رد شركة لادا على الشكوى ضد توكيل الامل

[lonedoctor]

منذ يومين وضع احد الاخوة العنوان الاليكترونى لشركة لادا فى المنتدى فقلت ياواد خش عليه وشوف الوضع وبالمرة ابعت شكوى صح ضد توكيل الامل ربنا يخلصنا منه المهم الموقع كله روسى ومافيش كلمة انجليزى من هنا لهنا وصلت للصفحة الخاصة بارسال رسالة بريدية اليهم وكتبت شكوى محترمة بالانجليزى وقلت انا وحظى مع الناس دى ووضحت لهم ان هذا التوكيل هو سبب نكسة اللادا فى مصر بشكل عام وكيف يتعامل مع العملاء ولا يوجد اى سياسة تسويق بالمنتجات على الاطلاق ولا تعريف للناس بيها الى اخره وللاسف الرد كان مخيب للامال27.11.08
"Добрый день, sherief alhussein! We have the dealership with LADA Egypt. And LADA Egypt is responsible for promoting models that it sells. It can not promote models that it does not sell."
Заместитель начальника пресс-центра. Денис Александрович
ومعناه انهم اعطوا التوكيل لشركة لادا ايجيبت وهى التى تقوم بعملية التسويق والامور عندهم عال على الاخر والدليل انهم يبيبيعوا كويس ولو ماكانش فيه تسويق كويس ماكانوا باعوا حاجة؟
الناس دى شكلها عايشة فى روسيا فوق فى البرد والدنيا عندهم طراوة على الاخر وموش واخدين بالهم ولا عايزين ياخدوا بالهم من حاجة.
بالمناسبة حد ياجماعة يعرف فين لادا ايجيبت دى؟ولا هى برضه شركة الامل؟
حسبى الله ونعم الوكيل.

[mahamedaraby]

تقريبا لادا ايجيبت هو الامل

وبعدين ياعم ما هو فل اوى دول عاملين مبيعات بعربيات وقفت من 20 سنه لكن هنا فى مصر يتصنع من اول وجديد
وكمان ضافوا النيفا

يعنى اخر دلع

عايزهم يسبوا كل ده ويبصوا لشكوى

[lonedoctor]

انا معلوماتى ان الناس دى دايما بيعملوا حساب لكل حاجة وبياخدوا مثل هذه التعليقات ماخذ الجد وليس عندهم نظام الطابونة والجمعية المنتشر فى بلدنا ام الدنيا لكن انا كنت واهم عموما انا رديت عليهم وحذرتهم تحذير شديد اللهجة بان السوق الان اصبح للكورى والصينى قادم وان لم تتغير سياستهم سيفقدوا السوق المصرى للابد

[ramez2fact]

أضف إلى ذلك عدم إهتمام الشركة الروسية بتقديم دليل مالك السيارة باللغة الإنجليزية ولا إهتمام الوكيل الوحيد بمصر بتقديم هذا الدليل باللغة العربية
حتى ولو قاموا بترجمته على حسابهم الخاص وباعوه للمستهلك بالسعر المناسب
خاصة وهناك ماركات يابانية تقدم مطبوعاتها باللغة العربية .
ترى ألا يقع هذا الأمر ضمن مسؤوليات جهاز حماية المستهلك . خاصة وأن تقديم دليل مالك السيارة باللغة العربية أو حتى باللغة الإنجليزية هو مسألة عامة تخص كل مشترى سيارة لادا ولا تحتاج إلى شرط تواجد الفاتورة وبقية البيانات التى يشترطها الجهاز والتى قد تتسبب بعد كشفها فى سوء معاملة مالك السيارة خلال فترة الضمان وما بعدها .

[mohamed2002]

طبعا يعتبر نجاح لتوكيل الامل ! لما يكون بيبع عربية ذات تكنولوجي قديم زي ال 2107,ومحققة انتشار كبير جدا في مصر سواء الروسي او المصري ,لكن خدمة ما بعد البيع سيئة جدااا جدااا ,معظم ال 2107 اللي بيتباع دلوقت تاكسي ,اسكندرية ال 2107 التاكسي منتشر بطريقة كبيرة اوي اوي

المفروض انهم يهتمو شوية بالموديلات التانية زي الكالينا والسمارا و 2110
لكن دول لا بيعملو دعاية ولا بيعملو اعلان ,حتي الكالينا قطع غيارها غالية جدا في التوكيل ومش متوفرة وان كانت بدات في التوفر مؤخرا

[CryptonX]

ياجماعة دليل انجليزي ايه و بتاع ايه ؟

هي الادا دي بتتبع في اوروبا اصلا و امركيا و لا اي حتى ؟

مش قصدي اضايق حد بس سوق لادا معروف و محدد جدا في دول الاتحاد السوفييتي السابق و بعض دول افريقيا و خلص الموضوع علي كدة ..

ثانيا حضرتك ترجمة كلامه غلط .

هو بقولك ان التوكيل بيعمل تسويق لموديلاات متوفرة عنده فقط انما ميقدرش يعمل تسويق لموديلات مش موجودة في مصر اصلا .

ثالثا شركة الامل حصلت علي توكيل شركة Byd الصينية و هو في راي توكيل اهم الف مرة من Lada حتى لو كانت صنينية لانها شركة بتقدم سيارات جديدة نسبية و تكنولجيا متوسطة مع اسعار ممتازة بالنسبة لسوقنا مقارنة مع ال Lada
فاكيد الامل حيحطوا تركيز و تسويق اكتر للbyd - ال Lada مش محتاجة اعلانات زيها زي ال 128 كل واحد عارف هي ايه و يجيبها منين .

[calipha3]

ياجماعة دليل انجليزي ايه و بتاع ايه ؟


هو بقولك ان التوكيل بيعمل تسويق لموديلاات متوفرة عنده فقط انما ميقدرش يعمل تسويق لموديلات مش موجودة في مصر اصلا .

.

صح كده+++++++++++++

[lonedoctor]

ايوة ايوة عندك حق انا ماخدتش بالى والله من المعنى المقصود وقت ما استلمت الايميل الساعة 3 بالليل وكنت على وشك النوم بس هل شركة الامل بتعمل دعاية حتى للموديلات الللى عندها؟
دول كل مبيعاتهم تعتمد على ان البسطاء من الشعب عندهم اعتقاد قديم من زمان عن سمعة السيارة اللادا انها قوية وبتستحمل الى غير ذلك وعلى فكرة الكثير من الناس ليس عنده اى فكرة عن الموديلات الجديدة زى 2110 واخواتها والكالينا يعنى فين الدعاية ؟

[mohamed2002]

ياجماعة دليل انجليزي ايه و بتاع ايه ؟

هي الادا دي بتتبع في اوروبا اصلا و امركيا و لا اي حتى ؟

مش قصدي اضايق حد بس سوق لادا معروف و محدد جدا في دول الاتحاد السوفييتي السابق و بعض دول افريقيا و خلص الموضوع علي كدة ..

ثانيا حضرتك ترجمة كلامه غلط .

هو بقولك ان التوكيل بيعمل تسويق لموديلاات متوفرة عنده فقط انما ميقدرش يعمل تسويق لموديلات مش موجودة في مصر اصلا .

ثالثا شركة الامل حصلت علي توكيل شركة Byd الصينية و هو في راي توكيل اهم الف مرة من Lada حتى لو كانت صنينية لانها شركة بتقدم سيارات جديدة نسبية و تكنولجيا متوسطة مع اسعار ممتازة بالنسبة لسوقنا مقارنة مع ال Lada
فاكيد الامل حيحطوا تركيز و تسويق اكتر للbyd - ال Lada مش محتاجة اعلانات زيها زي ال 128 كل واحد عارف هي ايه و يجيبها منين .

استاذ كريم تعقيبا علي كلامك
الادا موجودة في فرنسا ,ايطاليا,اسبانيا ,المانيا,التشيك ,ارمنيا ,بلغاريا,كرواتيا,فنلندا,اليونان,البرتغال,جورجيا
,هولندا,بولندا,الدنمارك,رومانيا ,تركيا,المجر,يوغوسلفيا بالاضافة الي كوبا والبرازيل والارجنتين والاكوادور,ارجواي
الموديلات الموجودة في البلاد السابق ذكرها ,الكالينا والنيفا وال2110 وبعض منها موجود فيها ال 2107


التوكيل الدعاية اللي بيعملها ضعيفة جدا ,البيع متركز في ال 2107,الكالينا محققتش اي انتشار ولا ال 2110 ودة بسبب قلة الدعاية اذن التوكيل مقصر في حق الموديلات دي

شركة الامل حصلت علي توكيل byd وشوف مصير العربية دلوقت اية !؟ برضة كانو واخدين توكيل العربية saba اللي هية شبه البرايد الايراني برضة محققوش اي انتشار
برضة توكيل العربيات اليوان الصيني الي شبه السوزوكي ال 7 راكب فينها دلوقت ! هما لما بياخدو اي توكيل ينزلو اعلان في الاهرام والاخبار الجمعة والسبت علي التوالي وكل سنة وانت طيب علي كدة مفيش اي دعاية ودي مشكلتهم

ال Lada مش محتاجة اعلانات زيها زي ال 128 كل واحد عارف هي ايه و يجيبها منين كلامك مظبوط في حالة اننا بنتكلم عن ال 2107 لكن برضة الموديلات الجديدة زي الكالينا وال 2110 والسمارا مش محتاجة اعلانات

[maka]

الدعاية بتعتهم معدومة انا اصلا معرفتش ان توكيل اللادا هو شركة الامل غير لما اشتراكت فى المنتدى

[mohamed2002]

الدعاية بتعتهم معدومة انا اصلا معرفتش ان توكيل اللادا هو شركة الامل غير لما اشتراكت فى المنتدى

معظم الناس متعرفش الا ال 2107 فقط

[lonedoctor]

معظم الناس متعرفش الا ال 2107 فقط

منور المنتدى والله يا اخ محمد وفعلا هذه الشركة محظوظة جدا فانا لا ادرى كيف تستمر هذه الشركة كل هذا الوقت وقطاع التسويق والدعاية فيها منعدم؟
هذه معادلة صعبة جدا لا يمكن قبولها الا اذا اعتقدنا ان السيارة الادا هى منتج جيد جدا له سمعته بين العملاء وهو الذى يقوم بنفسه بالدعاية المبنية على هذا الاساس وهذا طبعا بالمقارنة بالسعر المعروض .
وانا مثلا عندى السيارة الادا بشكلها القديم بعد التعديل وتركيب الباور والمكيف افضل من الصينى بكل انواعه وكثير من الموديلات الكورية فالسيارة ليست شكل وكماليات ورفاهية فقط وانا لاارى سيارة كورى فى السوق تعدت فترة ال 10 سنوات وحالتها مازالت جيدة بالمقارنة لللادا صحيح هذا الفكر عالميا غير مقبول فالسيارة فى اوروبا وامريكا بعد 10 سنوات لا يسمح اصلا بترخيصها ولكن منظومة الحياة المصرية بكل معطياتها مختلفة تماما هذا ربما هو سبب استمرار الادا فى مصر وكذلك شركة الامل وتقبلوا تحياتى.

[mohamed2002]

منور المنتدى والله يا اخ محمد وفعلا هذه الشركة محظوظة جدا فانا لا ادرى كيف تستمر هذه الشركة كل هذا الوقت وقطاع التسويق والدعاية فيها منعدم؟
هذه معادلة صعبة جدا لا يمكن قبولها الا اذا اعتقدنا ان السيارة الادا هى منتج جيد جدا له سمعته بين العملاء وهو الذى يقوم بنفسه بالدعاية المبنية على هذا الاساس وهذا طبعا بالمقارنة بالسعر المعروض .
وانا مثلا عندى السيارة الادا بشكلها القديم بعد التعديل وتركيب الباور والمكيف افضل من الصينى بكل انواعه وكثير من الموديلات الكورية فالسيارة ليست شكل وكماليات ورفاهية فقط وانا لاارى سيارة كورى فى السوق تعدت فترة ال 10 سنوات وحالتها مازالت جيدة بالمقارنة لللادا صحيح هذا الفكر عالميا غير مقبول فالسيارة فى اوروبا وامريكا بعد 10 سنوات لا يسمح اصلا بترخيصها ولكن منظومة الحياة المصرية بكل معطياتها مختلفة تماما هذا ربما هو سبب استمرار الادا فى مصر وكذلك شركة الامل وتقبلوا تحياتى.

الادا ليها زبونها الخاص دة لو بنتكلم عن ال 2107 فدي مش محتاجة دعاية زي الموديلات الكتيرة ,ال 2107 بتتباع علي اساس السمعة القديمة للعربيات الادا الجامدة القوية ,لكن منقدرش نقول ان الادا افضل من الانوس لان لامجال للمقارنة لان اللي بيفكر في الادا صعب انه يفكر في الانوس مش معني كدة ان الادا افضل من الانوس او ان الانوس افضل من الادا اللي بيحدد ايهما افضل اية اللي انت محتاجة من العربية لو عاوز شكل ونعومة وانسيابية يبقي لانوس لو عاوز حاجة جامدة وقوية ومتخفش عليها وسهلة الصيانة وقطع غيار رخيصة يبقي الادا وهكذا
لكن يبقي ان الادا الجدديد مش منتشر في مصر بسبب توكيل الامل !

[lonedoctor]

اوافقك الراى تماما فيما ذهبت اليه وانا دائما انظر للامور بنظرة كلية فلا يوجد شئ مطلق والقضية نسبية وتخضع لكثير من العوامل ومنها شخصية الانسان نفسه وثقافته احيانا تتدخل فى نوع السيارة التى يرغب فيها وكذلك احتياجاته وفى النهاية انا ارى ان خير الامور الوسط وبالذات فى بلدنا الجميلة الشئ العملى دائما هو الافضل وبالمناسبة انا نازل مصر فى القريب العاجل وناوى اشترى حاجة زيرو ومتحير بس تجربتى مع الاليكو تخلينى افضل اللادا بس لسة متحير اى موديل فيها ياريت لو تشاركنى الراى

[ahmed1981]

نفس فكرة ال 128 والشاهين
مفيش أي دعاية
لكن مش ملاحقين على الحجوزات