عايز أجيب لادا جرانتا أوتوماتيك .. حد جربها ؟

[هشام1984]

عيني على اللادا جرانتا الأوتوماتيك ... بشكا أساسي عشان فيها abs ووسائد هوائية للأمان وكده لأن مشواري طويل أوي (اكتر من 60 كيلو رايح جاي للشغل كل يوم في طرق صحراوية وعالدائري) فبحتاج عوامل أمان للسيارة ..

أنا سمعت في المنتدى هنا ان الموتور بتاع الأوتوماتيك مختلف تماماً عن المانيوال ... حد جرب الأوتوماتيك ويقدر يقولي رأيه فيها وفي أدائها ووسائل الأمان فيها ؟؟ وإيه مميزاتها وعيوبها ..؟؟

و هل هي إختيار كويس للطرق الصحراوية والمشاوير الطويلة ولا تنفع داخل المدن بس ؟؟

وشكراً مقدماً ..

[medo_31]

اللي نزل منها عدد قليل وفيه دفعة كبيرة هتنزل على اخر الشهر , لكن اللي جربوها شكروا فيها وكام واحد حصل معاهم مشكلة في الفتيس مع الزحمة .. فممكن تنتظر الشهر ده لغاية ما الدفعة تتسلم وتشوف اراء الناس ايه وتقرر
انما معظم اللي اشتراها بيشكروا فيها ..وحالياً مفيش لا مانيوال ولا اوتوماتيك كله حجز.. بس عامة العربية اجمالا ممتازة ولو اثبتت نفسها هتاكل الجو

[Colin Chapman]

[kh_daeod]

كنت عايز اسال بردو عن معدل استهلاك البنزين فى اللادا كام كيلو فى الصفيحة

[walidzakzok]

دي مش اوتوماتيك عادي دي شبيهة بالاوتو الخاص بالكورولا الجنوب افريقى انفد بجلدك من شركة الامل دة غير ان العربية في حجم البروتون ساجا

[mif]

عيني على اللادا جرانتا الأوتوماتيك
مفيش اوتوماتيك
فيه مانيوال بدرياج
و فيه مانيوال بدون دبرياج AMT
... بشكا أساسي عشان فيها abs ووسائد هوائية للأمان وكده لأن مشواري طويل أوي (اكتر من 60 كيلو رايح جاي للشغل كل يوم في طرق صحراوية وعالدائري) فبحتاج عوامل أمان للسيارة ..

أنا سمعت في المنتدى هنا ان الموتور بتاع الأوتوماتيك مختلف تماماً عن المانيوال
المانيوال 86 حصان و الاخرى 105 حصان... حد جرب الأوتوماتيك ويقدر يقولي رأيه فيها وفي أدائها ووسائل الأمان فيها ؟؟ وإيه مميزاتها وعيوبها ..؟؟
عايزة تخلى بالك من الفتيس ... علشان صيانته مكلفة غير كدا تمام
و بعض الناس عندها اصوات تزييق فى العفشة


و هل هي إختيار كويس للطرق الصحراوية والمشاوير الطويلة ولا تنفع داخل المدن بس ؟؟
من لسان ملاكها كويسة جدا
وشكراً مقدماً ..

[Colin Chapman]

mohamed Aziim

mohamed Aziim