سؤال الى مدير الصفحة شخصياً ارجو الافادة جزاك الله خيراً ترشيح زيت بالموتور

[hany3mohamed]

انا خلفيتى ضعيفة وخايف من الصنايعيه

ظهر تعريق زيت منذ فترة بعيده حوالى اربع سنوات وسالت مره ميكانيكى قالى ده تعريق طبيعى متخافشى منه خالص بس دلوقتى التعريق ظهر كتير ونازل على البوجيهات وفوجئت ايضاَ بزيت متراكم شكله من فترة كبيرة ومتحجر زى ما هو فى الصورة حول فلتر الزيت وبمقدمة الموتور خلف المروحة مباشرتاَ

السيارة لادا 2107 روسى مستورده انجيكشن 2008 ماشيه 80000 كم ومرفوعه سنتين
وللعلم انا بمشى بيها يومياَ 15 كم رايح 15 جاى يعنى 30كم يومياَ بس بخلاف مشاويير بسيطه يوم فى الاسبوع

[waelfarid]

مفيش حاجة اسمها تهريب زيت طبيعي المفروض ميكونش فيه من اصله لكن فيه حاجة اسمها تهريب لايذكر دا حسب الصور ممكن يسبب لك مشكلة لو سافرت بيها مسافة طويلة

الزيت حينقص
ممكن يتسبب في حريق
حتكون مش مطمن للعربية اللي انت راكبها
حتحطك في عطلة وموقف بايخ
حيلم تراب

دا جوان غطاء التاكيهات عاوز يتغيراو يتشد عليه بالراحة ويتخدم في التنظيف وتساوي الرباط عليه
ومقاس الزيت يكون محكم الغلق
والبوجيهات ميكونش رباطها هوي شوية عاوزة رباط بدون اتلاف السن اللي راكبة فيه

وكفانا الله جميعا شر الطريق
الطريق والعربية والمشاة

[waelfarid]

وجوان وش التقسيمة معرق برضه حسب الصورة
اقولك اغسله بفوم وتجفيف بالهواء مع مراعاة تغطية كل الفيش والوصلات الكهربية جيدا قبل الغسيل

[lada2010]

التعريق دا امر بسيط انت هتغسل الموتور كويس وبعدين اى زيت يظهر فى اى حتة اطلع على الميكانيكى واعرف السبب اية

[hany3mohamed]

اشكرك يااستاذ وائل جدا علي سرعه الرد وارجو توضيح بعد اذنك هل جوان غطاء التكيهات هو ال فوق البوجيهات وما معني يتشد عليه براحه ويتساوي الرباط عليه ويتخدم عليه في التنظيف "ينظف بمادة ايه" بنزين /جاز/صابون
وجوان التقسيمه ده ال ظاهر في الصوره ال فيها فلتر الزيت وايه هو الفوم ده قصدك الصابون ولو هو فهل هيزيل الزيت المتراكم واشكرك مره اخري فهذه اول مره اسال سؤال

[waelfarid]

اشكرك يااستاذ وائل جدا علي سرعه الرد وارجو توضيح بعد اذنك هل جوان غطاء التكيهات هو ال فوق البوجيهات
اينعم(الصورة فيها بلاستكة زنق زرقاء فاتح ماسكة في حته حديدة ممسوكة بواسطة احد جوايط(الجويط هو مسماريكون مثبت بسن في جسم والجزء الظاهر مسنن يتم تركيب عليه اي شي ثم تثبيت وردة وصامولة عليه)
تثبيت غطاء علبة التاكيهات له وردة نصف بيضاوية
وما معني يتشد عليه براحه يعني مش بغشوميةتخلي سن المسامير (الجوايط سنها يتلف) ويتساوي الرباط عليه ويتخدم عليه في التنظيف "ينظف بمادة ايه"( بنزين /جاز/صابون)
النقطة دي اسال ايه اللي ماشي وبيستخدموه في مصر وضروري تجفيف بالهواء بعدها واللي ينظفها متطلعش من عنده الا والعربية دايرة عالاقل نص ساعةبعد التنظيف عشان اي رطوبة تتبخر


ac delco spray for carburettor clean
ودي مكلفة
المادة بتاعة الفوم شبيهة ب مادة تسليك البالوعةبعد تخفيفها واذابتها بالماء ولا تلامس الجلد ولا العين بالطبع

وجوان التقسيمه ده ال ظاهر في الصوره ال فيها فلتر الزيت وايه هو الفوم ده قصدك الصابون ولو هو فهل هيزيل الزيت المتراكم واشكرك مره اخري فهذه اول مره اسال سؤال
تحت امرك كلنا هنا بنحاول نفيد بعض والقرار لصاحب العربية ومش معني انك بتمشي بالعربية مسافة صغيرة انك تهملها-عفواسامحني حضرتك بتقول الكلام ده بدا من حوالي 4 سنوات
فيه مثل انجليزي بيقول لوعندك بلوفر لوفكت غرزة
الغرزة اصلاحها في ساعتها بتسعف --تتلافي--99 غرزة
دا لو الظروف تسمح

الموضوع ان الرباط علي الاجزاء التي بها تهريب زيت من الاستخدام من الاهتزاز والتكنولوجيا القديمة هوي شوية
نظف وربط وتابع لو فيه تهريب تاني شوف كلام الزميل 2010 lada
نصيحته جيدة

[waelfarid]

العفو زميلنا العزيز