استفسار غطاء الموتور بيعرق زيت وريحة زيت محروق جامدة في العربية

[A.M.G]

بسم الله الرحمن الرحيم

[justify]السلام عليكم ورحمة الله وبركاته
بعد اذنكم يا جماعة انا عندي لادا 2105 موديل 1995 العربية كنت بلاحظ ان كل شوية تتلت والبكات تتسد فرحت الميكانيكي فقالي العربية بتنفخ وشال الخرطوم الي داخل للعمة وفعلا لقيته عليه زيت قلتله طيب ايه الحل علشان ريحة زيت جامدة طالعة عليا تخنق قالي زود حتة خرطوم ونزلها تحت بحيث النفخ كله ميجيش عليك وفعلا عملت كده بس برضه لسه ريحة دا غير ان الغطا بتاع الموتور معرق زيت رحتله تاني قالي كده عايزة طقم شنبر بس الموتور شكله متفكش قبل كده ولو حليناه عزم العربية هيقل فانا قلقت الصراحة فقالي عادي امشي بيها كده مفيهاش خطر المهم مشيت بيها كده فتره بس لاحظت ان لما اكون ماشي بسرعة وامور او اهدي اشم ريحة الزيت دي جامد حتى لو العربية السخونية على الشرطة الاولى يعني تعتبر باردة في الشتا ولو الدنيا حر شوية والحرارة بتاعت الموتور زادت بتبقى ريحة زيت محروق لاتطاق لدرجة اني بتخنق جدا وبدوخ واصدع وهدومي ريحتها بتبقى زيت لكن الزيت عمرة مانقص بس بينزل لونه اسود او بني غامق يعني مش بتاكل زيت
المهم علشان ما اطولش على حضراتكم تنصحوني اعمل ايه ؟؟؟
وياترى الخبراء ايه تشخيصهم؟؟؟
وهل فعلا العربية محتاجة طقم شنبر كده؟؟؟
ولو معملتوش ومشيت بيها فتره هل ده غلط على الموتور ولا عادي ولو غلط ايه ممكن تكون النتيجة؟
وهل فعلا طقم الشنبر بيقلل عزم العربية لو عملته؟ وازاي اعرف اذا كان الموتور محلول او معمر قبل كده؟
واسف للاطالة وشكرا مقدماً لحضراتكم[/justify]

[mohsal]

روح لميكانيكى تانى يكون فاهم لو قالك عمره توكل على الله

[zamek]

لو العربيه مابتكلش زيت ماتعملش حاجه علي فكره ساعات ريحه الزيت المحروق او العادم بتيجي من الشنطه لو الجوان بتاعها بايظ علي العموم مد الخرطوم الي تحت و افزه مع الشكمان لاخر العربيه

[ahmed.biso13]

انا راى تنزل افيز فايز الزيت وبلاش من موضوع طقم شمبر لانه الماتور هيتفك نصفين والطقم هتغيره تانى
انا راى يتفك الماتور كامل ويتعمل عمرة كاملة لان طقم الشمبر معناه فك الماتور نصفين
فطالما هيفك يبقى يحل الماتور وعمل عمرةكاملة لان العمرة كل حاجة متفصلة بالملى وريخ دماغك من القصة دى زى ماحصل عندى فى العربية الشاهين

[A.M.G]

الف شكر ليكم جميعا على الاهتمام والرد
ان شاء الله هحاول اطول الخرطوم مع انه هيكون موضوع صعب لان مش عارف اافزه ازاي مع الشكمان لان الحرارة ممكن تسيحه ( انا مستعمل حتة خرطوم بلاستيك من بتاع المية)
معلش بس هو في سؤال بالنسبة لغطا الموتور معرق زيت هل ممكن يكون الغطا كده باظ وهو الي بيطلع الريحه يعني اغيره مع انه الاصلي

[A.M.G]

وياريت لو حد يعرف العمرة هتتكلف كام بالمصنعية يعني في حدود كام تقريبا

[Abo_Mazen]

من كلامك المكنه خفيفة جدا ..إعمل مقايسة لنص عمره وعمره كامله كده وشوف كده هتتكلف كام

[waledashraf]

بسم الله الرحمن الرحيم

[justify]السلام عليكم ورحمة الله وبركاته
بعد اذنكم يا جماعة انا عندي لادا 2105 موديل 1995 العربية كنت بلاحظ ان كل شوية تتلت والبكات تتسد فرحت الميكانيكي فقالي العربية بتنفخ وشال الخرطوم الي داخل للعمة وفعلا لقيته عليه زيت قلتله طيب ايه الحل علشان ريحة زيت جامدة طالعة عليا تخنق قالي زود حتة خرطوم ونزلها تحت بحيث النفخ كله ميجيش عليك وفعلا عملت كده بس برضه لسه ريحة دا غير ان الغطا بتاع الموتور معرق زيت رحتله تاني قالي كده عايزة طقم شنبر بس الموتور شكله متفكش قبل كده ولو حليناه عزم العربية هيقل فانا قلقت الصراحة فقالي عادي امشي بيها كده مفيهاش خطر المهم مشيت بيها كده فتره بس لاحظت ان لما اكون ماشي بسرعة وامور او اهدي اشم ريحة الزيت دي جامد حتى لو العربية السخونية على الشرطة الاولى يعني تعتبر باردة في الشتا ولو الدنيا حر شوية والحرارة بتاعت الموتور زادت بتبقى ريحة زيت محروق لاتطاق لدرجة اني بتخنق جدا وبدوخ واصدع وهدومي ريحتها بتبقى زيت لكن الزيت عمرة مانقص بس بينزل لونه اسود او بني غامق يعني مش بتاكل زيت
المهم علشان ما اطولش على حضراتكم تنصحوني اعمل ايه ؟؟؟
وياترى الخبراء ايه تشخيصهم؟؟؟
وهل فعلا العربية محتاجة طقم شنبر كده؟؟؟
ولو معملتوش ومشيت بيها فتره هل ده غلط على الموتور ولا عادي ولو غلط ايه ممكن تكون النتيجة؟
وهل فعلا طقم الشنبر بيقلل عزم العربية لو عملته؟ وازاي اعرف اذا كان الموتور محلول او معمر قبل كده؟
واسف للاطالة وشكرا مقدماً لحضراتكم[/justify]

انا عندي نفس المشكله بس سايبها لحد ما تجيب اخرها عشان اعمل عمره واجيب فتيس وكرونه عشان المشكله دي متتكررش تاني لان الفتيس الاربعه بيعلي صوت العربيه اوي وبيقرص علا الشنبر الي جوا المتور