مشروع لادا نيفا اوف روود

[M7md 8oniem]

السلام عليكم و رحمه الله و بركاته ..

دي اول مشاركه ليا هنا ف المنتدي وكنت حابب استفسر من حضراتكم عن شويه اسئله كده بما اني مش خبير و اتمني الاقي الاجابات عند المتخصصين اللي هنا ..

انا بفكر اشتري عربيه ف حدود ال 20.000 حالتها كويسه الي حد ما منها اقضي مشاويري و منها اتدرب احسن ع السواقه لاني مش بسوق علي طول و دي هتبقي العربيه الاولي و مش الاخيره اكيد باذن الله بس عقبال ما الظروف تتحسن وكده ..

بعد بحث و فحص لاقيت ان ممكن بالمبلغ دا اشتري لادا نيفا مثلا موديل "85:94" اساسها مش بطال او مش محتاجه مصاريف يعني مش هقلق من تحملها للطرق هنا و قطع غيارها المتوفره او الصنايعيه اللي فاهمينلها ..

نيجي للاسفسارات :

1) هل بالمبلغ دا الاقي نيفا نضيفه ولا لأ
2)هل ينفع اركبلها عفشه و جنوط اوف روود و تنفيخ و تعديل و الحركات دي
3)هل موتورها احسن ولا يتسقطلها موتور بتيربو وليكن 1600 او موتور ديزل
4)هل ينفع يتعمل بيها درفتات حتي لو شيلت فتيس الغرز و الكارونه
5)هل ينفع اغير التابلوه القديم بالجديد و اغير الكراسي بحاجه نضيفه
6)هل ينفع اركب كونسول بفتحه تكييف ورا و دا بعد حل مشكله الحراره و العزل
7)هل في شغل ليدات للفوانيس او ليدات معينه بتركب جوا الكابينه

احتاج فعلا لردود حضراتكم خصوصا اللي يملك النيفا .. و ياريت محدش يقولي و عليك بايه من دا كله ماتجيب كذا كذا بدلها حتي لو التعديل هيكلفني 20.000 كمان .. انا حابب اخليها مشروع للنيفا يتحكي بيه .. مش بقول هعمل دا كله ف يوم و ليله ولا ف سنه حتي بس انا عشقي للعربيات يخليني اتعبلها .. و طبعا لو في اي مقترحات اخري ابقي ممنون ليكم بجد و يارب اول مشاركه ماتبقاش اخر مشاركه باذن الله و اسف ع الاطاله

[M7md 8oniem]

حوالي 40 مشاهده و مفيش ولا رد .. صراحه مكنتش متوقع كده خصوصا اصحاب النيفا اللي متابعهم هنا .. عامه شكرا للافاده

[Mohamed Desoky]

السلام عليكم ورحمة الله وبركاته معلشى انا فهمت من كلامك كده انتى عايز رانجلر علشان كل التعديلات دى خصاره فى النيفا اوالادا وانا بتكلم لانى كان معايه لادا و12 سنه فى الميكانيكه واشتغلت فى كل العربيات القديمه قبل الانجكشن وايام الدراسه شوف انا 45 سنه مر عليه عربيات كتير نصيحة اخ اكبر او اصغر الفلوس اللى هتدفعها فى التعديلات دى اصبر شويه على نفسك لحد ماربنا يسهل وهات حاجه عاليه فى الموديل وابعد عن موديلات 20 سنه فاته لان فى لحظه هيطلع قرار الغاء تراخيص القديم احظر من المعلومه دى اصبر البلد ماشيه بلاش نغلط انا قلتلك نصيحه ويارب يخيب ظنى والقديم يحلو فى عين البهوات وشكرا

[M7md 8oniem]

طبعا شكرا لنصيحه حضرتك بمبدا اكبر منك بيوم يعرف عنك بسنه .. بس العربيات موديل تسعينات بيتهيالي ماليه البلد و اشك انهم يعدمو دا كله بما ان الثمانينات لسه بيترخص .. بعدين بحب الاختلاف ف نفسي اركب حاجه مختلفه دا قصدي .. و بالنسبه للرانجلر ف 40.000 مثلا اللي هيتصرفو ع النيفا يادوب اجيب بيهم رانجلر ستوك مافيهاش شغل .. اما بخصوص الموتور مش لو سقطلها مكنه نضيفه انجيكشن حتي هتحل المشكله !؟
وبـــرضو شكرا لرد حضرتك ..

[Mohamed Desoky]

طبعا شكرا لنصيحه حضرتك بمبدا اكبر منك بيوم يعرف عنك بسنه .. بس العربيات موديل تسعينات بيتهيالي ماليه البلد و اشك انهم يعدمو دا كله بما ان الثمانينات لسه بيترخص .. بعدين بحب الاختلاف ف نفسي اركب حاجه مختلفه دا قصدي .. و بالنسبه للرانجلر ف 40.000 مثلا اللي هيتصرفو ع النيفا يادوب اجيب بيهم رانجلر ستوك مافيهاش شغل .. اما بخصوص الموتور مش لو سقطلها مكنه نضيفه انجيكشن حتي هتحل المشكله !؟
وبـــرضو شكرا لرد حضرتك ..

هقولك على بعض المعلومات اللى عندى وجارى فى المدينه كان عنده النيفا الروسى 1 قطع غيار اغلبها استيراد لان النيفا 1800 cc والادا منتشره لانها 1600cc وقطع غيارها متوفره مشاكل النيفا بطيئه مش جرايه فتيس الغرز فى الموديلات دى غالبا كل ملاكها بيلغيه وبيشيل الكرونه الاماميه والمشكله الكبيرة ونقطة ضعف النيفا العغشه الاماميه وبلتحديد الدوشمه الاماميه اللى فيها تيل الفرامل ورمان البلى لان ارتفاعها عن الارض كبير بيحمل على مركز الدوران رمان البلى وكلامى لانى اشتغلت فيها وده عيب قديم فى النيفا وميكانيكيه حاوله يحله مشكلة ارتخاء الكاتينه الجنزير وده عيب مزمن مع الكاتينه الجنزير بترخى كل مده لوحدها حتى لو عملت ايه مفيش حد حل المشكله دى حتى توكيل حمدى لادا انا بعرفك على عيوب مش اى حد هيعرفها غيرميكانيكى لانى اتعلمت فى ورشة خالى وجيل السبعينات لازم فى الاجازه تشتغل ملكشى اختيار اسف طولت بس انا لما بشوف حد هيغلط لازم احظره

[M7md 8oniem]

هقولك على بعض المعلومات اللى عندى وجارى فى المدينه كان عنده النيفا الروسى 1 قطع غيار اغلبها استيراد لان النيفا 1800 cc والادا منتشره لانها 1600cc وقطع غيارها متوفره مشاكل النيفا بطيئه مش جرايه فتيس الغرز فى الموديلات دى غالبا كل ملاكها بيلغيه وبيشيل الكرونه الاماميه والمشكله الكبيرة ونقطة ضعف النيفا العغشه الاماميه وبلتحديد الدوشمه الاماميه اللى فيها تيل الفرامل ورمان البلى لان ارتفاعها عن الارض كبير بيحمل على مركز الدوران رمان البلى وكلامى لانى اشتغلت فيها وده عيب قديم فى النيفا وميكانيكيه حاوله يحله مشكلة ارتخاء الكاتينه الجنزير وده عيب مزمن مع الكاتينه الجنزير بترخى كل مده لوحدها حتى لو عملت ايه مفيش حد حل المشكله دى حتى توكيل حمدى لادا انا بعرفك على عيوب مش اى حد هيعرفها غيرميكانيكى لانى اتعلمت فى ورشة خالى وجيل السبعينات لازم فى الاجازه تشتغل ملكشى اختيار اسف طولت بس انا لما بشوف حد هيغلط لازم احظره

مع انى نفسوياتى بقت ف الحضيض بس وربنا انا ممنون ليك بجد و ربنا يخلي الناس الحلوه اللي زيك و يارب تنفع الناس بما تعلم ويجعله في ميزان حسناتك .. كده خلاص اعتبرنى ماكتبتش الموضوع من الاساس .. و اسف ع تعبك

[mhalawa74]

لادا نيفا (بالروسية: лада нива) هي إحدي سيارات الدفع الرباعي، مصممة للسير في الطرق الوعرة، تنتجها شركة أوتوفاز الروسية لصناعة السيارات، بالرغم من أن موديل نيفا بدأ إنتاجه منذ عام 1977 إلا أنه يتمتع بشعبية كبيرة حتى الآن في كلا من روسيا (بلد المنشأ)، كندا، أمريكا الجنوبية, الشرق الأوسط وبعض مناطق أوروبا, وبصفة عامة في البلاد ذات الطبيعة الوعرة، حيث تبرز الحاجة لسيارة متينة تتحمل تلك الطرق، مع تكلفة منخفضة مقارنة بمثيلاتها.

لادا نيفا التي كانت تحمل موديل رقم 2121 كانت أولى الموديلات التي انتجها المصنع دون الاعتماد على موديلات فيات الايطالية, مع ان اغلب الاجزاء الميكانيكية ظلت ايطالية التصميم إلا أن الجسم الخارجى ونظام القيادة الرباعي والتعليق الامامى كانوا من تصميم الخبراء الروس. بدأ الإنتاج المتسلسل لهذا الموديل في عام 1977 ولايزال ينتج حتى الآن دون أن يطرأ عليه أي تعديل جوهرى. و يتم انتجها قي مصر منذ 2009 وحتى وقت كتابة المقالة ولكن ليست قي قوة وصلابة مثيلاتها الروسية.لكنها قوية وتعيش طويلا وأ رخص من مثيلاتها رباعية الدفع.

[mhalawa74]

1- عربيه عاليه عن الارض وبالتالى اي رصيف تحب تجربه مفيش مشاكل
2- الصاج والعفشه والموتور ماشاء الله
3- قطع الغيار موجوده وبأسعر كويسه جداً جديد واستيراد مع وجود عدد من الصناعات الروسيه والالمانيه والصينه .......الخ
4- عربيه تحمل فيها وميهمكش وسافر زي ما انت عايز
5- عايز تركب تكييف تركب عايز علبة دركسيون باور موجود زجاج كهرباء....... يعنى بتقبل كماليات
6- يتعملك حساب بين الميكروباصات ودي ميزه بفلوس كتير
7- فتيس غرز وده ناس كتير شايلاه عشان بيتقل العربيه

[mhalawa74]

ينفع طبعا تركب بور
وبيتعمل عند حمدى لادا اعتقد بـ 3000 جنية
بس غريبة يا اخى الكريم ان العربية زيرو وبتشتكى من تقل الدركسيون ؟ ممكن توضح الوضع عندك بالظبط لانى ناوى اجيب علبة دركسيون خمسة بلية زى اللى راكبة عندك ومعتقد ان اداؤها كويس

[mhalawa74]

العربية دي محترمة وقوية جدا بس اهم شئ انك لما تشتري تكون الحالة على الاقل من جيد جدا للممتاز
العربية دي سريعة جدا موتورها 1600 سي سي على عربية وزنها خفيف نسيبا
قطع الغيار ف نفس رنج العربيات ف الفئة دي
اكبر عيب فيها هي الكارونة وعمود الكردان اللي بينقل الحركة من الفتيس للكارونة الخلفية
يفضل كارونا ياباني وعمود الكردات يتفقل صح هو كل حواره في مسمار 10 بس عايز يتعمل صح الصح عشان تنساه وف نفس الوقت تتابع الصيانة الخاصه بالموضوع دا وتبص عليها كل شوية
اعادة البيع سئ جدا جدا بس اعرف انك مش هتخسر فيها اي فلوس زي اي عربية في مصر كدا كد هتبيع بس لازم تعمل حسابك ف شهر اثنني ثلاثة عادي يعني وخسارة الفلوس هتكون ركبت بيها عربية ويمكن تبيع بنفس التمن اللي اشتريت بيه
على فكرة في ناس بتركب موتور 131 او 132 فيات عليها

[mhalawa74]

مبدأيا النيفا عربية حلوة مش وحشة بس لها استخدامات معينة لأنها بصفة عامة عربية مش ناعمة ونصيحتى لك لو حابب تركبها هات موديل 94 او اعلى مش اقل من كدة لأن البادى بتاع الموديلات من اول 94 اكبر واعرض من 93 او الاقل ومتعالج فيها عيوب كتير من عيوب النيفا زى انها بتتقلب بسهولة فى القديم دا انما الحديث من اول 94 مش من السهل انها تقلب وعاوز اقول لك انى كنت بخمس بيها مع انها ولا متوطية ولا اي حجات من دى كانت بوضع بلادها سواء عفشة او ماتور والنيفا عربية بتستحمل البهدلة وقطع غيارها معمرة بس هى مش موفرة فى البنزين كمان وبرضة قطع غيارها سعرها متوسط يعنى مش رخيص زى 128 مثلا يعنى مثلا طقم الديسك والاسطوانة يكلفك 400 جنية غير تركيبة طقم طنابير ورا 370 جنية تيل فرامل ورا ب 80 جنية تيل امامى ب 50 جنية مساعدين ب 130 جنية هى اشبه بالجيب فى الركوب انا طبعا بكلم على الحديث منها انما القديم دا مش انصح بيه خالص واركب دى ودى وجرب وعلى فكرة لو انت غاوى سفر مش حتكون حلوة معاك لأن لما سرعتها تزيد عن 100 تحس انها مش ثابتة ومش امان انما لو فى البهدلة والتكسير والكلام دا اسد بصراحة