الرجاء المساعده ياشباب

[dr_elzawey]

السلام عليكم ورحمه الله وبركاته
كل عام وانتم خير
شباب عندي عربية لادا 2107 موديل 2006 مشتريها مستعمله
عندي عض الاسفسارات لو سمحتم
1-العرية ماشية في حدود 32000 القراءة اللي علي العداد
انا مشيت يها حوالي 168 كم وأخدت بنزين 17.5 لتر هل دا معدل كويس ام لأ تحتاج تظيط

2- انا غيرها زيت تعاون sj بس المشكلة بيتبخر هل استمر عليه أم اغير ( وتغير كل كم ) وسألت بتوع الزيت واحد قالي خليك في شل ألأحمر 20/50 التقيل ب 85 جنية وغيره بعد 3000 وواحد تاني قال تغيره عد 1000 مش عارف كلام مين اللي صح

3-عايز ازود اضاءة الفوانيس الامامية عندي اللمبات المركة في الفوانيس الماني 200/250 هل اركب فوانيس شبورة أم اعمل ايه

4-عندي صوت ( صرخة ) ساعات لما اجي اشغل العربية

بارك الله فيك ياشاب

[عمرو كاشف]

1- المعدل يعتبر كويس لان تقريبا المفروض اللتر الواحد يمشيك 10 كيلو طبعا على طريق مفتوح ومفيش مطبات وسرعتك ما تقلش عن 80 كم/ساعة وبعيدا طبعا عن الاشارات
2- موضوع الزيت اللي بيتبخر دا كدا في مشكلة فى الماكينة لانها خفيفة محتاجة نص عمرة عشان تحل الموضوع دا
اما بالنسبة للزيت فخليك في شل الاحمر 20w50 ودا ل 3000 كيلو بس انت تغيره على 2500
3- الاضاءة دا موضوع انا كمان بعاني منه بصراحة بس شوفت عربيات لادا مركبة فوانيس شبورة وكان اداءاها عالي
4- موضوع الصرخة دا ممكن يكون شداد الكاتينة الصغير مكسور ودا ممكن اللي بياكل الزيت على فكرة

انت محتاج تروح لميكانيكي ثقة يشوفلك الموضوع دا

[mohsal]

بالنسبه للاضاءه لعبه توجيسرام مجرى 140/100 ممتازه جربها كويسه جدا

[abokoko]

فى احتمالية ان العربية ماشيه 132 الف كيلو
لان عداد السرعه بيقلب اصفار على 99 الف كيلو

لو الموتور خفيف وبيطلع دخان ابيض من الشكمان فى الحالة دى مش هتفرق انواع الزيوت بدرجة وواضحة ومع الوقت هتضطر تستخدم زيت تقيل احادى الدرجة او تستخدم زيت متعدد 15/50 مثلا وتضيف زيت شنبر - بس لا تستخد الزيت التقيل او زيت الشمبر لو فى احتماليه ان الموتور كويس

لو الموتور خفيف معدل البنزين ممكن يبقي عادى
لو الموتور كويس اللدا جوه البلد اللتر يعمل 10 كيلو اكتر او اقل قليلا - فى طريق السفر اللتر هيعمل اكتر وبكرر لو الموتور سليم فانت محتاج تضبط الكربراتير ليققل الاستهلاك

اود لفت النظر فى موضوع الانارة لاهمية شفافية الزجاج + لمعه العاكس داخل الفانوس --دول اهم من تغيير اللمبة

[dr_elzawey]

كل عام وانتم خييير

شباب الماتور عندي الحمد لله مش خفيف وبيسحب ومش بيطلع دخان ابيض الحمد لله والكربراتير مظبط
امشي علي انهي زيت شل الاحمر التقيل أم التعاون sj

[dr_elzawey]

الصوت ساعات بيظهر لما اجي ادور العربية غالبا من المارش

[abokoko]

شيل الاصفر
واشتريه من مكان محترم
ونزله على 3 الاف او 4 الاف بالكتير - بس تراقب الزيت كل شوية لو عديت ال3 الاف لانه بيبخر
وكل الزيوت بلا استثناء بتبخر فى ال لادا
الفرق ان شيل الاصفر فيه اضافات بتهدى الموتور وبتحافظ على الحرارة

[dr_elzawey]

اخي في الله abokoko
اغير الي زيت شل الاصفر بس هوا اغلي من شل الاحمر التقيل
سألت عن الشل الأصفر 135 جنيه في انه يتغير زي ما حضرتك ذكرت 3 أو 4 الاف
وكمان الاحمر ب 85 جنيه وبتغير كل 3000 كم دا راي ناس وناس تانيه قالتلي انه بتغير كل 2000 كم
ايهم افضل علشان الميزانية

[abokoko]

شيل الاصفر بيتغير على سبعه الاف
بس خوفنا على الموتور بيخلينا ننزله قبل الميعاد
وده تعمله مع اى زيت - لان حضرتك عارف ارتفاع الحرارة الشديد وتلوث البيئة من وجهة نظرى بياثر على كفاءة الزيت
عموما في سبب تانى اننا بنغير بدرى وبرضه هيكون مع كل الزيوت - فى عربياتنا ذات التكنولوجيل القديمة حتى لو موديل 2014 لكن موتورنا تصميمه قديم - فبتلاقي في بخر عالى للزيت - ولو لاحظت الزيت كل فترة هتلاقيه بيقل وتقريبا عند ال3 الاف بيكون فى منتصف العلامة بين المينى و الماكس

شيل الاصفر اغلى لان مواصفاته اعلى
عن نفسي بعتبره الى الان الاحسن بعدة زيت التعاون الاصفر


معايا لادا مصري 1600 سي سي موديل 2007
بصر على عامل تغيير الزيت انه يسيب ربع كيلو تقريبا فى الجركن
يعنى فى غيار الزيت يغير 3.7 لتر تقريبا - وده بالفلتر اللى بغيره مع كل غيار زيت
وربع الكيلو ( بالتقريب) بزوده بعد الالف

[dr_elzawey]

بارك الله فيك اخي
ان شاء اسأل عليه وعلي التعاون الاصفر اللي حضرتك ذكرته
هل التعاون فيه اضافات تهدي صوت الماتور زي الشل

[Zing0]

شيل الاصفر اغلى لان مواصفاته اعلى
عن نفسي بعتبره الى الان الاحسن بعدة زيت التعاون الاصفر

أنا من ساعة ما أشتريت العربية ماشى على شل الأحمر 20- 50 زى مالكها السابق, و كنت بأنزله على 2500 كيلو فى المتوسط.

لحد ما سمعت إن كل بنزينات شل إتباعت لتوتال, و الراجل اللى بغير عنده قالى معظم اللى فى السوق بقى مضروب, قولت من فضل الله إن العربية تكنولوجيا قديمة و مش محتاجه مواصفات عالية , نزلت على بنزينة التعاون (بنزينة معتمده موجوده على موقع وزارة البترول مش أى بنزينة أهالى معلقة التعاون و خلاص), و دخلت عالراجل قولتله عاوز زيت التعاون 20/50 sm الأصفر.... ده مواصفاته أعلى من شل الأحمر (sl) و الجركن متبرشم كله بالبلاستيك فوق البرشام الأصلى بتاعه و بـ 105 ج, و 7000 كيلو برده يستحسن ينزل قبل كده.
تقييمى ليه لحد الآن .... صوت المكنه كان عالى شوية فى الأول عن شل, بس بدأ يهدى شوية بعد تقريباً 500 كيلو.... اللزوجة مفيش فرق لحد 2000 كيلو, اللون بيتغير للأغمق بس أبطأ كتييييييييير من شل..... و مازال تحت الإختبار طبعاً.
إكتشفت كمان إن كل الزيوت اللى فى مصر (تقريباً ما عدا موبيل) كلها مصدرها الأساسى زيوت التعاون الخام و كل شركة بتحط إضافاتها, و ده اللى بيعمل فرق السعر ده.
الأهم إنى قولت إبعد عن النصب و متغنيلوش علشان الزيوت دلوقتى بقى الغش فيها عالبحرى, دى الحاجه الوحيده إللى خليتنى أجرب.

[dr_elzawey]

شكرا اخي بارك الله فيك

[عاشق البحر]

لو سمحتم يا جماعه كنت عايز استفيد بخبراتكم واعرف رأيكم فى عربيه لادا 2110 موديل 2006 تقفيل روسى
انا معنديش معلومات عنها كتير واللى قريته هنا على الجروب مش كتير برضه فياريت تفيدونى ...