Tweet
فردتين الكاوتش اللى فى الخلف دخنوا النهارده دا معناه اية ويتحل ازاى
وشكرا لكل من يهتم
وشكرا لكل من يهتم
-
-
ممكن تفاصيل اكتر
الدخنه من الكاونش ولا الطنابير -
هل كنت رافع فرامل اليد وماشيComment
-
الدخنه دى وفق ما انا متصور يا اما من الطنابير او من التيل قافش على الطنابير او فرامل اليد مشدوده او معلقه على وضع الغلق .:36_2_55[1]:Comment
-
اللى أعرفه انك جديد فى السواقه وبالتالى أعتقد انك كنت ناسى فرامل اليد مرفوعه. بالنسبه لفك الكاوتش
اول حاجه العربيه تبقى على سطح مستوى وتشد فرامل اليد ولو تحجرها بالمره يبقى كويس وبعدين تهوى المسامير او الصواميل وبعدين ترفع العربيه بالكوريك وتكمل فك المسامير وبالتوفيق[SIZE="5"]لا اله إلا الله محمدُ رسول الله[/SIZE]Comment
-
حتى لو كان جديد مش حاسس ان العربيه تقيله ؟طب يزق العربيه وهيا مموره مش عارف برضه طب يبص على فرامل اليد مش عارف يبص برضه ؟ عارفين ياحضرات معنى ان الكاوتش الخلفى دخن ايه والتكلفه ايه اول حاجه على الميكانيكى عدل فك التيل وتغير لازم تيل جديد و2ماستر جداد لان طقم اصلاح مش هينفع لان الادا معظم الات الجر التمونيا بتتمدد باقل حراره وطبعا طنابير جديده لانها سخنت جامد وحصل فيها ريجه مع تمدد الحراره واخيرا الكاوتش لايمكن هيشتغل تيوبلس لان الشفه بتاعت الكاوتش ساح منها العصب او فقدت قوة تحمل الضغط ؟ده اللى حصل انا عارف لانى فاهم فى الميكانيكى كويس وماتنساش تغير سوسة التيل لانها ريحت جامد والزيت الباكم كله لازم يتغير لانه اتعرض للغلايان وفقد لزوجته ؟قصه طويله ومبلغ هيتصرف و اى واحد معرض للغلط وياريت كلنا ناخد بالنا ونلاحظ بسرعه اى تغير فى اداء العربيه من اول مااركب عربيتى لازم احب عربيتى واحس بيها لان الادا عقيمه مفيهاش تكنولوجيا لازم السائق يحس بلعربيه كلنا بنسوق لكن مش كلنا بنفهم فى الميكانيكا ربنا يكون فى عونك وياريت تعرفنا ايه السببComment
-
شكرا جزيلا للاخوة الكرام وخاصة الاستاذ محمد دسوقى لكن اللى حصل انى انا ومدرس زميل كنا رايحين ناحية الدائرى فى اسكندرية نتفرج على حته ارض نشتريها وسقت انا واحنا رايحين والعربية ماشيه تمام زى الفل ولما رجعنا قولتله سوق انت حسيت ان رجله تقيلة ع العربية والعربية متكتفة معاه انا قلت دى مش عربيته ومش فاهمها لكن هو عنده خبرة كويسه فى السواقة والميكانيكا لانه قالى قبل ما ننزل الكاوتش دخن وبالفعل لقيته بيطلع دخان وجاب ميه وكبها على طاسة الكاوتش لقيته بيطش وقالى دى تيل الفرامل وبالفعل انا اشتكيت قبل كده من فرامل اليد لانها مش شغالة تمام ورجت بيها المرور ولمل وصلت لقيتها مرفوعة ودى مش اول مرة واهو جارى الاصلاح بفضل الله
وهو دا اللى حصلComment
-
كويس الكلام ده بس اهم حاجه غير المساطر الصغيره وتيل الفرامل املا عند بتوع التيل وغير السوست لان الادا علمتنى كتير اوى خلى بالك العيب فى المساطر اوعى تركب جلد غير المساطر الصغيره الخلفى المسطر الواحد تقريبا 40 ج واملا التيل والطنابير ملسها على المخرطه ولو خلصاته مش حمل خرط هات اتنين نضاف او جديد وانا مش عارف ليه الاسكندرانيه حبين الادا ربنا يكرمكالمشاركة الأصلية كتبت بواسطة سعد حسن الديب مشاهدة المشاركةComment
-
الموضوع مش حب فى اللادا الموضوع انى زى واحد حابب يمتلك سيارة والاخوة نصحونى طالما لسه بتتعلم السواقة مش هينفع معاك غير اللادا اذا الموضوع ليس حبا وان شاء الله لما احس انى خلاص اتعلمت وبسوق كويس هاقلبها واجيب حاجة تانية وادى احنا بنتعلم يا استاذ محمدComment
-
هي المشكله مش في الاداالمشاركة الأصلية كتبت بواسطة mohamed desoky مشاهدة المشاركة
الادا مظلومه لكن زي ماالاسناذ سعد حسن الديب انه لسه
بيتعلم السواقه جديد ف خبرته في المكانيكا ضعيفه
واغلب الناس كده
مع اني شايف غير كده الادا عربيه محترمه
لليفهمها وتحط عليها كذا خط
لو حد مبيفهمش في الميكانيكا ميجبش لادا
الادا عربيه عمليه جدا وميكانكيتها سهله
وعربيه قويه اسعار قطع غيرها منتشره في
كل مكان ورخيصه بالنسبه للعربيات التانيه
انا عندي واحد صاحبي بيصوت من اسعار قطع غيار
سكودا فليشياComment
-
السلام عليكم ورحمة الله وبركاته ,وكل عام وانتم بخير ؟انا عارف الادا كويس جدا جدا وكانت فى التمنينات تاكسى ولحد اليوم وانا متفق معاك انها عمليه وممكن تنافس العربيات الصينى ده لو بيض العفشه اتصلح ومتوملصى العفشه فوق كوبرى او نفق ويبقى يوم لايعلمه اللى الله ده اول عيوب العفشه تانى عيب الكاتينه الجنزير والشداد بتاعها كنت باستمرار اشد عليه واتاكد ان الكاتينه مش مريحه لان لو ريحت سنه هتاكل وش السلندر الالمونيوم دول عبين من اسؤء عيوب العربيات مش هتكلم على عيوب تانى فى الادا لكن انا عن نفسى اشتغلت فيها سنين واول عربيه لى وكانت روسى وعربيه فابريكه لانى فاهم انا بشترى ايه لكن دلوقتى عمرى ماهفكر اركب لادا تانى لا روسى ولا مصرى وانا موافق معاك ان ميكانيكت الادا غير معقده لانها تكنولوجيا السبعينات مفيش فيها جديد ومش موجوده غير فى السيزوكى ماروتى والميكروباص ؟وقطع غيار الادا نعم ارخص حاجه فى السوق بس مش معنى كده انها معمره دايما قطع الغيار الرخيصه غير معمره وده الطبيعى وده الطبيعى لعربيات رخيصة التمن كل فتره بسيطه تغير لكن قطع غيار الالمانى معمره زى الفولكس موديل الستينات شغاله لحد دلوقتى زى الفل وتكنولوجيا قديمه زى الادا وطبعا قطع غيارها مش المانى اصبحت برازيلى لكن فى النهايه الفولكس احسن من الادا وشكر االمشاركة الأصلية كتبت بواسطة ahmed12ea مشاهدة المشاركةComment
Comment