مشكلة في فرامل لادا 2107

[remxawe]

بسم الله الرحمن الرحيم
عندي مشكلة غريبة شوية في فرامل العربية بتحصل رجة شديدة على السرعة البطيئة وبتكون اقصها قبل التوقف مباشرة وبيكون في صفارة والرجة و الصفارة سعات تظهر وسعات لا بس في الغالب بتظهر ...ومبتظهرش على السرعة العالية ابدا لا الرجة و لا الصفارة والفرامل جيدة جدا معادا الرجة الغريبة ديه
ومعلوماتي انها محتاجة خرط طنابير بس الغريب ان الرجة مبتظهرش على السرعة العالية
ارجو الرد من اهل الخبرة
موديل العربية 2107 موتور 1600cc كربرتير

[فرج بسيونى]

هل فرامل اليد بتشد على اول سنتين
ازا كان ففى للجلاش للفرامل عبارة عن صمولتين 13 اسفل السيارة فى سلك فرامل اليد قم بفكهم لفتين اوثلاثة حتى يكون شد الفرامل فى المنتصف تقريبا
وان شاء الله تنحل المشكلة

[remxawe]

شكرا على الاهتمام و الرد ولكن المشكلة من الفرامل الامامية وفرامل اليد مظبوطةبتطلع لحد 4 اسنان زي ما الكاتلوج بيقول ولما ظبطت رمان بلي العجل الامامي خفت شوية ولكن مختفتش ....الى معقدني ان على السرعة العالية مفيش حاجة والا كنت خرطتها حتى العربية موديل 2013

[فرج بسيونى]

طيب ارفع الغجل الامامى ولفة باليد شوف فية تقل

[remxawe]

مفيش تقل بس بسمع صوت خشونة من الفرمل في جزء من اللفة و بقيت الفة تمام يعني و العجلة بتلف الصوت يروح ويجي
انا بفكر اخرطها واشوف النتيجة

[فرج بسيونى]

فعلا كدة عندك بيضاوى فى طنبورة الفرامل
الخرط هو الحل

[Mohamed Desoky]

فعلا كدة عندك بيضاوى فى طنبورة الفرامل
الخرط هو الحل

وممكن يشوف البلى الامامى يمكن فى بوش خفيف ارفع العجله الامامى وهز العجله لجوه ولبره وشوف فى بوش وله ايه وربنا يسهل ؟

[remxawe]

البلي سليم الحمد لله هي الطنابير شكلها مفتولة حاجة بسيطة
ان شاء الله هخرطها وابلغكم بالنتيجة

[م/أحمد عبد الفتاح]

لو الطنابير فيها رفة أو مفتولة يبقى تغيرها لأن الخراطة مش حاتنفع غير لو فى ريجة

[Mohamed Desoky]

لو الطنابير فيها رفة أو مفتولة يبقى تغيرها لأن الخراطة مش حاتنفع غير لو فى ريجة

كلام الباشمهندس احمد مظبوط

[م/أحمد عبد الفتاح]

مساء الفل ياباشا استاذ اللادا موجود أستأذن انا بقى

[remxawe]

شكرا للاهتمام و الرد انا هوديها للميكانيكي وهوا يشوف الازم و يعمله

[remxawe]

بس هل ممكن تكون الرجة من الفرامل الخلفية مع العلم اني بحس انها جاية من قدام و العربية ماشية 28 الف فقط وتم تغيير التيل الامامي و الخلفي الاصلي بتعها

[fouash666]

ممكن كتالوج لادا 2107 موديل 2006