إعـــــــلان

Collapse

.

,
See more
See less

٢١٠٧ مؤشر الحراره بيوصل للاخر على الغيار الاول

Collapse
X
 
  • Filter
  • الوقت
  • Show
Clear All
new posts

  • ٢١٠٧ مؤشر الحراره بيوصل للاخر على الغيار الاول

    معايا لادا روسى انجكشن موديل ٢٠٠٩ حاله نظيفه جدا مشكلتها الحراره فى الصيف جوه البلد على الغيار الاول الطبيعى الحراره مبتعديش النص فى عز الحر طول ماانا عاطى للعربيه سرعه حتى لو ماشى بيها على ١٤٠ مفيش اى مشاكل اول ماادخل البلد والزحمه واقف حبه وامشى حبه على الغيار الاول مفيش ١٠ دقائق والمؤشر يكون وصل للاخر وربنا بيستر كل مره وبقيت مبرحش بالعربيه الا المشاوير اللى سكتها سالكه وطول الصيف على كده طبعا فى الشتاء مفيش اى مشاكل غيرت غطاء الريداتير ويعمل بشكل جيد النهارده فكيت الريداتير وطلعته البيت وجريت فيه ميه ونزلت الصدا اللى فيه وفكيت كل الخراطيم بتاعت دوره التبريد ونظفتها كويس جدا وجريت خرطوم ميه جوه الموتور ونزلت اللى جوه الموتور وكنت فاكر ان ثرموستات الكوعه موجود لكن اكتشفت انه متشال وهو عباره عن ماسوره فاضيه من الداخل طبعا الريداتير اللى راكب هو الاصلى الالمنيوم بتاع الفابريكه دلوقتى انا حاطط الريداتير على الارض وماليه حامض الخليك تركيز ٩٩% acetic acid (تاثيره مذيب للاملاح والصدا بدون اى تفاعل مع المعادن) حسيبه يومين وبعدين اركبه تانى السؤال دلوقتى ايه الحل وهل الشغل اللى اتعمل ده والصدا والاملاح اللى نزلت هى السبب فى ارتفاع الحراره ودلوقتى ممكن العربيه تكون كويسه٠
    ملاحظه :
    وش السلندر والجوان لم يتاثر وربنا ستر حتى الان ومفيش اى مظاهر لده سواء طحينه على غطاء الزيت او الريداتير او ميه او طحينه من الشكمان

  • #2
    بص يا باشا المشكلة دى الرادياتير برىء منها بدليل ان على السرعات العالية المكنة مش بتسخن الشك هنا فى المروحة ممكن تكون ضعيفة او الثيرموستات بيقوم المروحة متاخر بعد ماتكون العربية سخنت بالفعل

    Comment


    • #3
      السلام عليكم
      أخى الفاضل . المفروض ان مروحة التبريد تشتغل أول ما مؤشر الحرار ( يقرب على النصف )
      يعنى بيبقى فى التلت من مشوار المؤشر كله من ناحية الشمال وتبتدى المروحة تشتغل
      فحاول تراقب بداية شغل الروحة والمؤشر بيبقى فين
      وان شاء الله بسيطة وتتحل ان شاء الله

      ملحوظة :
      السهم الخضر هو بالتقريب مكان مؤشر الحرارة عند بداية شغل مروحة التبريد ( العداد رقم 5 )

      Comment


      • #4
        هى فى الغالب مشكلة مراوح ضعيفه لأن الراديتسر لوحده غير كافى لتبريد السيارة جوه البلد لازم مرواح قوية للمساعدة فى التبريد
        فى حاجة تانية ممكن تساعد حضرتك لو المرواح تمام ومفيش مشكلة فيها شوف كابل البطارية الارضى ممكن يكون مش متربط كويس او مش موصل ارضى كويس او لبطارية نفسها قديمة ومحتاجة تتغير بتعطيك ايحاء كاذب ان السيارة سخنة والمؤشر بيرفع بسرعة للآخر والمرواح هنا طبيعى لاتعمل لأن الحرارة بالفعل طبيعية

        Comment


        • #5
          انا عاجز جدا جدا عن الشكر مكنتش متصور اﻻهتمام الكبير ده شكرا لكم جميعا
          اوﻻ المروحه عندى مش كهرباء تم التعديل على سير التقسيمه بتاخد حركتها من عمود الكرنك
          ثانيا المروحه تركى 8 ريشه بس حاسس ان قطرها صغير حوالى 30 سم وحجمها صغير مقارنه بالريداتير
          فكرت اركب مروحه اضافيه بيم الريداتير والشبكه النيكل اﻻماميه اشغلها وقت اللزوم
          بالنسبه للبطاريه فعلا تعبانه وناوى اغيرها باذن الله بس العربيه فعلا بتكون سخنه ﻻن لو فتحت غطا الريداتير ساعتها بتخرج نافوره ميه مع ضغط شديد
          انا متابع معاكم وباذن الله بكره حركب الريداتير واملى ميه خضراء موبيل واجرب

          Comment


          • #6
            اكرر شكرى وتقديرى لكم جميعا حبيت اغير سير المروحه بالمره فكيت صاموله الشداد اللى فوق الدينامو والدينامو مش راضى يتحرك ابدا ناحيه الموتور علشان اقدر اركب السير الجديد وادخله على عجله الدينامو اكيد فاهمين قصدى المهم قلت افك او اهوي صاموله مسمار الاكس التانيه اللى تحت الدينامو اللى ماسك الدينامو فى جسم الموتور علشان اعرف احرك الدينامو ناحيه الموتور الصاموله مش راضيه تتحرك مللى واحد ومربوط عليها جامد جدا رشيت عليها wd40 وقلت اسيبها لبكره باذن الله لما ارجع من شغلى احاول احلها ممكن تكون فكت ب ال wd40 سؤالى هل فيه طريقه اسهل علشان الصاموله تفك معايا وهل الوصول ليها اسهل من تحت الموتور لان انا بشتغل من فوق من جنب قاعده البطاريه وهل مقاس الصاموله مفتاح ١٩ ولا ٢٠

            Comment


            • #7
              المشاركة الأصلية كتبت بواسطة miam0502788391 مشاهدة المشاركة
              هى فى الغالب مشكلة مراوح ضعيفه لأن الراديتسر لوحده غير كافى لتبريد السيارة جوه البلد لازم مرواح قوية للمساعدة فى التبريد
              فى حاجة تانية ممكن تساعد حضرتك لو المرواح تمام ومفيش مشكلة فيها شوف كابل البطارية الارضى ممكن يكون مش متربط كويس او مش موصل ارضى كويس او لبطارية نفسها قديمة ومحتاجة تتغير بتعطيك ايحاء كاذب ان السيارة سخنة والمؤشر بيرفع بسرعة للآخر والمرواح هنا طبيعى لاتعمل لأن الحرارة بالفعل طبيعية

              Comment


              • #8
                miam0502788391

                miam0502788391

                تحية عطرة من عشاق مجلة اسبور اوتو القدامى ورئيس تحرير المجلة ابراهيم فخرى

                Comment


                • #9
                  المروحه عندى تركى 8 ريشه قطرها تقريبا 30 سم انا اعتقد ممكن تركب مروحه اكبر ﻻن الريداتير امامها كبير مقارنه بحجم المروحه
                  سؤال هل المروحه 4 ريشه تعطى هواء اكتر من ال 8 ريشه
                  اعتقد انى عرفت السبب فى سخونه الموتور على السرعات البطيئه داخل المدينه او عند الوقوف المتكرر بعد تشغيل الموتور قمت بفك الخرطوم الخارج من الموتور داخل على الريداتير من اعلى النتيجه ﻻحظت سرسوب ماء ضعيف يزيد قليلا بالضغط على دواسه البنزين اعتقد بان توجد مشكله بطرنبه الميه او سدد فى دورة التبريد داخل المحرك فى انتظار الرد

                  Comment


                  • #10
                    المشاركة الأصلية كتبت بواسطة colin chapman مشاهدة المشاركة
                    miam0502788391

                    تحية عطرة من عشاق مجلة اسبور اوتو القدامى ورئيس تحرير المجلة ابراهيم فخرى

                    ولك مثلها
                    ذكرتنى بالذى مضى
                    ابراهيم فخرى وجيرار صونال
                    والعدد السنوى اللى كانوا بيلموا كل العربيات اللى نزلت طول السنة

                    Comment


                    • #11
                      مش عارف ايه علاقه ردودكم بموضوعى الرجاء اﻻلتزام بالرد فى داخل اطار الموضوع وعدم الدخول فى مناقشات سخيفه

                      Comment


                      • #12
                        You have to loosen alternator bolt any how , fit 2 spammers
                        Together , or socket and breaker bar
                        For overheating , I think you should replace
                        Water pump
                        http://www.nilemotors.net/Nile/455933-a.html
                        http://www.nilemotors.net/Nile/455752-2.html
                        http://www.nilemotors.net/Nile/454825-a.html

                        Comment

                        Working...
                        X