Lada granta

[anroo]

سلام عليكم. انا روحت شوفت لادا جرانتا النهارده، عةبيه حلوه بالسعر ده مقارنه بالامكانيات العربيه. سؤالي هي العربيه ٢٠١٦ تقفيل مصري لان في معرض الي تقفيل مصري؟؟؟

[محاسب صعيدى]

متابع

[SAMER_ENGINES]

افتكر كدة بس ننتظر التأكيد من الاعضاء و ياريت حد يعرفنا اسعار الروسى و المصرى انا سألت عليها فى معرض باب اللوق الاوتوماتيك عاملة 101000 كاش بس للاسف نسيت اسأله روسى و لا مصرى.

[SAMER_ENGINES]

نسيت اقول انى رغم انى بعت عربيتى اللادا 2015 لكن لسه عامل لوجو اللادا صورة شخصية و انى على الاغلب مش هشيله ابدا و يارب ربنا يفرجها قريبا و حشترى اما الفيستا او الجرانتا

[anroo]

انا لسه سائل في التوكيل و المانوال بس الي فيها تقفيل مصري لكن الاوتوماتك روسي

[medo_31]

فيه مصري ودي بتزيد عن الروسي انها 16 صباب و105 حصان و2 ايرباج وزجاج فاميه وabs وسعرها 84الف والروسي تقريبا 86 الف بس الموجود قليل جدا

[mif]

نزلت اول 7/2015 بسعر 72 الف جنيه روسي فقط للمانوال و ال amt كانت ب 90
و فى خلال اسبوع بقت الاسعار 75 -92
لحد ما وصلت مصري 82 و روسي 84 و اوتو 96 دى اسعار رسمية
و فى المعارض 84-86-100
فيه مصري
و فيه روسي
و المصري اول ما نزلت(82) كانت اغلى من الروسي(80) و لما اثبتت فشل فى التقفيل. الروسي اصبح اغلى من المصري(84)

و دا حال اى دولة متخلفة لا تصنع او تزرع او تنتج ابسط احتياجاتها

المصري بتختلف عن الروسي انها 2 ايرباج و الروسي واحدة بس
المصري زجاج فاميه و الروسي لا
المصري 105 حصان 16 صباب 2 كامة (استهلاك بنزين اعلى ) الروسي 87 حصان 8 صباب 1 كامة

[mif]

لما كانت ب 75 استحرمت ادفع فيها المبلغ دا و كانت روسي و كنت حاخدها كمان ب74
السيارة مصممة انها تكون ارخص سيارة سيدان فى العالم كعادة شركة لادا
العربية معمولة من جوا بخانات رخيصة جدا جدا علشان يقللوا سعرها
لادا = ارخص سيارة + ارخص صيانة + اعتمادية و اقتصادية جدا
و لكن بسبب الجشع انهار اسم لادا على ايد الامل
لادا جرانتا سعرها فى روسيا بيبتدى من 35 الف جنيه
بمعنى انه مستحيل يكون ثمنها حتى 70 الف جنيه
(و على فكرة الروبيل الروسي من 7/15 لحد 12/15 فى هبوط مستمر يعنى السلع اللى بالروبيل بترخص للى بيشتري بالدولار و الاسعار رفعن فعلا بسبب زيادة الدولار من شهريين بس رجع استقر للمستوى الطبيعي لكن التاجر المحترم ما بيصدق ..... و يقولك شطارة و اهو كله بيصب فى زيادة نسبة الربح)
جرانتا ب 35 الف جنيه للمستهلك
يعنى شركة الامل بتاخدها بخصم بحسب الكمايات و كله دا بيقلل تكاليف الرسوم المفروضة لانها فى شكل نسب
و قلت قبل كدا لادا جرانتا استيراد اخرها يوم ما يضربها الدم بمكسب الامل و المعرض لا يتعدى 60 الف جنيه

نيجي بقى للتجميع المصري
الدولة بتخصم نسبة من الرسوم حسب نسبة المكون المصري
دا غير ان العربية بتدخل فى شكل قطع غيار اغلب المكونات جمركها 5%!
و نيجي لحاجة تانية اذا كانت روسيا بتبيع جرانتا للمواطن بما يعادل 35 الف جنيه
ماذا يشمل ال 35 الف جنيه :
1- سعر المكونات المستخدمة
2- تكلفة التجميع
3- مكسب المصنع
4- مكسب المعرض
5-تكلفة الاعلانات
6-تكلفة التطوير و استحداث التكنولوجيا
7- ضريبة
فى حالة التجميع المصري الشركة الروسية بتاخد فقط 1+2+3 فقط فقط فقط

من الاخر كدا ممكن التجميع المصري تتباع ب 45-50 الف و يبقى دا اخيرها بمعنى الكلمة شامل مكسب ضخم جدا للامل مع مكسب محترم للمعرض ..... لكن شركة الكسل عايزة بدل ما تكسب x من بيع الف عربية مثلا عايزة تكسبهم من 100 عربية فقط .

[anroo]

ياجماعه انا الجمد لله استلمت العربيه هي جميله بس مش عارف الريمت مش شغال هل حد عنده فكره عنه

[محاسب صعيدى]

موضوع رائع

[RAOUFRASHAD]

فتيس لادا جرانتا

ايه حد جرب العربية وعنده معلومة عن العربية ياريت يقولها علشان بفكر فى العربية ديه الاوتوماتيك بالرغم ان معايا اوبترا بس مانيوال.
وياترى الفتيس amt عامل ايه فى ... علشان انا اقرات انه كان فى مشاكل فى الفتيس ده لما نزل فى التوياتا سنة 2008 و سنة 2009 ... علشان بيقولوا ان الفتيس ده مش بيحب الشوارع الزحمة اللى عندنا.

[anroo]

انا روحت امبارح التوكيل و طلع الريموت لازم يتبرمج.

[anroo]

الفتيس مش هيبئا فيه مشكله لو اتعملت معاه صح و هو في الزحمه اشتغل مانوال يعني مجرد نقل زائد وهي مع الفرمله بتنزل تاني و طول مالطريق ماشي خليه اوتو

[ahmedfor3]

ها يا جماعه اخبار العربيه ايه من اصحبها

[ahmedfor3]

ايه يا جماعه هو مفيش حد رد ليه اصلى مهتم بالعربيه وعايز اجيبها