تقطيع فظيع بيروح ويجي

[عمرو كاشف]

اول امبارح العربية كانت مع اخوبا لما جيت اخدته منه لاقيتها تقريبا مفيهاش بنزين روحت فولتها وروحت البيت ( مسافة 10 كيلو ) والدنيا زي الفل
تاني يوم طلعت بيها مشوار صغير لاحظت ان العربية تقريبا مأخرة شوية وقطعت مني تقطيعة جامدة اوي كأن حد بيشد العربية من ورا جامد ويزقها جامد اوي وما اتعدلتش غير لما زودتلها بنزين الغريب ان الموضوع دا مش مستمر دا بيجي ويروح غير كدا الموضوع دا ما بيحصلش غير على السرعات القليلة بس
تالت يوم طلعت بيها مشوار كبير ( 120 كيلو ) والموضوع ما حصلش معايا غير مرة واحدة كانت على سرعة قليلة وبرضه ما عرفتش احل الموضوع دا غير اني ازود بنزين يا ترى المشكلة فين بالظبط ؟

[zamek]

اعتقد بك السلانسيه مسدود

[عمرو كاشف]

اعتقد بك السلانسيه مسدود

ودا بيتسد من اية يا باشا ويتسلك ازاي ؟

[zamek]

مسمار كبير في الكربراتير تحت العمه بتفكه و تنفخ فيه او بسلكه تسلكه لانه عامل زي الفونيا و بيتسد من رواسب البنزين ودا لان العربيه اربت تشطب بنزين فجابت الرواسب الي في التنك لاحظ ان تفويل البنزين لما المؤشر يجيب النص عشان الرواسب و بيك السلانسيه هو رقم 1 في الصوره و بعد ما تفكه اربطه كويس

[enhassan]

رائع جدأً

[عمرو كاشف]

مسمار كبير في الكربراتير تحت العمه بتفكه و تنفخ فيه او بسلكه تسلكه لانه عامل زي الفونيا و بيتسد من رواسب البنزين ودا لان العربيه اربت تشطب بنزين فجابت الرواسب الي في التنك لاحظ ان تفويل البنزين لما المؤشر يجيب النص عشان الرواسب و بيك السلانسيه هو رقم 1 في الصوره و بعد ما تفكه اربطه كويس

ينفع انا انضفه ولا الموضوع فيه خطورة يا باشا ؟!

[احمد شهاب]

يا استاذ عمرو لو العربية بتدور بصعوبة الصبح والتقطيعة دى بتيجى والعربية سخنة تبقى بوبينة ..خلى الميكانيكى بتاعك يحط لك بوبينة من عندة واختبر العربية لو العيب اختفى تبقى البوبينة غيرها هات بوبينة يابانى بمقاومة
اما اذا وضعت بوبينة تانية والعيب دة استمر ممكن تكون بيكات الكرابرتير ضيقة
على فكرة انا ايضا عندى المشكلة دى وغيرت الاسبراتير والبوبينة الى اليكترونى واختفت المشكلة لمدة 8 شهور ولكن رجعت تانى لما اكون مثبت رجلى على البنزين على الغيار التانى وبفكر اركب بيكات الفبريكة

[احمد شهاب]

بيك السلانسية لو اتسد العربية عمرها ما تدور ممكن تجرب تحط فى التنك الاضافة اللى بتنظف دائرة البنزين وانت بتفول

[zamek]

بك السلامه لو فيه عفره صغيره يخلي العربيه تقطع علي السلانسيه وتروح التقطيع لما تزود بنزين لأن بك السرعه هو للي بيشتغل وتسليكه سهل في دقيقتين حتي لو معرفش تسلكه رجعه مكانه و اربط بس ولو مسدود العربيه هتدور لو زود بنزين لأن بك السرعه هو الي هيشتغل لو عايز تنظف الكربراتير ممكن تحط منظف الكربراتير من ليكي مولي أو مجون علي تفويله بنزين هوكان ب35ل50ج بس بينظف دوره البنزين و البوجيهات و الكربراتير و في نوع بيترش من فوق تفك عمه الهوا و تشيل فلتر الهوا و ترشه في الكربراتير مباشرة

[abokoko]

مسمار كبير في الكربراتير تحت العمه بتفكه و تنفخ فيه او بسلكه تسلكه لانه عامل زي الفونيا و بيتسد من رواسب البنزين ودا لان العربيه اربت تشطب بنزين فجابت الرواسب الي في التنك لاحظ ان تفويل البنزين لما المؤشر يجيب النص عشان الرواسب و بيك السلانسيه هو رقم 1 في الصوره و بعد ما تفكه اربطه كويس

ممكن ذكر اسماء البكات حسب الارقام في الصوره