كرسى النص اغيرة ولا

[ibnelfared]

العربية عندى فيها صوت عالى على السرعات المهم عملت كل حاجة ولاقيت كرسى النص لما بحرك عمود الكردان فيه زى بوش كدة .
ممكن أغيرة بنفسى لأن الميكانيكة اغلبهم ولا فى بالهم الشغل النظيف فأستاذنكم هو أمتى اغير كرسى النص اعطالة واذاى اعرف و هل ممكن اغيرة ولا لازم ميكانيكى

[Mecha]

لو الجلد شقق ، او البليه شرخت او فرطت لازم يتغير
تغييره موش صعب.
بتحل الكردان وتتطلع المشرشر وتطلع الكرسي وتحط
الجديد وتقفل.

[محمود السيد]

يحتاج الى ميكانيكى مش سهل

[ibnelfared]

وأخر كلام أيه ميكانيكى ولا أغيرها أنا

[abokoko]

هل كرسي النص هو الفلانشه ?

[Mecha]

[ahmed12ea]

خلي الميكانيكي يغيره لانه تغيره متعب جدا انا لسه مغيره قريب وشفت المكانيكي بيغيره ازاي لا صعب بجد

[abokoko]

شكرا للصوره
بس ممكن التوضيح
انا قاعده الفتيس
الفلانشه
الصلايب
المشرشر

فين مكان كرسي النص
?

[محمود السيد]

كرسى النص موجود بعد الفلانشة بين الفلانشة والكرونة

[abokoko]

تقريبا فهمت
هوحلقه الوصل بين قطعتي عمود الكردان

[tameem2010]

تغييره ضروري جدا بدل ما يفرك ويعمل لك مشاكل لاقدر الله
لان الكردان لو سقط ودقر في الارض على السرعات العاليه ده بيسبب انقلاب السيارة عشان كده في العربيات النقل احيانا بيحطوا سلسلة تحت الكردان عشان لو وقع مياثرش على العربيه ... عموما احتمال سقطو الكردان ميعديش 1في الالف بس الاحتياط واجب
تغييره بسيط جدا ومبياخدش اي وقت

[Mohamed Desoky]

بسم الله الرحمن الرحيم نتكلم كلام ميكانيكية عايز تعرف كرسى النص بايظ وله 1 نام تحت العربية امسك الكردان من النص وهزه جامد يمين وشمال وهيبان معاك لوبايظ يبقى انتى عايز ورشة فيها منجله وشاكوش تقيل نبدء الشغل فك 4 مسمار 13 من الكردان خلفى وبعد فك 2 مسمار 13 بتوع كرسى النص وشد الكردان لوره هيطلع معاك سهل من الفتيس وخلى بالك لف كيس بلاستيك على المشرشر علشان التراب والشحم بعد كده خده على المنجله وفك الصليبة التيلة وشوية دق حلوين لحد متخلع الصليبة وهيا كده كده بايظة مش هتركب غير جديده وهتلاقى صاموله 30 تفكها وتطلع كرسى النص وتنظف وتشحم وتركب بلترتيب والصلايب بتتقفل من غير دق خالص على المنجلة شحط وتركبه فى العربيه معلش طولت عليك اصلى اشتغلت فى ورشة خالى ميكانيكى سيارات 12 سنة ايام الدراسة ولحد دلوقتى كل عربية اشتريها اعمل فيها كل حاجة بنفسى متهيالى دى ميزه مش فى كل الناس انتى كمان اعمل كل حاجة واتعلم مفيش مستحيل لان اجمل شىء تعرف العيب وتصلحة بنفسك لانك الوحيد اللى هتصلح بزمة تقبل تحياتى

[abokoko]

الله ينور

تعليقي الوحيد
علي تركيب الصلايب بدون دق

للاسف جميع الميكانيكيه والعفسجيه بيدقوا علي طول

في تركيب بليه العجليه
في تركيب البيض
في تركيب جلب المقصات