ينفع ولا لا ؟؟ 2110

[naruto]

السلام عليكم
دلوقتى لو انا معايا عربيه لادا 2110 لسه شاريها موديل 2006 وعايز اركبلها تكييف ... هى نازله مجهزه لتركيبه لان فيه منها بينزل بتكييف اصلا ... والتابلوه عندى مجهز عادى جدا وبيشتغل مروحه بس انا عايز اركب تكييف فعايز اعرف لازم اروح التوكيل ولا ممكن اشترى نوع معين و اى حد يقدر يركبهولى ؟؟؟ وهل ده حيكون فيه ضرر على العربيه علما بان الموتور 1600 سى سى .... وشكراااا

[mazen56]

ينفع
أنزل الوكالة أو عزبة شلبي واشتري الكمبروسر والسربنتينة والخراطيم

[naruto]

شكرا على ردك استاذ ماذن بس متعرفش الموضوع ده ممكن يكلفنى حوالى كام؟؟ وهل فيه نوع تكييف معين تنصحنى بيه ؟؟؟ وده حيأثر على العربيه ولا لا ؟؟

[MaZaGAngeE]

لما يركب هيكون فعال و يشتغل كويس ولا فلوس هتترمي ع الارض ?
دي اهم نقطة ..

[naruto]

طب وانا حعرف اذا كان حيشتغل كويس ولا لا ازاى؟؟
فيه عوامل معينه بتخلينى اعرف؟

[Abo_Mazen]

بص ..هو احسن حاجه ممكن اقولها لك ..بلاش التوكيل

[naruto]

مع ان كله بيقول التوكيل اضمن مع انه اغلى ؟؟؟ اشمعنى بلاش التوكيل

[Abo_Mazen]

مع ان كله بيقول التوكيل اضمن مع انه اغلى ؟؟؟ اشمعنى بلاش التوكيل

هو أنا الحمدلله مروحتش قبل كده شركة الأمل دي خالص

بس كنت قريت موضوع لواحد هنا كان جايب عربيه لادا زيرو ..وطلع عنده مشكله في ماستر الفرامل ..وكل مره يروح يشتكي يقولو له الفرامل كويسه ومفيهاش حاجه ..وفي الآخر ..راح غيره على حسابه ...

تروح متلاقيش قطع الغيار ..أنا ما بتكلمش على اللادا 2107 ..أنا بتكلم على اللادا 2110..

مواعيد التسليم مفيهاش أي التزام ..

عشان كده بقول لحضرتك لو تعرف حد عمل الشغل اللي حضرتك عاوز تعمله بره ويكون متجرب ..يبقى أحسن من التوكيل

[jotime]

اسمع نوع تكييف اسمه ساندن يابانى الصنع وزى ماسمعت وقريت من المنتديات انه ثمنه بالتركيب 3000 جنيه تقريبا
وسمعت واحد امريكى مش فاكر اسمه حاليا
بالنسبة لتركيب التكييف هايكون كويس وفعال لو عملت الاتى
اولا - حالة الموتور لازم الميكانيكى والكهربائى يحددو اذا كان الموتور وضفيرة الكهرباء تستحمل تركيب التكييف ولا لا
تقفيل وعزل العربية من الداخل لازم يكون على الشعرة يعنى تمام 100% مفيش تنفيس او سخونية داخلة من صدر العربية والابواب .كانها ثلاجة بالظبط لو فى تسريب او الكاوتش بايظ مش هاتحس بفاعلية التكييف .
بالطبع التوكيل غالى لكن معنديش خلفية عن اسلوب التعامل معاهم فى فنين كويسين فى البلد .
ادرس الموضوع كويس بالورقة والقلم وربنا يوفقك
وابقى قولنا وصلت لايه

[naruto]

مشكوووووووووووووووووووور جدا يا جماعه والله
ربنا يسهل انا حروح اسأل واللى حوصل ليه حبقى ابلغكم بيه ان شاء الله