شكر خاص للاستاذ محمد الدسوقى

[سعد حسن الديب]

استاذنا العزيز تم عمل ما قلته امس وبدلت البوجيهات والحمد لله تم حل المشكلة وشحمت ايديا زى ما قلت لى والعربية مشيت احسن من امبارح بفضل الله ثم بفضلكم وذهبت بها الى الميكانيكى وقالى التاكيهات والكربراتيز عايز يظبط وان شاء غدا يتم الاصلاح والحمد لله

[سعد حسن الديب]

لو تكرمت يا استاذ محمد ممكن تختار لى افضل زيت للموتور علما بان موتور السيارة خفيف

[سعد حسن الديب]

لو تكرمت يا استاذ محمد تختار لى افضل نوع زيت الموتور علما بان موتور العربية من النوع الخفيف فيا ريت تختار افضل زيت ترتاح معاة العربية

[Mohamed Desoky]

استاذنا العزيز تم عمل ما قلته امس وبدلت البوجيهات والحمد لله تم حل المشكلة وشحمت ايديا زى ما قلت لى والعربية مشيت احسن من امبارح بفضل الله ثم بفضلكم وذهبت بها الى الميكانيكى وقالى التاكيهات والكربراتيز عايز يظبط وان شاء غدا يتم الاصلاح والحمد لله

السلام عليكم ورحمة الله وبركاته ازيك ياسعد اسمحلى من غيرالقاب لانك صديق ؟الحمدلله ان المشكله اتحلت بس ده تصليح مؤقت لازم تغير الفلتر وتنظف الكربراتير عارف لو انتى هنا جنبى كنت ظبطهالك لانى زى ماقلتلك قبل كده انى اصلى ميكانيكى والادا اكتر عربيه ربتنى وعلمتنى الادب المهم غيرالفلتر ضرورى بنفسك مش كيميا سهل جدا وكل شهر بلكتير تغيره مع بنزين 80 ده لازم تغير الفلتر ضرورى جدا اما الزيت افضل حاجه للادا التعاون اتقل درجه مع فلتر زيت جديد ؟ التعاون كويس للادا كاتينه جنزير خلى بالك اتقل درجه واسكندريه بلد الادا انا متابع معاك ؟

[سعد حسن الديب]

انا يشرفنى صداقتك وعلى فكرة اسمح لى انى اقولك يا محمد برضه من غير القاب لانى فى نفس سنك تقريبا 46 سنة وبعمل مدرس لغة عربية وبجد يزدنى شرف صداقتك
ودمت لنا صديق واخا عزيزا
واسمحلى انا بكلمك دلوقت والعربية عند ميكانيكى بيظبطها وان شاء الله هاعمل اللى قلت عليه
انا اللى طالبه منك الصبر علينا شوية والمتابعة معى باستمرار لحد اما نقف على رجلينا وان كنت اثق فى ذلك لحسن اخلاقك اللى واضحة جدا من خلال كلامك

[Mohamed Desoky]

انا اخ ليك ياسعد وكنت فاكر سنك صغير انتى تبع جيل السبعينات ؟المسير وعمره مااختار حاجه ؟فاكر رمضان زمان كان حلو جدا والناس طيبه ازاى الحمد لله لسه فى ناس حلوه زيك المهم انا اتربيت فى ورشةخالى انتى عارف الجيل بتاعنا لازم يشتغل فى الاجازه المدرسيه مفيش رفاهية علشان كاوتش باتا والمريله ومصاريف المدرسه فاكر الزمن الجميل ؟نفسى الزمن يرجع لسن العشرين وايام معهد المساحه والحريه كانت اجمل ايام ؟مش عايز ادايقك انتى لو عايز اى حاجه انا تحت امرك المثل بيقول اسئل مجرب وانا متمرمت فى العربيات وربنا يديم المحبه بين كل الزملاء

[Colin Chapman]

فضايح غبور

السلام عليكم ورحمة الله وبركاته ازيك ياسعد اسمحلى من غيرالقاب لانك صديق ؟الحمدلله ان المشكله اتحلت بس ده تصليح مؤقت لازم تغير الفلتر وتنظف الكربراتير عارف لو انتى هنا جنبى كنت ظبطهالك لانى زى ماقلتلك قبل كده انى اصلى ميكانيكى والادا اكتر عربيه ربتنى وعلمتنى الادب المهم غيرالفلتر ضرورى بنفسك مش كيميا سهل جدا وكل شهر بلكتير تغيره مع بنزين 80 ده لازم تغير الفلتر ضرورى جدا اما الزيت افضل حاجه للادا التعاون اتقل درجه مع فلتر زيت جديد ؟ التعاون كويس للادا كاتينه جنزير خلى بالك اتقل درجه واسكندريه بلد الادا انا متابع معاك ؟

http://www.nilemotors.net/Nile/488983-a.html#post3876080882

فضايح غبور

[سعد حسن الديب]

اخى العزيز محمد لكم يسعدنى كلامك جدا
وكما قال رسول الله صلى الله عليه وسلم - خير الناس انفعهم للناس -وانت بحق من خير الناس
فعلا الله يرحم زمان وايام زمان احنا اللى اتربينا فى زمن كل حاجة فيه كانت حلوة علشان كده احنا اكثر الناس افتقادا للزمن الجميل
لكن هنعمل ايه ادى سنة الحياه
المهم سيدى احب اعرفك انى من حسن حظى وفضل ربنا علىا ان تحت البيت عندى ميكانيكى محترم جدااااااااااااااااااا
من كفر الشيخ راجل اقل ما يمكن ان يقال عنه انه مثال للامانة والشطارة والذمة يكفى انه حين يسمع الاذان يترك كل ما فى يده ويذهب ليؤدى فرض الله
النهاردة ضبط التاكيهات والكربرتير وحل الاسبراتير ووطى العربية شوية لحد مبقى صوتها معقول جداوغير فلتر البنزين وقالى فيه مسمار هواء كبير فى الكربرتير عايز يتغير
وبعد يومين هاجبلك واحد واركبولك ولما اخدت العربية ومشيت بيها اوديها الجراج
حسيت العربية مرتاحة جداااااااااااااااااااااااا
واول مرة احس بالعربية بجد انها بقت عربية
عايز اقولك 3 ساعات والعربية عنده ونايم تحتها ورافع العجلة الخلفية وفى الاخر بقوله طلباتك يقولى 40 جنيه
مكنتش مصدق ربنا كرمنى بالراجل ده زى ربنا ما كرمنى بمعرفتك اللى اتفاخر واتشرف بها
وان شاء الله متابع معاك كل جديد

[Mohamed Desoky]

والله انتى ابن حلال ياسعد وكمان محظوظ ان فى ميكانيكى تحت البيت وكمان صنيعى وكمان امين ؟ودى اصعب حاجه فى اى مهمنه صنايعى كويس وامين ؟فى الزمن ده بتلاقى صنيعى بس اسعاره زى الخواجات ونزيه زياده عن اللزوم وسهل عنده النصب على اى زبون ؟انتى ربنا بيحبك يبقى زيتنا فى دقيقنا ؟يبقى العربيه بتنام فى الضمان طول العمر خلى رقم تليفون الميكانيكى معاك على طول علشان مقالب الادا بس انا مش فاهم هو نام تحت العربيه ليه هو مش شغال فى التاكيهات والكربراتير والاسبيراتير يبقى نام ليه تحت العربيه اوعى يكون بيشوفها دكر او نتايه هاهاها ربنا يبارك فيك ياسعد ويستر طريقك يارب العالمين

[سعد حسن الديب]

اصلى نسيت افولك انه بلدياتى لانى اصلا من كفر الشيخ فالظاهر انى صعبت عليه لما لقانى مش فاهم حاجة وانا وضحت له كده فالظاهر انه اتوصى بيه شويه علشان بلديات وانت فاهم اما من ناحية يشوفها دكر ولا نتايه فهى طبيعى دكر لان اللى سايقها دكر قوى كمان
انت راجل عسل ويدوم الود ان شاء الله يا محمد باشا
وممكن لو تكرمت دا بعد اذنك طبعا رقم تليفونك
علشان التواصل اكتر وشكرا

[Mohamed Desoky]

اصلى نسيت افولك انه بلدياتى لانى اصلا من كفر الشيخ فالظاهر انى صعبت عليه لما لقانى مش فاهم حاجة وانا وضحت له كده فالظاهر انه اتوصى بيه شويه علشان بلديات وانت فاهم اما من ناحية يشوفها دكر ولا نتايه فهى طبيعى دكر لان اللى سايقها دكر قوى كمان
انت راجل عسل ويدوم الود ان شاء الله يا محمد باشا
وممكن لو تكرمت دا بعد اذنك طبعا رقم تليفونك
علشان التواصل اكتر وشكرا

ادى الرقم اللى مفيش حد بيكلمنى الموبايل زى قلته حتى التليفون اسهل من الكتابه 24 ساعه لانى على المعاش ومش عارف ليه طلعونى ع المعاش 01097007817

[mohsal]

استاذ سعد ممكن عنوان الميكانيكى بتاعك علشان اروحله وشكرا

[سعد حسن الديب]

باكوس ش 20 ابراج الندى اسال عن عطية الميكانيكى
ولو عايز رقم تليفونه استنى اما انقله من على باب المحل

[Mohamed Desoky]

باكوس ش 20 ابراج الندى اسال عن عطية الميكانيكى
ولو عايز رقم تليفونه استنى اما انقله من على باب المحل

ايوه انا عرفت العنوان كده

[Colin Chapman]

mohsal

mohsal