تقوية نور السيارة

[ramadan272]

السلام عليكم ورحمة الله وبركاته
انا عندى نور السياره العالى والواطى ضعيف جدا
وعايز تقويه يا ترى تغيير لمبات ؟ ام تغيير كتاوت ؟ أم تركيب كتاوت ؟
بماذا تنصحونى

السياره لادا 2110

[aw2100]

لو العربية فابريكه نازله بكتاوت يبقى ممكن يكون كهربه الكتاوت ضعيفه لو مافيهاش كتاوت يبقى لازم تركب كتاوت !!

[ramadan272]

لو العربية فابريكه نازله بكتاوت يبقى ممكن يكون كهربه الكتاوت ضعيفه لو مافيهاش كتاوت يبقى لازم تركب كتاوت !!

شكرا لك اخى aw2100 على سرعه الرد
ولكن المشكله ان هذه السياره قليلة الانتشار ولذلك فمعظم الكهربائية لا يعرفونها جيدا وكل واحد ليه افتكاساته
لذلك فانا خايف اذهب لكهربائى ليس لديه خبره بهذه لسيارة

[فتح الباب]

الكتاوت ليس له علاقه بالنور خالص حببت اوضح الامر كى لا يختلط عليك فقط انت نورك ضعيف فبالتالى عايز تركب لمبات شديده وعلشان تركب اللمبات الشديده مافيش دفيره تستحمل قوة اللمبات او ذراع النور غالبا هو من يتضرر اولا وبداخله قطع نحاس ضعيفه لا تضاهى التنجستين بتاع اللمبه فبيقوم الذراع يسيح او يولع ومايستحملش فماذا نفعل كى نتفادى كل هذه السخونيه ٠٠٠٠٠٠٠٠٠٠٠٠٠٠٠٠ نركب كتاوت ليكون هو همزة الوصل ما بين الذراع الضعيف واللمبه القويه هى دى كل الفكره واى كهربائى هيعملها عادى مش شرط متخصص ٠ ارجو تقبل مرورى

[new_man2010]

انا معايا لادا 2105 ومكنش تقريبا عندى نوووووووووووور !!

المهم عملت الاتى:

اشتريت كشافين بـ 260 جنيه

لمبتين المانى 260 بـ 90 جنيه

2 لمض اشارات و 2 للنور الواطى اللى بينور مع التابلوه بـ 10 جنيه

كهربائى نضيف ركبلى الحاجات دى كلها وظبطلى النور واخد مصنعيه 30 جنيه

النتيحة الضلمه بقت نهار والحمد لله