التاكد من شحن الدينامو 2107 انجكشن

[mohsal]

معايا 2107 انجكشن ﻻحظت ان مؤشر الشحن بيقل بالتدريج قلت البطاريه ممكن تكون ضعفت فضلت ماشى بيها لحد ما المؤشر وصل للون اﻻحمر على التدريج والنور بقى ضعيف ونورت لمبه التشك انجين كنت ماشى بيها على الصحراوى بسرعه ﻻقيت المؤشر وصل للصفر والعربيه بطلت منى ومفيش كونتاكت خالص المهم اشتغلت العربيه بالزق وعماله تقطع وتنتش ومره تجيب سرعه 20 ومره 80 لحد ما وقفت خالص غيرت البطاريه ومشبت بيها اسبوع كويس وﻻحظت برضه المؤشر عمال ينقص لحد امبارح لمبه التشك انجين نورت والبطاريه نامت فهل المشكله مشكله شحن الدينامو مع العلم ان لمبه الشحن منورتش وان السير مشدود كويس على الدينامو وان لما العربيه تدور وارفه قشاط البطاريه بلاحظ رجه خفيفه فى الموتور بس مش بتبطل

[aymanshebl]

اتاكد من شحن الدينامو و قواطش البطارية راكبة كويس و نضفها لو عليها املاح

[mohamed sedaa]

فك كبل البطاريه السالب فقط (العربيه متكونش دايره) و ابعده عن صباع البطاريه . وصل لمبة بيان او مفك تيست بين الطرف اللي شيلته مع الصباع السالب للبطاريه. لو نورت يبقي عندك تسريب ارضي شديد او قليل علي حسب شدة اضاءة لمبة البيان. التسريب طبعا هيفضي شحن البطاريه.

[mohsal]

اشكركم على المساعده سيتم باذن الله التاكد من نظافه القواشيط واحكام ربطهم واﻻستعانه بلمبه البيان فهمت فكره حضرتك انك بتدخل اللمبه توالى مع ضفيره العربيه وممكن بعدها تحدد مكان التسريب او اللى بيسحب كهرباء من البطاريه عن طريق رفع الفيوزات واحد بعد اﻻخر حتى تصل للفيوز اللى اللمبه بتطفى معاه جارى التجربه وفى انتظار ردود واقتراحات اخرى

[ahmscu]

اظن الموضوع ان شاء الله يكون ابسط من كده،ممكن تكون لمبة الكهربا اللى فى التابلوه محروقه او فيه سلك لونه بنى صغير بيركب فى الدينامو ده ممكن مايكونش راكب كويس او ملمس مع جسم الدينامو نفسه او كابلات الشحن

[mohsal]

معلش ايه علاقه لمبه محروقه بتسريب كهرباء من البطاريه المفروض اللمبه المحروقهopen circuit وجارى التاكد من اسلاك الدينامو

[mirra]

اتاكد من سلامه الكتاوت و اللمبه اللى فى التابلوه و كذلك قاعده السيليكونات... كل ده بعد قياس شحن الدينامو
.

[mohsal]

الحمد لله تم حل المشكله سير الدينامو كان مرخى وبالتالى الشحن ضعيف

[Colin Chapman]

مشكلة دينامو

فك كبل البطاريه السالب فقط (العربيه متكونش دايره) و ابعده عن صباع البطاريه . وصل لمبة بيان او مفك تيست بين الطرف اللي شيلته مع الصباع السالب للبطاريه. لو نورت يبقي عندك تسريب ارضي شديد او قليل علي حسب شدة اضاءة لمبة البيان. التسريب طبعا هيفضي شحن البطاريه.

لو مشكلة دينامو
لو معندهوش جديد هيصلحهولك ويرجعهولك زى ما كان !بيصلح ديناموهات ومارشات ومواتير زجاج ومواتير مساحات وعنده جديد وبيصلح قديم!
محمد لطفى
63 ش على عبد اللطيف
عابدين, القاهرة

التليفون
27963176