الي استلموا لادا جرانتا !!!

[Peter Shoukry]

صباح الخير عليكوا جميعا انا كنت بفكر اجيب الجرانتا و محتاج الناس الي استلمت فعلا تقولي ايه رأيها و مع احترامي لكل التعليقات سواء ايجابيه او سلبيه .... اتمني ان الي استلم يوضح بالظبط وجه ايه الي شايفه فيها من عيوب و مزايا

و عايز اقول ان انا فكرت فى الجرانتا لاني كنت عايز اجيب مستعمل و بعدين دورت و متوفقتش و بعد قلت خلاص اجيب جديد و بصيت على اللوجان لقيتها اول فئة 2015 ب 92 الف و ده السبب الي خلاني افكر فى الجرانتا لانها ب 75 الف المناويل !!!!!

ارجوووووووووووووووووووووووو الافاده و جزاكم الله خيرا

[mif]

انا ماشترتش و لكن اتفرجت عليها اكتر من مرة
العربية تعتبر عملية و عالية عن الارض و اقتصادية فى البنزين و قطع غيارها بالنسبة للزيرو تعتبر رخيصة جدا

هى عربية اقتصادية و رغم انها بتتباع ب75 الا ان سعرها يعتبر مبالغ جدا لان الخامات المستخدمة فقيرة جدا خاصة الانتريور

يعيبها :
1- صوت المكنة عالي : لان عزل الحوض سيء لانها عربية اقتصادية و لما المكنة صوتها بيهدي برضه عالي و دا طبيعي فى لادا
2- الدواخل مصنوعة من بلاستيك رخيص زى التابلون و اجزاء فى الباب و جلد الباب . برضع علشان العربية تبقى اقتصادية
3- بدون كاسيت او سماعات و لو عايزهم بيزودوا 500 جنيه
4- نقالات الفتيس مسموعة و يمكن تقل بعد صيانة الالف و كذلك صوت المكنة
5- حرارة المكنة بتتراوح ما بين 80-95 و بتعدى ال100 و لكن دا طبيعي هما عاملين الحرارة كدا علشان افضل حرارة لحرق الوقود فتقلل انبعاثات الكربون و استهلاك الوقود

المشاكل اللى فوق مش موجودة فى الamt اللى بيقولوا عليها اوتوماتيك و لكنها مانيوال بدون دبرياج

مميزاتها :
1- استهلاك ممتاز للوقود اللتر بيعمل من 11.3 - 17 كم
2- محرك 87 حصان واحد كامة 140 نيوتن ميتر بيدي اداء جيد للسيارة
3- تكييف ممتاز بشهادة اللى اشتروا ثلاجة افضل من بعض الكوروي و اليابانى
4-كومبيوتر رحلات بخواص جيدة جدا .... و فيه ميزة بينبهك امتى تنقل الفتيس
5- عفشة ناعمة و مريحة بتجمع ما بين ثبات على السرعات و نعومة و هدوء فى المشي العادى و بتنزل بكاوتش روسي ممتاز عليهها و بطارية روسي
6-الصالون رغم ان العربية تعتبر صغيرة و لكنه معقول جدا و مريح
7-ارخص اسعار قطع غيار لهربية زيرو
8- فرامل ممتازة و حاضرة افضل من الفرنا و اللانوس بمراحل
9- الدبرياج ناعم مش زى لادا القديم
بعض الاسعار خارج التوكيل من التوفيقية (تيل امامي ب 85 خلفي ب 125 فانوس امامي ب350 خلفي 250 طنابير امامي ب400 خلفي ب450 اكصدام امامي ب 500 سير المجموعة 120 والاسعار دي حتقل بالانتشار)

الامل بتعمل صيانة الالف ب280 تقريبا تغيير زيت فتيس و مكنة و فلتر و تربيط عفشة
ضمانها 50 الف كم او 3 سنوات ايهم اقرب و فى روسيا 100 الف كم او 3 سنوات

عربية عملية اقتصادية عاءلية جيدة فى المدنية و السفر.
و المفروض تكون ارخص من كدا الامل اول ما نزلتها نزلتها ب 72 لمدة ايام معدودة و بعدين التجار اجبروها توصل 75 علشان يسوقوا ليها لان الامل فاشلة فى التسويق

[Peter Shoukry]

انا ماشترتش و لكن اتفرجت عليها اكتر من مرة
العربية تعتبر عملية و عالية عن الارض و اقتصادية فى البنزين و قطع غيارها بالنسبة للزيرو تعتبر رخيصة جدا

هى عربية اقتصادية و رغم انها بتتباع ب75 الا ان سعرها يعتبر مبالغ جدا لان الخامات المستخدمة فقيرة جدا خاصة الانتريور

يعيبها :
1- صوت المكنة عالي : لان عزل الحوض سيء لانها عربية اقتصادية و لما المكنة صوتها بيهدي برضه عالي و دا طبيعي فى لادا
2- الدواخل مصنوعة من بلاستيك رخيص زى التابلون و اجزاء فى الباب و جلد الباب . برضع علشان العربية تبقى اقتصادية
3- بدون كاسيت او سماعات و لو عايزهم بيزودوا 500 جنيه
4- نقالات الفتيس مسموعة و يمكن تقل بعد صيانة الالف و كذلك صوت المكنة
5- حرارة المكنة بتتراوح ما بين 80-95 و بتعدى ال100 و لكن دا طبيعي هما عاملين الحرارة كدا علشان افضل حرارة لحرق الوقود فتقلل انبعاثات الكربون و استهلاك الوقود

المشاكل اللى فوق مش موجودة فى الamt اللى بيقولوا عليها اوتوماتيك و لكنها مانيوال بدون دبرياج

مميزاتها :
1- استهلاك ممتاز للوقود اللتر بيعمل من 11.3 - 17 كم
2- محرك 87 حصان واحد كامة 140 نيوتن ميتر بيدي اداء جيد للسيارة
3- تكييف ممتاز بشهادة اللى اشتروا ثلاجة افضل من بعض الكوروي و اليابانى
4-كومبيوتر رحلات بخواص جيدة جدا .... و فيه ميزة بينبهك امتى تنقل الفتيس
5- عفشة ناعمة و مريحة بتجمع ما بين ثبات على السرعات و نعومة و هدوء فى المشي العادى و بتنزل بكاوتش روسي ممتاز عليهها و بطارية روسي
6-الصالون رغم ان العربية تعتبر صغيرة و لكنه معقول جدا و مريح
7-ارخص اسعار قطع غيار لهربية زيرو
8- فرامل ممتازة و حاضرة افضل من الفرنا و اللانوس بمراحل
9- الدبرياج ناعم مش زى لادا القديم
بعض الاسعار خارج التوكيل من التوفيقية (تيل امامي ب 85 خلفي ب 125 فانوس امامي ب350 خلفي 250 طنابير امامي ب400 خلفي ب450 اكصدام امامي ب 500 سير المجموعة 120 والاسعار دي حتقل بالانتشار)

الامل بتعمل صيانة الالف ب280 تقريبا تغيير زيت فتيس و مكنة و فلتر و تربيط عفشة
ضمانها 50 الف كم او 3 سنوات ايهم اقرب و فى روسيا 100 الف كم او 3 سنوات

عربية عملية اقتصادية عاءلية جيدة فى المدنية و السفر.
و المفروض تكون ارخص من كدا الامل اول ما نزلتها نزلتها ب 72 لمدة ايام معدودة و بعدين التجار اجبروها توصل 75 علشان يسوقوا ليها لان الامل فاشلة فى التسويق

شكرا يا باشا لردك انا اكتر حاجه محتاج اعرفها التكيف هيأثر على العربيه من حيث الحراره ولاا لا لان ده الادا القديمه كانت فيها تكيف شكل بس و استحاله تشغله لان العربيه هتولع من الحرار فياريت لو تعرف حد جربها فى الجو ده مع التكيف تقولي !! و شكرا

[medo_31]

فيه جروب على الفيس تقدر تشترك فيه وتلاقي اجوبة لكل استفساراتك

https://www.facebook.com/groups/905538076151925/?fref=ts

[mif]

شكرا يا باشا لردك انا اكتر حاجه محتاج اعرفها التكيف هيأثر على العربيه من حيث الحراره ولاا لا لان ده الادا القديمه كانت فيها تكيف شكل بس و استحاله تشغله لان العربيه هتولع من الحرار فياريت لو تعرف حد جربها فى الجو ده مع التكيف تقولي !! و شكرا

تشغيل التكييف بيقلل حرارة المكنة
و التكييف اداءه كويس جدا
و العربية فيها اوبشن ان العربية بتبطل لما توصل لدرجة حرارة 115 و ماتدورش الا لما تنزل عن كدا
و على الجروب على الفيس في فيديهوهات ان جرانتا فى روسيا فى جو حرارته اقل من -35 بتوصل حرارة المكنة ل 86 عادي جدا

مشكلتها مش في السخونة ... مشكلتها الخامات الداخلية الرخيصة
و المشكلة التانية رغم سعرها الا انه يعتبر مبالغ فيه

[مدحت صابر1986]

انا بالفعل اشتريت لادا جرانتا 2015 الجديده بس عندي سؤال بخصوص المصابيح الاماميه كيف يتم اطفائها تماما ؟؟؟ لان كل اوضاع المؤشر الداخلي بتخلي ولو لمبه ضعيفه شغاله طب في النهار ايه الحل ؟؟؟

[mif]

انا بالفعل اشتريت لادا جرانتا 2015 الجديده بس عندي سؤال بخصوص المصابيح الاماميه كيف يتم اطفائها تماما ؟؟؟ لان كل اوضاع المؤشر الداخلي بتخلي ولو لمبه ضعيفه شغاله طب في النهار ايه الحل ؟؟؟

دا اسمه داي لايت يعنى day light
يعنى ضوء النهار و هى من ضمن اشتراطات الامان الاوروبي للسيارات

لو عايز تطفيه بيبقى عن طريق اعادة برمجته من كومبيوتر السيارة بس مش حينفع تقيده تانى الا لم تعيد البرمجة

سيبه فى حاله و ماتحاولش تطفيه

[mirra]

الف مبروك .... العربيه صفقه رابحه فعلا.

[ahmdmagdy]

انا كنت ف اسكندريه النهارده و شوفت منها تاكسي

[مدحت صابر1986]

الف مبروك .... العربيه صفقه رابحه فعلا.

الله يبارك في حضرتك

[mohamed_hamdi]

صفقة رابحة حاليا بالنسبة لكل شركات الأدوية و شركات الصيانة كمان هتبيع جامد و هتأثر بالتأكيد على مبيعات الفيرنا للجهات دي نظرا لفارق السعر مع استهلاك البنزين الممتاز جدا و مصاريف التشغيل الممتازة.

[مدحت صابر1986]

تقرير عن صيانة ال1000 كيلو متر للادا جرانتا 2015 مانيوال

السلام عليكم ورحمة الله
احببت اليوم مشاركتكم في خبرة صيانة ال 1000 للجرانتا 2015 وهي كالتالي:

تم الوصول لفرع الصيانه بفرع ميدان الجيش خلف اتحاد الشرطه حيث ذهبت في تمام الثامنه صباحا.
حجزت اول دور في الصيانه ولم يحضر المهندس والطاقم الفني الا في التاسعه والنصف وتم عمل الآتي :
اولا : تغيير زيت الموتور بزيت موبيل 5000 وسعره 135 جنيه+25 جنيه سعر الفلتر.
ثانيا:تغيير زيت الفتيس ( بسعر 100 جنيه ويعتبر طبعا غالي جدا).
ثالثا:عمل تربيط لكامل عفشة العربيه + الموتور ووش السلندر.
رابعا : تم عمل اختبار كامل لكفاءة الكهرباء عن طريق قياس الدينامو وتجربة كل كشافات واضواء السيارة وتجربة المساحات المطر والرشاشات الخاصه بتنظيف الزجاج الامامي.
خامسا: خرج معايا واحد من المهندسين بالداخل لتجربة العربيه بعد الصيانه وتم تجربة السياره والتكييف وكل شئ عمل بكفاءه تامه. اجمالي تكلفة الصيانه كان 280 جنيه شامل الضريبه.

[مدحت صابر1986]

بالمناسبه يعر السياره الرسمي اصبح 77500 للمانيوال وسعر الاتوماتيك 94000 والاستلام للسياره لم يعد فوري واصبح هناك فترة حجز وانتظار 3 شهور. والكلام ده بعد محاولة ناس اعرفهم يشتروا العربيه واتاكدت في صيانة الالف كيلو من الفرع.

[ahmedabdelhamid]

ربنا يباركلك فيها يارب بس سوال اية اخبار التكيف وكمان البور

[Colin Chapman]

حجز وانتظار 3 شهور

بالمناسبه يعر السياره الرسمي اصبح 77500 للمانيوال وسعر الاتوماتيك 94000 والاستلام للسياره لم يعد فوري واصبح هناك فترة حجز وانتظار 3 شهور. والكلام ده بعد محاولة ناس اعرفهم يشتروا العربيه واتاكدت في صيانة الالف كيلو من الفرع.

https://www.youtube.com/watch?v=EuUrGbnJgak