وان الشكمان + اولسيه الكرونه

[abokoko]

غدا باذن الله سوف اغير جوان الشكمان + اولسيه الكرونه
جوان الشكمان من عند الفرن لقيت هوا سخن طالع والميكانيكي لما فتح الكبوت اكد انه عايز يتغير وطلب 2 جوان
بس المحل اللي رحت اشتري منه قال عايز القديم علشان يديني زيه

وكنت بغير زيت وبشحم العربيعةه ونزلت تحتها لقيت تسرين من عند الكرونه مع الكردان والزيت ناقص
لميكانيكي قال الاولسيه عايز يتغير ونزود زيت بعد التغيير وطبعا الاولسيه لازم يتحل الاول علشان اجيب بديله

[pepo2011]

بالتوفيق

[waledashraf]

ربنا يوفقك ويكرمك انا كنت عايز اوجه رساله لكل الناس الي لما تسمع سيره اولسيه انا هكي موقف حصلي مع واحد عفشجي كنت بغير لعربيه والدي اولسيه اسكترا لدايو ليجانزا المهم قالي هات الاصلي من عند واحد معتمد ف طريق سكه المحله ف طنطا المهم سئلت عليه ملقتوش موجود فسئلت هوا بيعمل كام قالي 180 جنيه الكوري فرحتله بعتني لواحد تاني بردو بتاع دايو وقالي مش موجود و ابموجود ب 40 جنيه صيني اتصلت بالعفشجي قالي متجيبوش المهم قالي مترجعش منغيرو
المهم بالصدفه وانا ماشي بعد ما تعبت من اللف عديت على عفشجي محترم قالي روح لاي محل متخصص ف الاولسيهات وهات اولسيه ياباني ب 30 جنيه نفس المقاس واديهولو وركبه علا مسؤليتي وبالفعل عملت كدا
ولقيته المهم وديته للعفشجي سئلني جبته منين،وبكام قلتله ملكش دعوه وركبه وخلاص والاولسيه ركب والعربيه ماشيه زي الفل بقالي سنه ونص اهي قصدي من الكلام دا ان الصناعية ممكن تشتغل الواحد ف موضوع الاولسيهات دا وخصوصا لو مش فاهمه حبت بس اشرح تجربتي للناس الي ممكن متعرفش حكايت الاولسيهات وتجيب اولسيه بالغالي وممكن تجيب الانضف والارخص منغير ما ينضحك عليهم واةيد فيه ناس عارفه موضوع الاولسيهات دا انو مقاسات بس انا حبيت انقل تجربتي يمكن حد يستفيد منها

[abokoko]

انا الموضوع ده في رولمان البلي
وكلام حضرتك ينطبق بالكامل علي رولمان البلي ومن عند المتخصص بيكون احسن و ارخص
بس الاهم انك تروح له بالقديم علشان المقاس


سؤالي لحضرتك
متخصص الاولسيه هو نفسه بتاع الرولمان بلي
?

[abokoko]

بالتوفيق

شكرا لحضرتك

[waledashraf]

انا الموضوع ده في رولمان البلي
وكلام حضرتك ينطبق بالكامل علي رولمان البلي ومن عند المتخصص بيكون احسن و ارخص
بس الاهم انك تروح له بالقديم علشان المقاس


سؤالي لحضرتك
متخصص الاولسيه هو نفسه بتاع الرولمان بلي
?

رمان البلي غير الاولسيه رمان البلي فعلا مقاسات بردو زيه زي الاولسيه ف المقاسات وفيه بلي ياباني وصيني وكلوووو اهم حاجه المقاس انما الاولسيه دا زي غطا جلد وحديد بيمنع تسرب الزيت علا ضغط وغالبا بيبقا ف المواتير الجديده كتير والاستكترات الباور والذي منه بس فيه ناس تسمع كلمه اولسيه تتخض هوا سهل وبسيط

[Mecha]

ايوه الاويل سيل له مقاسات عليه،العمليه اصعب شويه من البلي ، عشان فيه اويل سيل شحم ولما تركبه لزيت يضرب.وايل سيل الاسكترات والهيدروليك اللي عليها ضغط مختلفه عن العادي. ممكن جت حظ. عشان كدا الناس بتتعب عشان تلاقي الاصلي

[م أحمد]

الطريقة المثلى لتركيب جوان الشكمان : تحط طبقة سيليكون (اى نوع لانه بغرض تثبيت وقتى فقط) على الجوان و تلزق الجوان على زور الشكمان الخارج من الموتور و تظبط الجوان بالظبط على الحواف و تسيبه ينشف شوية

بعد كدة بكوريك العربية ترفع الماسورة و واحدة واحدة تقابس (تضبط) الماسورة مع الزور و تربط صواميلك و شكرا و بكدا تضمن الجوان ما تزحلقش بين الماسورة و الزور و مفيش اى درجة تسريب للعادم لانه محكم من جميع الجهات

بس مين صنايعى هيعمل كدا !!!

[abokoko]

شكرا لحضراتكم جميعا

اولا في محافظتي البحر الاحمر كل اللي بساله عن متخصص اولسيه يقول لي الكلام ده في القاهره بس

بالتالي اشتريت الاولسيه من محل قطع غيار و الاولسيه مش في علبه وبيقول عليه بولندي بسعر 15 جنيه واخدته ثم رجعته لانه طلع اكبر وجبت نفس النوع اصغر ونفس النوع لانه هو بس الموجود عنده دون خيارات

و الميكانيكي ركبه بالدق بالشاكوش
ومن قبلها طلع القديم بالعافيه لاني بتاع العربيه الاصلي

الجوان جبت 2 لونهم فضي لامع فك الشكمان برفع العربيه بالكوريك وركب الجداد ونزل الكوريك
وقال بعد كام يوم يربط علي المسامير بعد ما الجوان يطبع كويس
ال 2 جوان ب10 جنيه

مصنعية الميكانيكي المعرفه 40 جنيه

الحمد لله رب العالمين

[abokoko]

طبعا بعد تركيب الاولسيه
زودت زيت الكارونه واخدت اقل من كيلو تقريبا

[abokoko]

حصل حاجه غريبه وانا راجع مباشره

الفرامل حجرت
ولاني مريت بنفس التجربه
فكيت خرطوم السيرفو
وطلعت البلاستكه السكس بلف
ونفخت فيها من الاتجاهين علشان اختبرها
لقيتها مسدوده من الاتجاهين

محلات قطع كانت بعيده شويه

خبطت البلاستكه علي الارض ونفخت لقيتها اشتغلت
ههههههههههه يعيش الصيني

ركبتها وكملت طريقي
وباذن الله اليوم اشتري واحده جديده واركبها