى .أنا غيرت الموبينه بسبب الموضوع ده ولسه المشكله موجوده

[Mecha]

طيب دلوقتي أنا عندي الموبينه الجافه دي ..ولما بتكون متوصله العربيه بتتأخر في الدواره ..ولما بلغيها ..العربيه بتدور من أول تكه ..فقمت لاغيها ..في حل ممكن أعمله عشان أتلافى المشكله دي ..

قبل ما أنسى .أنا غيرت الموبينه بسبب الموضوع ده ولسه المشكله موجوده

انا مش فاهم يعني ايه لغيت الموبينه الجافه ؟ ودورت ازاي ؟ وايه نوع الموبينه الاصليه بتاع الفبريكه؟؟ ولا انت تقصد المقاومه البوكس الابيض الصغير ؟؟

[أبو يحيى]

المقاومة اللي مع الموبينه اسمها ballast resistor ودي في الاشعال القديم زي موبينه اسطواني . شغلتها تقلل الفولت اللي رايح الموبينه وقت دوران المتور لكن اثناء المرش الموبينه بتاخد فولت كامل للمساعده في التدوير. المهم لما تغير بتجيب زي الموبينه الاصليه .الموبينه الاسطوانيه اللي بزيت بتدي فولت شراره حتي 30 kv , الموبينه الجافه اللي شائعه في الاشعال الالكتروني تتعدي 40 kv ,متفتكرش دي احسن من دي ,كل واحد لو اشعاله والاتنين مستخدمين حتي يومنا فرجع كل شئ لاصله.

السلام عليكم
المشكلة ان العربية شغالة مع الموبينة الجافة زى الفل ومفيش أى تقطيع أو فصل للموتور فجأة بعد التجربة على مشاوير
ده بالعكس أن أول ماعرض عليا صاحب المحل الموبينة الجافة فى الأول كنت خايف منها وجبت الزيت وركبتها فعلا
والعربية كانت زى ماهية ( بتطفى عالسلانسيه ) فرجعتلو تانى وأخدت الجافة وركبتها والعربية سبحان الله بقت تمام فمش عارف ده يبقى ايه

[Mecha]

السلام عليكم
المشكلة ان العربية شغالة مع الموبينة الجافة زى الفل ومفيش أى تقطيع أو فصل للموتور فجأة بعد التجربة على مشاوير
ده بالعكس أن أول ماعرض عليا صاحب المحل الموبينة الجافة فى الأول كنت خايف منها وجبت الزيت وركبتها فعلا
والعربية كانت زى ماهية ( بتطفى عالسلانسيه ) فرجعتلو تانى وأخدت الجافة وركبتها والعربية سبحان الله بقت تمام فمش عارف ده يبقى ايه

.يبا عندك مشكلة تانيه وانت التفيت عليها بالموبينه الجافه ,لكن المشكلة لسه موجوده واكيد حاجه هتضرب بعد فتره زي ممكن فولت التغذيه ضعيف. محدش بيعدل علي الفبريكه الا اذا كان عيب مزمن ومنتشر واتفحت فهم واللي بيعدل يتحمل تبعاته.

[volociximab]

ليه مش فكرت فى حساس الكرنك؟

[Abo_Mazen]

انا مش فاهم يعني ايه لغيت الموبينه الجافه ؟ ودورت ازاي ؟ وايه نوع الموبينه الاصليه بتاع الفبريكه؟؟ ولا انت تقصد المقاومه البوكس الابيض الصغير ؟؟

ياباشا أنا قصدي على المقاومة البيضا اللي في الموبينه الجافة ..على فكره هي أصلا الموبينه بتاعتها زيت ..وأنا غيرتها لموبينه جافه ..لما بوصل بقى الموبينه الجافة دي بالمقاومة بتاعتها ..العربية تأخر في الدوارة ...ولما ألغي المقاومة دي ..العربية تشتغل حلو

[أبو يحيى]

ليه مش فكرت فى حساس الكرنك؟

السلام عليكم
ممكن شرح أكثر عن حساس الكرنك عشان أنا بصراحة أول مرة أسمع عن حاجة اسمها حسا الكرنك
يعنى ( مكانه فين : فائدتة : لما بيعطل بيعمل ايه : وايه أعراض عطله بالظبط : تكلفة اصلاحه )
لسيادتكم جزيل الشكر

[Abo_Mazen]

السلام عليكم
ممكن شرح أكثر عن حساس الكرنك عشان أنا بصراحة أول مرة أسمع عن حاجة اسمها حسا الكرنك
يعنى ( مكانه فين : فائدتة : لما بيعطل بيعمل ايه : وايه أعراض عطله بالظبط : تكلفة اصلاحه )
لسيادتكم جزيل الشكر

باشا لو العربية عندك كربراتير ..يبقى حضرتك ما عندكش حساس كرنك أصلا

[أبو يحيى]

باشا لو العربية عندك كربراتير ..يبقى حضرتك ما عندكش حساس كرنك أصلا

لسلام عليكم
الحمد لله العربية عندى كاربراتير عادى والله أنا اتخضيت وقلت يطلع ايه الحساس ده كمان هو الواحد ناقص
عموما شكرا لاهتمامكم جميعا وكل عام وأنت بخير

[Mecha]

ياباشا أنا قصدي على المقاومة البيضا اللي في الموبينه الجافة ..على فكره هي أصلا الموبينه بتاعتها زيت ..وأنا غيرتها لموبينه جافه ..لما بوصل بقى الموبينه الجافة دي بالمقاومة بتاعتها ..العربية تأخر في الدوارة ...ولما ألغي المقاومة دي ..العربية تشتغل حلو

باشا الموبينه الجافه بتسحب كهربا اكتر وخرجها اعلي من ام زيت .فلازم تشيل المقاومه عشان تدي شراره عدله. المقاومه بتاخد حوالي 2 فولت من البطاريه وتم توضيح سبب وجودها .وبالمناسبه الموبينه اللي بزيت الغلبانه دي مشغله مكن امريكاني v6 , 4000cc.فواضح المشكله عندك في المقاومه بتتغير مع طقم الكهربا.

[Abo_Mazen]

باشا الموبينه الجافه بتسحب كهربا اكتر وخرجها اعلي من ام زيت .فلازم تشيل المقاومه عشان تدي شراره عدله. المقاومه بتاخد حوالي 2 فولت من البطاريه وتم توضيح سبب وجودها .وبالمناسبه الموبينه اللي بزيت الغلبانه دي مشغله مكن امريكاني v6 , 4000cc.فواضح المشكله عندك في المقاومه بتتغير مع طقم الكهربا.

أومال ليه بيقولوا الموبينه الزيت بتقطع في الحر..وخليك في الجافه أحسن عشان تشتري دماغك ..وكده يعني

[Mecha]

أومال ليه بيقولوا الموبينه الزيت بتقطع في الحر..وخليك في الجافه أحسن عشان تشتري دماغك ..وكده يعني

الموبينة بتقطع في السخونيه تقصد من كسر في السلك جواها لما تقدم وبتحصل في اي نوع موبينه ,وتم توضيح فرق النوعين ,وتاني الاتنين لسه مستخدمين حتي اليوم .وبوش بجلالة قدرها لسه بتصنع الاسطواني ام زيت.والموبينة جزء اساسي من منظومة الاشعال اللي مكوناتها لازم تكون متالفه مع بعضها .التعديل الشائع بين الاتنين استبدال الابلاتين الميكانيكي والكوندنسر بابلاتين اكتروني وفيه ناس بتضيف موديول بس التعديل كلو مدروس من شركات كبيره ومجموعة التعديل بتتباع كت مع الارشادات واي اضافات خصوصا لمواتير performance يعني ناس عاوزه باور زياده وبتتغاضي عن حاجات تانيه .ولسه بنلاقي الكوندنسر موجود مع نظم اشعال حديثه وبردك المقاومه والبوجيهات انواع .فاللي عاملين المكنه مش مختارين الاجزاء دي عياقه.المشكله الكبيره انك تعرف تقيس جهد الشراره الصح الخارج اللي بيجيب الاف الفولتات.فالناس بتوفر كل الموال دا وتركب زي الاصلي.واديك شايف ناس لعبو في جزء بكهربة العربيه وفتحت عليهم في اجزاء تانيه وبقيوا محتارين العيب فين.