صوت ونة فى الكرونة

[محمود سيد محمو]

عندى صوت ونة فى الكرونة الميكانيكى قالى اغير الكرونة عشان الصوت ده او احط شحم على زيت الكرونة عشان الصوت يهدى شوية برجاء الافادة
السؤال اغير الكرونة والا اغير الكرونة والاكسات والطقم كله اللى وراء لان فرق السعر كلام فاضى بينهم

[دعبدالرحيم]

نوع العربيه ايه...الافضل كرونه جديده صيانة الكرونة فاشله

[ahmed.biso13]

غيرها كلها وريح دماغك
وحط زيت تقيل للكارونة وبلاش موضوع الشحم

[محاسب صعيدى]

سوال رجاء الافادة ضرورى لو سمحتوا

هى كارونة الادا تنفع تركب على الشاهين وسعرها كام ومصنعية فى حدود كام وهى كويسة على الشاهين

[AhmedAlex88]

عندي نفس المشكلة،
معايا لادا 2105،
طيب سعر الكرونة كام ؟ انا سمعت انها في حدود ١٠٠٠ بالتركيب.
وسمعت برضه موضوع اني اركب كرونة 2107 احسن.
ايه رأيكم ؟

[AhmedAlex88]

عرفت النهاردة ان سعر الكرونة ( هنا في الاسكندرية ) حدود ٧٥٠ من غير المصنوعية، طبعاً تجربة على الارض، استعمال.
ايه رأيكم ؟ اتوكل على الله ؟

[شريف القاضي]

انا عندي نفس المشكله المكانيكي قلي ممكن تركب كرونه سريعه انا معايا لاده 94 .. 2015

[Samir_Adel]

الكورونة اما بيكون فيها ونة، يبقي اتغسلت بجاز او مياة.. الصح انها تتغسل من الداخل بزيت نظيف.. و سيبك من موضوع الشحم دة، كل دة كلام فاضي و مسكنات بس مش علاج.. الحل تجيب واحدة استيراد كاملة، ترفها كويس جدا في اي ورشة.. و تكون ساعتها فاضية من التيل و المساتر و الابلاتو..الخ عشان لو فيها عواجاية، يقدر يجيب الاكسات مع جسم الدفرنسيل و يكشف علي البلي كويس، يكون ناعم ولا خشن ولا مدردر. و اهم حاجة يكون مراكز البلي سليم.. لو مش سليم اوعي تدي بنط لحام.. الاكس في الحالة دي بيترمي.. و ربنا يوفقك.

[محاسب صعيدى]

لو تكرمتوا
كارونة الادا تنفع تركب على سيارة شاهين 2001 سعة 1400 سي سي
ولو كان ممكن الجديدة من كارونة الادا تعمل كام وفين احسن مكن اشترى منه
وياريت كمان لو صنيعى كويس بجد وفاهم ومصنعية كام اكون شاكر جدا لو رقم تلفونه يكون فى القاهرة او اسيوط او سوهاج
مع الشكر