العربية مش بتدور

[عمرو كاشف]

امبارح العربية بعد ما رجعت بيها من مشوار بعيد قعدت تعمل حاجات غريبة ومش عايزة تدور الا لما اكون دايس بنزين مع انها كانت بتدور على السلانسية كويس .... وبعد ما تدور واشيل رجلي من على البنزين العربية تبطل

يا ترى دي مشكلة اية بالظبط ؟

[محمود سيد محمو]

طقم كهرباء عايز يتغير والعربية عايزة تعلى شوية يعنى شوف كده والعربية دايرة الار بى ام على كام وخلى الميكانيكى يعليه شوية

[A7medelfe2y]

دوره الكهرباء(بيجوهات-ابلاتين -كوندنسر-بوبينه-اسبيراتير)
دوره البنزين(كاربيراتير-رداخ)

[mohsal]

لو عربيتك ﻻدا 2107 روسي موتور انجكشن تدور تدور معاك وبعدها تطفى منك ومتدورش اﻻ لو رجلك على البنزين اول ماترفع رجلك تطفى معاك ولمبه التشك انجن منوره يبقى المشكله بكل تاكيد فى حساس الايديل idle sensor او air control valve تمنه 100 او 120 جنيه ومكانه جنب السوسته اللى راكب عليها سلك بدال البنزين على وش الموتور بص بصه كده ممكن تلاقيه مكسور اعمل سيرش على جوجل باسم الحساس علشان تعرف شكله نفس المشكله حصلت معايا وغيرته بنفسى.

[عمرو كاشف]

متشكر للردود يا جماعة هو فعلا روحت للميكانيكي وعلى الماكينة شوية والدنيا اشتغلت بس ما حسيتهاش عربيتي كانت بتقطع وبتنتش ... روحتله تاني قام حط ايده تحت الكربراتير كان البك التاني بتاع السرعات العالية معلق ومفتوح قام قافله ووطى الماكينة تاني والدنيا بقت تمام
بس قالي ان مسمار الهوا قافش ومحتاج حد بتاع كربراتير ينضفه ويظبطه ما حدش يعرف التكلفة هتبقى كام ؟

[eprom]

مبروك ان عربيتك بخير انا كلامى على الموتور الانجكشن