تحيا اللادا

[ahmdmagdy]

السلام عليكم و كل عام و انتم بخير
حبيت اكتب لكم عن تجربتي في السفر الي مدينه مطروح بسيارتي اللادا الصراحه انا كنت خايف ان العربيه ممكن متستحملش المشوار الطويل ده علما انا من مدينه دمنهور و المسافه الي مطروح كانت ٣٧٠ كم بالضبط و اخدتهم دون راحه في الطريق حوالي ٤ ساعات و قفت بس في الاخر عشان كان لمبه البنزين نورت و كنت سعيد جدا ان العربيه ماشيه كويس و مفيش سخونه نهائي رغم اني شوفت عربيات كتيير عطلانه و موديلات حديثه طبعا فيها حالات بتبقي قضاء و قدر
انا لما كنت بسافر كنت بروح اقصي حاجه اسكندريه كان يادوب ٦٠ كم و قولت ده اخر اللادا بس حبيت اخش المغامره اني اسافر بيها مسافه اطول دون توقف

[BLOODY_STONE]

تحيا اللادا ✌??????

[graffittiii]

ربنا يباركلك فيها ويديلك خيرها .
للإفادة ياريت تقول كنت ماشي علي سرعة كام ؟
أو بمعني أدق : إيه السرعة اللي بتحس أن العربية مرتاحه فيها وتمشي مسافة طويلة بدون مشاكل أو إجهاد علي الموتور .. وكمان بأفضل معدل لإستهلاك البنزين .
وهل في حاجة معينة اللي مسافر باللادا المفروض ياخد باله منها قبل السفر غير الحاجات التقليدية ؟
عشان اللي مسافر بنفس العربية بعد كده يستفيد .

[Abo_Mazen]

اللادا شغاله تاكسي عندنا في إسكندرية ..أعرف سواقين بينزلوا بيها القاهره يوصلو زباين ويردوا تاني صد رد كده من غير راحه ...يعني تقريبا 450 كيلو كده دريك ..

[rotanamasoud]

مشكلتها مش فى المسفات مشكلتها انها مش مريحه ومتعبه لو عربيه تانيه حتنزل منها مش حاسس انك قطعت مسافه

[Abo_Mazen]

مشكلتها مش فى المسفات مشكلتها انها مش مريحه ومتعبه لو عربيه تانيه حتنزل منها مش حاسس انك قطعت مسافه

هي فعلا ناشفه قوي ..بتبقى نازل منها كأنك كنت قاعد على مسطبة

[عاشق البحر]

طب ايه رأيكم فى اللادا 2110 موديل 2006 الروسى ؟؟

[Abo_Mazen]

طب ايه رأيكم فى اللادا 2110 موديل 2006 الروسى ؟؟

والله يا خويا بيشكروا فيها ..مع إني شفت ناس بتشقى عشان تلاقي قطع غيارها ..

[عاشق البحر]

والله يا خويا بيشكروا فيها ..مع إني شفت ناس بتشقى عشان تلاقي قطع غيارها ..

بيشكرو فيها ازاى بقى ؟؟ يعنى لو قطع غيارها متوفره تبقى كويسه ؟؟
وايه اللى تعرفه عنها؟؟

[Abo_Mazen]

بيشكرو فيها ازاى بقى ؟؟ يعنى لو قطع غيارها متوفره تبقى كويسه ؟؟
وايه اللى تعرفه عنها؟؟

يعني هنا في المنتدى ..شفت ناس كتير بيشكروا فيها ..بإستثناء موضوع السخونه ده


لكن على أرض الواقع ..ولما كنت ببقى في صلاح الدين مثلا بشتري أي قطعة غيار لعربيتي ..كنت بلاقي واحد مثلا بيلف على حساس مش عارف بتاع إيه ومش لاقيه ..وممكن يلف صلاح الدين كلها عشان يلاقيه ...وأنا أكون مثلا بدور على حاجه معينة ليا أنا كمان..بس أنا بتبقى مشكلتي إني مش لاقي حاجتي ..لأ ..بتبقى مشكلتي إني عايزها مثلا أصلية أو صناعه معينة ..

[ahmdmagdy]

ربنا يباركلك فيها ويديلك خيرها .
للإفادة ياريت تقول كنت ماشي علي سرعة كام ؟
أو بمعني أدق : إيه السرعة اللي بتحس أن العربية مرتاحه فيها وتمشي مسافة طويلة بدون مشاكل أو إجهاد علي الموتور .. وكمان بأفضل معدل لإستهلاك البنزين .
وهل في حاجة معينة اللي مسافر باللادا المفروض ياخد باله منها قبل السفر غير الحاجات التقليدية ؟
عشان اللي مسافر بنفس العربية بعد كده يستفيد .

انا طول الطريق كنت ماشي ١٠٠ ١١٠ محبتش ازود عن كده خصوصا العربيه كان راكب فيها ٤ طبعا بالشنط بالنسبه لتجهيز العربيه للمشوار ده رحت عند الميكانيكي ظبطلي الكهربا و غيرت الابلتين و نضفت البوجيهات طبعا ده اجراء احتياطي العربيه معايا زي الفل و رحت ظبطت الكاوتش علي ٣٥ انا علي فكره بظبطه علي ٤٠ او ٤٥ جوه البلد عشان الدركسيون يبقي خفيف

[ahmdmagdy]

مشكلتها مش فى المسفات مشكلتها انها مش مريحه ومتعبه لو عربيه تانيه حتنزل منها مش حاسس انك قطعت مسافه

عندك حق و الله انا اول ما وصلت حسيت اني كنت لازق في الكرسي واني كنت مسافر ١٢ ساعه