هل اركب اسكترا ف عربيه 2105؟

[waledashraf]

ااسلام عليكم
كان عندي استفسار بخصوص تقل الدركسيون ف العربيه اللادا 2105 عايز استفسر من حد معاه العربيه دي ومعدل ف العفشه او عنده خبره في موضوع تعديل العفشه هل ينفع اركب للعربيه اسكترت عربيه فيات 131 ولا اركب اسكترا لادا جديده هل العربيه مش هتبقى مزبوطه علا السرعات لو ركبت اسكترا ياريت حد يفدني ف الموضوع دا لو ينفع هتبقا حلت مشكله التقل بتاع الديكسيون لاني ناوي اجيب جنط بيبي اس 15 وكاوتش مقاس 195/60 ودا هيخلي الديكركسيون العادي يبقا تقيل جدااا

[ahmscu]

تعديل الاسكترا موجود عند حمدى لادا بس بيعدى الفين جنيه وناس اشتكت من التعويم على السرعات العاليه وفيه تعديل تانى بيجيبوا علبة تويوتا كورولا ويركبولها طرمبة باور بس بيعدى 3 الاف جنيه وناس كتير شكرت فى التعديل ده،بس طبعا لما تيجى تبيع ولا حد هيقتنع اصلا،الحل المعقول شويه ومفيش فيه لعب كتير انك تجيب طقم بيض بلغارى او تركى ومعاه مناول على رولمان بلى،كده الدركسيون هيخف بنسبة 30 %

[waledashraf]

تعديل الاسكترا موجود عند حمدى لادا بس بيعدى الفين جنيه وناس اشتكت من التعويم على السرعات العاليه وفيه تعديل تانى بيجيبوا علبة تويوتا كورولا ويركبولها طرمبة باور بس بيعدى 3 الاف جنيه وناس كتير شكرت فى التعديل ده،بس طبعا لما تيجى تبيع ولا حد هيقتنع اصلا،الحل المعقول شويه ومفيش فيه لعب كتير انك تجيب طقم بيض بلغارى او تركى ومعاه مناول على رولمان بلى،كده الدركسيون هيخف بنسبة 30 %

كلامك سليم محدش بيقدر بس انا بعمل الحاجات دي لنفسي انا كنت ناوي اعدل فيها واجيب جنط 15 بس حسيت اني مش هعرف الف الدركسون لو علا الوضع دا
بس فكرت علبه التويتا دي كويسه جدا ممكن اعرف منك العلبه دي بتاعت تويتا موديل ايه وبتركب علطول ولا فيه تعديل ف البارات والمناول والبيض؟ وهل العربيه بتبقا ثابته ف السرعات العاليه لاني بجيب بيها 140 ف الوقت الحالي؟ معلش هتعبك معايا

[abokoko]

متابع
ولو حضرتك عملت اي تعديل
ابقي صور كل قطعه هتركبها الاول قبل التركيب وبعد التركيب

انا عامل المناول علي رولمان بلي كويس بس مش بدرجه كبيره - الميزه في رولمان البلي انك بتتخلص من مشكله الفبره البلاستيك اللي بتتاكل كل كام شهر

[mohsal]

حقولك المفيد فى الموضوع ده والخلاصه من مجرب ومعايا العربيه - عربيتى روسى موديل ٢٠٠٩ تم تركيب الباور فى التوكيل الامل بالاسكندريه ولاانصحك باى جهه اخرى غير التوكيل لاجراء التعديل
اولا بعد التعديل كل اجزاء العفشه بيض- مقصات - مناول- تيش هي نفسها لم يتم تعديل اى جزء منها ليتناسب مع الباور٠
يتم فقط الغاء علبه الدريكسيون وده شىء مفيد بسبب مشاكلها الدائمه والبوش فى الدريكسيون وعدم وجود الاصلى منها٠
يتم تركيب ماكينه باور هايدروليك بدون اى مشاكل٠
التعديل يحتاج الى بعض اعمال السمكره والقص فى الصاج والتوسعه وبالتالى سيستحيل ارجاع الدريكسيون على علبه دريكسيون مره اخرى٠
الدريكسيون بعد التعديل بقى بتاع عربيه تانيه انت مش راكب لادا خفيف جدا واركن براحتك واعمل غرز واعمل كل اللى نفسك فيه٠
التكلفه ٣٥٠٠ جنيه بس الفرق فى الاداء يستاهل بالاخص لو العربيه ليك٠
مش حتصدق ان العفشه عندى من قدام كانت كلها محتاجه تتغير ومش حاسس باى تقل او تحجير فى الدريكسيون بسبب الباور باثتثناء صوت الخبط والكركبه فى العفشه٠
العربيه بمشى بيها على ١٤٠ عادى جدا وحاليا الباور مفصول بسبب انقطاع السير مش حاسس بفرق على السرعات العالية٠
مالك السياره السابق اخبرنى بان التعديل عليه ضمان ١٠٠٠٠ كيلومتر٠
نيجى للعيوب :
اولا حوض الموتور ضيق لان انا عربيتى انجكشن والباور مقلل من المساحه القليله فى الاصل اما الموتور الكربراتير فاعتقد حوض الموتور اوسع من الانجكشن٠
ثانيا سير التقسيمه بيركب ورا سير الباور فلو اتقطع سير التقسيمه او حبيت تغيره لازم تفك سير الباور وفك سير الباور يحتاج لترييح مكنه الباور ودى عمليه مقرفه جدا واخر مره اتقطع سير التقسيمه ماشى بالعربيه من غير باور لان انا بشتغل بايدى٠
ثالثا لو انقطع السير اثناء السير بسرعه حيلطش فى حساس الكرنك وهذا ماحدث معى مما ادى الى انفصال فيشه الحساس وتلفها والمحرك لن يدور الا بوجود هذا الحساس (هذا للمحرك الانجكشن).
اخيرا اجراء التعديل فى التوكيل وليس باى جهه اخرى٠

[abokoko]

هل التعديل ممكن بدون باور
يعني استبدال علبه الدركسيون فقط
لو ينفع هتبقي التكلفه كام

[waledashraf]

اشكر الجميع بخصوص الردود وانشاءالله هجيب علبه باور واصور للناس الي عايزه تستفيد من الموضوع دا وهجيب اسعار كل حاجه

[waledashraf]

اشكر الجميع بخصوص الردود وانشاءالله هجيب علبه باور واصور للناس الي عايزه تستفيد من الموضوع دا وهجيب اسعار كل حاجه

[new_man2010]

متابع بشده ونرجو منكم ارفاق صور بالحلول والتكلفة الاجمالية وافضل مكان للتعديل مثلما شرح الاخ mohsal