من هو أفضل كهربائى لسيارات اللادا خصوصا 2110 ؟

[ramadan272]

من حيث المهارة والامانة والبعد عن الافتكاسات
وياريت يكون من واقع خبرة التعامل معه

[jotime]

مبدئيا لم اسمع من قبل ان فى كهربائى متخصص لادا اى كهربائى او ميكانيكى بيشتغل فيها
هاقولك على سر كده حطه حلقة فى ودنك
شوووف اى سواق تاكسى معاه لادا او 124 واساله حضرتك ساكن فى المنطقة؟ قالك ايوه ساكن قوله بتصلح العربية بتاعتك عند مين؟ هايقولك على الميكانيكى والكهربائى الى بيتعامل معاه

يبقى خير وبركة من ربنا لو الاثنين طلعوا من نفس المنطقة الى انت ساكن فيها .خد نمرته وروح قوله انا من طرف الاسطى فلان صاحب التاكسى
واى مشكلة تقابلك اسال سواق التاكسى عندهم خبرة ملهاش حل فى اعطال وصيانة واصلاح العربيات
وابقى قولى عملت ايه

[new_man2010]

زى ماقالك اخى jotime شوف اى حد معاه نفس عربيتك او عربية قديمة واسأله

كمان يريت تقولنا ايه المشكلة عندك لو نقدر نساعدك ونستفاد

[ramadan272]

مبدئيا لم اسمع من قبل ان فى كهربائى متخصص لادا اى كهربائى او ميكانيكى بيشتغل فيها
هاقولك على سر كده حطه حلقة فى ودنك
شوووف اى سواق تاكسى معاه لادا او 124 واساله حضرتك ساكن فى المنطقة؟ قالك ايوه ساكن قوله بتصلح العربية بتاعتك عند مين؟ هايقولك على الميكانيكى والكهربائى الى بيتعامل معاه

يبقى خير وبركة من ربنا لو الاثنين طلعوا من نفس المنطقة الى انت ساكن فيها .خد نمرته وروح قوله انا من طرف الاسطى فلان صاحب التاكسى
واى مشكلة تقابلك اسال سواق التاكسى عندهم خبرة ملهاش حل فى اعطال وصيانة واصلاح العربيات
وابقى قولى عملت ايه

شكرا أخى jotime لردك الكريم
ولكن المشكله ان قله عدد السيارات فى هذا الموديل وكثرة الحساسات فيه تجعل كثيراً من الصنيعيه - اللى عندهم ضمير طبعاً - يتهربون من العمل فى هذه السياره لذلك احتاج إلى كهربائى يكون تعامل مع هذا النوع من السيارات ويكون أمين

زى ماقالك اخى jotime شوف اى حد معاه نفس عربيتك او عربية قديمة واسأله

كمان يريت تقولنا ايه المشكلة عندك لو نقدر نساعدك ونستفاد

شكرا اخى new_man2010 على ردك الكريم اما ما احتاجه هو تقوية نور السياره العالى والواطى وتركيب لمبات شبوره
دون لعب فى ضفيرة السيارة

[jotime]

عندك حق فى كلامك
وزى ماقوتلك شوف اى سواق تاكسى واساله
وحكاية تعليه النور وما الى ذلك الموضوع سهل اى كهرباى يعمله بدون لعب فى الضفيرة ومش هانروح بعيد اساله الاول هاتعمل ايه عشان احسب حسبتى ووادبر حالى وهل يكون فى شغل فى الضفيرة ولا لا؟
وخد معاك صديق يكون فاهم وعنده خلفية وابقى قولى عملت ايه
ربنا معاك

[new_man2010]

انا معايا لادا 2105 ومكنش تقريبا عندى نوووووووووووور !!

المهم عملت الاتى:

اشتريت كشافين بـ 260 جنيه

لمبتين المانى 260 بـ 90 جنيه

2 لمض اشارات و 2 للنور الواطى اللى بينور مع التابلوه بـ 10 جنيه

كهربائى نضيف ركبلى الحاجات دى كلها وظبطلى النور واخد مصنعيه 30 جنيه

النتيحة الضلمه بقت نهار والحمد لله

[jotime]

الله ينور عليك ومبروك
هى الكشافات كانت قاطعة خالص
وليه غالية كده ولا هى الاسعار كده؟
ربنا يكفيك شر طريقها ويحافظ عليك وعلينا
انا بس عندى مشكلة فى الكونتاكت بيعلق مع انه جديد
ومشكلة سخونية فى العربية