Tweet
رجالة السمارا
معروض عليا سمارا ٢٠٠٧ اللى هى موديل ٢١١٥ السيدان من غير تكييف _ انا اساسا يعنى موضوع التكييف ده مش فدماغى قوى _ اهم حاجه عندى فالعربيه ان سواقتها تكون سهله خصوصا انها اول عربيه هجيبها تكون سهله فسواقتها لانى لسه هتعلم السواقه عليها وتكون قطع غيارها موجوده خاصة انى من سكان القاهره _ يعى لو ملقتهاش هنا فواضح انى مش هلاقيها فأى حته _ وتكون عربيه إعتماديه تستحمل السفر الطويل _ يعنى مثلا ٥٠٠ كيلو ذهابا ثم ايابا لسوهاج مرة واحده شهريا .. واخيرا تكون حنينه فمصاريفها لان صاحبكم لسه فأول الطريق ودى أول عربيه اجيبها
انا اللى شدنى ليها الصراحه كذا حاجه :
١) موديل حديث
٢) سعر معقول
٣) عربيه سيدان
٤) تعتبر من فئة السيارات متوسطة الحجم
٥) موتورها نفس موتور الجرانتا المانوال وده اللى شجعنى ان قطع غيارها الميكانيكيه على الاقل هتكون موجوده
فأرجوكم يا جماعه النصيحه اكمل فالموضوع وأكلم صاحبها ولا أبعد واخدها من قصيرها وأشوف حاجه تانيه ولو انى متأكد انى مش هلاقى موديل عالى زى ده بالسعر ده ومش صينى