اللي عايز يجيب لادا جرانتا مايفكرش

[miguel]

صباحكو فل !!!!!!!
النهارده استلمت لادا جرانتا وهقولكم عن تجربتي ليها
ال٧ربية من ناحية التقفيل ممتازة جدا جدا الموتور متقفل كويس قوي وخصوصا من جوة الكابينة من تحت القنصل تقفيل ممتاز يفوق اللوجان بمراحل لان انامعايا اللوجان بصراحة فرق رهيب وخامة التابلوة فخمة قوي وعالية والتقفيل من جوة حلو جدا من باب وفرش ومتانة عالية جدا
شغلنا التكييف بصراحة عالي قوي مع تاثير خفيف علي العربية لكن في الحر ده ٧امل شغل ٠لو قوي
العربية سحبها حلو وجميل وناعمة جدا وصوت الموتور ناعم وهادي قوي متحسش انه الموتور شغال واهدي من اللوجان كمان
اللي بيفكر يجيب يجيب علطول من غير تفكير
والسلام ختام !!!!

[midh91]

صباحكو فل !!!!!!!
النهارده استلمت لادا جرانتا وهقولكم عن تجربتي ليها
ال٧ربية من ناحية التقفيل ممتازة جدا جدا الموتور متقفل كويس قوي وخصوصا من جوة الكابينة من تحت القنصل تقفيل ممتاز يفوق اللوجان بمراحل لان انامعايا اللوجان بصراحة فرق رهيب وخامة التابلوة فخمة قوي وعالية والتقفيل من جوة حلو جدا من باب وفرش ومتانة عالية جدا
شغلنا التكييف بصراحة عالي قوي مع تاثير خفيف علي العربية لكن في الحر ده ٧امل شغل ٠لو قوي
العربية سحبها حلو وجميل وناعمة جدا وصوت الموتور ناعم وهادي قوي متحسش انه الموتور شغال واهدي من اللوجان كمان
اللي بيفكر يجيب يجيب علطول من غير تفكير
والسلام ختام !!!!

ألف مبروووك
ربنا يباركلك فيها ويعطيك خيرها ويكفيك شرها
انت جايبها مانيوال ولا اوتوماتيك ؟؟؟؟
استلام بعد اد ايه ؟؟؟؟
وهل بدأت التعامل مع توكيل الامل ولا لسة ؟؟؟؟

[khaled_yehya]

متابع

[AlphaCharlie]

كلام جميل جدا.. الف مبروك اولا.. ويارب يبارك فيها .. بس ابقى تابعنا بالتحديث بعد اذنك..

[miam0502788391]

انا شايف ان الموضوع دعاية للسيارة مش تقييم شخصى
اكيد العربية فيها عيوب حتى لو مش جوهرية بس لازم نعرفها
فى الآخر مبروك على السيارة ويارب يدك خيرها ويكفيك شرها

[جيتزاوي55]

أولا الف مبروك ربنا يباركلك فيها ويكفيك شرها وشر الطريق .
انا بس عاوك تغير الالعنوان لأني في الأول فهمت أنك هتشتم فيها وأن العربية مش كويسة , وفوجئت انك بتشكر فيها .
ثانيا بقي : نبذة بسيطة كدة عن كمالياتها والأكسسوارات اللي فيها , واية نوع الكوتش اللي فيها وكدة يعني

[medo_31]

انا شايف ان الموضوع دعاية للسيارة مش تقييم شخصى
اكيد العربية فيها عيوب حتى لو مش جوهرية بس لازم نعرفها
فى الآخر مبروك على السيارة ويارب يدك خيرها ويكفيك شرها

ممكن يكون انطباع اولي مش اكتر

[mirra]

عايزين تقرير شامل يا كبير

[ehabomar1987]

انا مش عارف بس كل واحد وليه حكمه على العربية انا كنت طاير بالعربية ديه وقولت ديه لقطة وهتاكل السوق وانها مفيش زيها وكمان العربية ديه تجنن لحد لما روحت اتفرجت عليها فى توكيل الامل على المانيوال والاوتو العربية معجبتنيش خالص وحسيتها ما تستاهلش المبلغ ده كله انا كنت بفكر فى الاوتو الصراحة حاسيتها خمتها رديئة وتقفيلها تعبان وعربية متستاهلش حتى ربع تمانها وكمان انا اول مرة اشوف فتيس اوتو 3 سرعات ازاى يعنى انا مش فاهم يعنى مفيهاش p وكمان لما جيت احرك الفتيس حاسيته كده ورق ومن غير لوك وكمان الصراحة زرار الشنطة محيرنى انا مش فاهمه حاسه كده زرار فى عربية لعبة مش دراع زى باقى العربيات ومحاستش ان صاجها تقيل ولا حاجة لا عادى يعنى فيه عربيات تانية اتفرجت عليها كانت اتقل واقوى وطبعا ده تقيمى انا الشخصى وراى فى العربية بس انا قفلت منها بعد لما شوفتها وكمان حاسيسها ضيقة من ورا ومش مريحة

[ahmscu]

انا مش عارف بس كل واحد وليه حكمه على العربية انا كنت طاير بالعربية ديه وقولت ديه لقطة وهتاكل السوق وانها مفيش زيها وكمان العربية ديه تجنن لحد لما روحت اتفرجت عليها فى توكيل الامل على المانيوال والاوتو العربية معجبتنيش خالص وحسيتها ما تستاهلش المبلغ ده كله انا كنت بفكر فى الاوتو الصراحة حاسيتها خمتها رديئة وتقفيلها تعبان وعربية متستاهلش حتى ربع تمانها وكمان انا اول مرة اشوف فتيس اوتو 3 سرعات ازاى يعنى انا مش فاهم يعنى مفيهاش p وكمان لما جيت احرك الفتيس حاسيته كده ورق ومن غير لوك وكمان الصراحة زرار الشنطة محيرنى انا مش فاهمه حاسه كده زرار فى عربية لعبة مش دراع زى باقى العربيات ومحاستش ان صاجها تقيل ولا حاجة لا عادى يعنى فيه عربيات تانية اتفرجت عليها كانت اتقل واقوى وطبعا ده تقيمى انا الشخصى وراى فى العربية بس انا قفلت منها بعد لما شوفتها وكمان حاسيسها ضيقة من ورا ومش مريحة

ماتنساش حضرتك لنها عربيه روسى بالكامل ولم تمسها الايدى المصرية الطاهرة وبمواصفات اوروبية وب92 الف وكماليات ممتازة جدا وصاج محترم وقطع غيار متوفرة وروسى اصلى والعربيات المنافسه ليها هى الفيرنا اوتو والبى واى دى او الجيلى باندينو والتلاته اسوا من بعض وفيهم عيوب صناعه بالهبل قارن بين التلاته واحكم،الظاهر ان حضرتك بتقارنها بلانسر شارك او سكودا

[wael30003]

طب ما تستهدوا بالله ...وبلاش ندخل الشيطان بينا .....وتنزلنا صورة للعربية ...عشان انا سمعت من زمان عنها لكن لسه ما اتشرفتش بيها

[جيتزاوي55]

ماتنساش حضرتك لنها عربيه روسى بالكامل ولم تمسها الايدى المصرية الطاهرة وبمواصفات اوروبية وب92 الف وكماليات ممتازة جدا وصاج محترم وقطع غيار متوفرة وروسى اصلى والعربيات المنافسه ليها هى الفيرنا اوتو والبى واى دى او الجيلى باندينو والتلاته اسوا من بعض وفيهم عيوب صناعه بالهبل قارن بين التلاته واحكم،الظاهر ان حضرتك بتقارنها بلانسر شارك او سكودا

لأ طبعا لانسر شارك اية وسكودا أية :d :d , حضرتك كدة بتتكلم في فئات تانية خالص من الناحية الفنية , ومن الناحية السعرية بنتكلم مثلا في بالميت 40 الف فرق دة لو هنقول الفئة الأولي شارك .
القصة أن العربية بمواصفاتها مجهولة لناس كتير , والفئة السعرية دي تجيب حاجات تانية أوتو زي لوجان , أو f3 byd أو شيفرولية أفيو , غير طبعا العربيات الصغيرة بس دي فئة أو شريحة تانية بلاش نتكلم فيها
وممكن لو زودت شوية تدخل في شريحة تانية زي السوزوكي سياز أو البيجو 301 .
ومعظم العربيات دي منافسة جدا ومواصفاتها ممتازة , فلازم العربية دي تبقي محققة قبول وشعبية ومواصفات جيدة علي الأقل مش هقول ممتازة , عشان تعرف تنافس وتثبت نفسها , خصوصا ان السوق المصري وخبراتة مع لادا أنها عربية قديمة وتكنولوجيتها قديمة وناشفة وكدة يعني .

[dodo2000]

انا اتفرجت على المانيوال فى المعرض
الصاج تقيل بالنسبة لعربيات اعلى منها بكتير
تكييف و باور و 2 ازاز كهرباء و شكرا
مفيش كاسيت-سنتر-انزار-فوجات-مرايات كهرباء-ازاز كهرباء خلفى
تقفيل العربية كويس نوعا ما
تعتبر مش صغيرة و قعدتها مريحة و الشنطة واسعة

[ehabpopo]

انا اتفرجت على المانيوال فى المعرض
الصاج تقيل بالنسبة لعربيات اعلى منها بكتير
تكييف و باور و 2 ازاز كهرباء و شكرا
مفيش كاسيت-سنتر-انزار-فوجات-مرايات كهرباء-ازاز كهرباء خلفى
تقفيل العربية كويس نوعا ما
تعتبر مش صغيرة و قعدتها مريحة و الشنطة واسعة

.
معقولة ؟؟ هو فية عربية من غير كاسيت ولا انا فاهم غلط

[miguel]

بعد التحية !!!!!

اولا انا مش عارف لية الهجوم الغير مبرر للعربية
خامتها جميلة جدا وتقفيلها محترم واقتصادية وبالنسبة للسعر 75000 مناسب جدا في الوقت اللي احنا فيه وبعدين فين العربية بالسعر ده عربية روسي تقفيل بلدها ومحترمة
وبعدين في حاجة تانية العربية فيها 2 عمود اتزان واحد من فوق المساعد من فوق العجلة وواحد تاني من تحت علي المقصات يعني ثبات حلو
نوع الكوتش اسمه kama هو اكيد روسي لكن مريح وناعم علي العفشه
من ناحبة العيوب لسة مقدرش اقيمها دلوقتي

والسلام ختاااااااااااام